Kenikir
Kepunikar | |
---|---|
![]() | |
Klasifikasi ngèlmiah | |
Karajan: | Plantae |
Dhivisi: | Spermatophyta |
Klas: | Magnoliophyta |
Ordho: | Fabales |
Famili: | Asteraceae |
Génus: | Cosmos |
Spésies: | C. caudatus |
Jeneng binomial | |
Cosmos caudatus |
![](http://upload.wikimedia.org/wikipedia/commons/thumb/b/bd/Cosmos_caudatus%2C_Mangunharjo_Orchard%2C_Dlingo%2C_Yogyakarta.jpg/220px-Cosmos_caudatus%2C_Mangunharjo_Orchard%2C_Dlingo%2C_Yogyakarta.jpg)
Tuwuhan kembang kepunikar (Cosmos caudatus Kunth) ya iku tuwuhan kang duwé ambu kang khas, rada wangi lan rasa getir.[1]
Morfologi tuwuhan kepunikar
[besut | besut sumber]Tuwuhan kepunikar ya iku tuwuhan perdu kang dhuwuré watara 75–100 cm lan duwé ambu kang khas. Watangè jejeg, segi papat, duwé alur mbujur, duwé cawang kang akèh, lan duwé ros kang warnané ijo rada wungu. Godhonge majemuk, nyilang adhep-adhepan, nyirip, pucuké lancip, pinggirané rata, dawané watara 15–25 cm, lan warnané ijo. Kembangé kalebu jinis kembang majemuk.[2] Lan duwé oyot serabut.[3]
Kandhutan bahan kimia
[besut | besut sumber]Tuwuhan kepunikar duwé rasa legi lan sifaté adhem. Bahan-bahan kimia kang kandhut ing tuwuhan kepunikar ing antarané:saponin, flavanoid, polifenol, lang lenga asiri.[2] bahan kimia mau akèh kandhut ing pérangan godhong kepunikar.[3] Manawa oyoté ngandhut hidroksieugenol lan koniferil alkohol.[3] Sawijining panalitèn uga nemuaké manawa godhong kepunikar ngandhut senyawa kang duwé daya antioksidan kang cukup dhuwur.[1]
Manfaat
[besut | besut sumber]Ing Indonesia godhong kepunikar biyasa didadeake salah sawijining jinis sayuran ing jero pecel.Saliyané iku kepunikar uga duwé khasiat lan manfaat liyané ing antarané kanthi cara tradhisional bisa digunaake kanggo nambani kurang nafsu mangan, nambani lemah lambung, penguat balung kadhutan lenga asirine bisa digunaake kanggo ngusir gegremet.[1][3] Senyawa kang duwé sipat antioksidan bisa macu prosès apoptosis lewat jalur intrinsik (jalur mitokondria). Pemacuan opotosis iki minangka salah sawijining cara penghambatan karsinogenesis utawa jalaran kangker.[1]