Korosi
Korosi iku siji istilah ing babagan kimia kang tegesé karusakan utawa dhegradhasi logam amarga ana réaksi redoks antarané siji logam karo dat kang ana ing lingkungan saubengé kang ngasilaké senyawa-senyawa kang ora dikarepaké.[1] Ana ing kadadéan korosi, logam ngalami oksidasi, déné oksigèn (udara) ngalami reduksi.[1] Karat logam lumrahé ya iku awujud oksida utawa karbonat.[1] Rumus kimia karat wesi ya iku Fe2O3.nH2O,[2] sawijing dat padhet kang warnané coklat-abang.[2]
Korosi wujud prosès elektrokimia.[2] Ana ing korosi wesi, péranganing wesi iku dadi anode, nalika wesi ngalami oksidasi.[2]
- Fe(s) <--> Fe2+(aq) + 2e[2]
Èlèktron kang dibébasaké ing anode mili menyang pérangan liya saka wesi kang dadi katode, nalika iku oksigèn karéduksi.
- O2(g) + 4H+(aq) + 4e <--> 2H2O(l)[2]
utawa
- O2(g) + 2H2O(l) + 4e <--> 4OH-(aq)[2]
Ion wesi(II) kang kadadéan ing anode kang kaoksidasi minangka ion wesi(III) kang sabanjuré minangka senyawa oksida kahidrasi, ya iku karat wesi.[3] Ngenani pérangan ngendi saka wesi kang dadi anode lan pérangan ngendi kang dadi katode, gumantung saka faktor, tuladhané dat pareget, utawa prabédané saka rapetan logam iku.[3]
Korosi bisa uga ditegesi serangan kang ngrusak logam amarga logam ngalami réaksi kimia utawa elektrokimia karo lingkungané.[3] Ana dhéfinisi liya kang njabaraké manawa korosi ya iku walikan saka prosès ekstraksi logam saka bijih mineralé.[3] Tuladhané , bijih mineral logam wesi ing alam bébas ana ing wujud senyawa wesi oksida utawa wesi sulfida, sawisé prosès èkstraksi lan diolah, bakal ngasilaké wesi kang kanggo gawé baja utawané baja padhuan.[3] Sasuwéné nganggo baja, baja bakal ngalami réaksi karo lingkungan kang bisa njalari korosi (bali manèh dadi senyawa wesi oksida).[3]
Pranala njaba
[besut | besut sumber]- http://www.potentiostat.com/
- http://www.corrosion-doctors.org/
- http://www.lenn-biz.com/cgi-bin/index.pl?node=metalurgi[pranala mati permanèn]
- http://www.chem-is-try.org/ Archived 2004-08-26 at the Wayback Machine.
- http://www.murdani.webs.com/ Archived 2011-08-03 at the Wayback Machine.
Cathetan sikil
[besut | besut sumber]
![]() | Artikel kimia iki minangka artikel rintisan. Kowé bisa ngéwangi Wikipédia ngembangaké. |