Sekatèn
![](http://upload.wikimedia.org/wikipedia/commons/thumb/0/08/Lapangan_Manunggal_Gombong.jpg/220px-Lapangan_Manunggal_Gombong.jpg)
Sekatèn (dijupuk saka tembung syahadatain utawa rong kalimat sahadat) iku salah sawijining upacara adat minangka wujud rasa syukur masarakat Islam Jawa Tengah kang ditindakaké saben sasi Mulud pananggalan Jawa kanggo mengeti lairé Nabi Muhammad.[1] Jaman mbiyèn upacara iki dianggo déning Sultan Hamengkubuwana I, pangadeg Kraton Ngayogyakarta kanggo ngundang masarakat lumebu agama Islam.
Ing upacara Sekatèn iku rerangkèn adicara kang paling dienteni ya iku metuné gamelan karaton Nyai Nagawilaga lan Nyai Gunturmadu kanggo diunèake ing Pagongan Masjid Gedhé Kraton Ngayogyakarta. Gamelan iku diarak saka Bangsal Pancaniti marang Masjid Gedhé banjur kanggo ditabuh seminggu suwéné lan disiaraké nganti dalan Malioboro saéngga nambah swasana budaya Kutha Ngayogyakarta. Pucuk adicara Sekatèn ditandhani kanthi metuné sapérangan gunungan kang ingaran Grebeg Mulud, kang dhasaré nggambaraké sedhekahing para ratu marang rakyaté lan nyimbolaké kasejahteraan.[2]
Pengetan Sekatèn dipungkasi kanthi adicara Bedhol Songsong utawi péntas wayang kulit ing pagelaran Kraton Ngayogyakarta Hadiningrat. Ing adicara Sekatèn uga digawé panggung kesenian kang nggelar festival seni tradisi lan religi, lan dianakaké rerangken kagiyatan ékonomi kang diwujudake kanthi pasar rakyat utawa ingaran Pasar Malam Perayaan Sekatèn (PMPS) kang digelar suwéné 40 dina.[2]
Cathetan sikil
[besut | besut sumber]- ↑ [1] Archived 2013-01-25 at the Wayback Machine..
- ↑ a b Perayaan Sekaten 2011 di Yogyakarta;