Kushari
Praèn
![](http://upload.wikimedia.org/wikipedia/commons/thumb/e/e9/Egyptian_food_Koshary.jpg/220px-Egyptian_food_Koshary.jpg)
Kushari, utawa koshari (Arab: كشرى, ˈkoʃæɾi), iku sawijining masakan Mesir. Asliné panganan iki dimasak kapisan ing abad ping 19, lan digawé saka beras, makaroni, lan kacang-kacangan sing diawor lan diwèhi saus tomat pedhes saha cukak bawang. Banjur diwèhi brambang gorèng lan kacang Arab ing dhuwuré. Tètèsan banyu bawang, utawa cukak bawang, lan sambel uga kena.
Masakan iki ora mung végetaris, nanging uga végan.
Jaman biyèn kushari didol ing grobag lan warung, nanging saiki rèstoran uga akèh sing adol. Malah ana rèstoran kusus kushari.