Kansai
Kansai (関西) ya iku istilah kang minangka nyebutaké wewengkon Jepang ing sisih kulon Pulau Honshu kang kasusun saka 9 prefektur: Fukui, Mi, Shiga, Kyoto, Osaka, Hyogo, Nara, Wakayama, lan Tokushima.
Sanajan laladan Kansai mung manggoni 11% saka ambané wewengkon Jepang, 19,2% saka sekabèhingpopulasi pendhudhuk Jepang ana ing laladan Kansai, lan 19,3% PNB Jepang asalé saka laladan Kansai.
Istilah liya kanggo nyebutaké laladan ing kiwa-tengené kutha krajan kakaisaran Jepang jaman kuna ing Kyoto ya iku Kinki Chiho (近畿地方). Laladan Kinki kasusun saka 6 prefektur: Shiga, Kyoto, Hyogo, Osaka, Nara, lan Wakayama. Istilah Kinki asalé saka tembung "Kin" (近, sakiwa-tengené) lan "Ki" (畿, pura kaisar). Sajeroning buku wulangan Géografi, prefektur Mi lan Fukui uga dilebokaké ing laladan Kinki.
Padatan, istilah Kansai luwih musiwur tinimbang istilah Kinki Chiho. Istilah Kansai lluwih akèh digunakaké ing samubaranag kang asipat sosial kamasarakatan, déné istilah Kinki Chiho kanggo samubarang kang asipat ilmiah, kaya déné panulisan sajarah, kartografi, lan prakiran cuaca. Istilah wong Kansai (関西人, Kansai-jin) ngacu marang wong kang manggon ana ing laladan Kansai, nanging ota tau ana sesebutan wong Kinki.
sajeroning basa Inggris, istilah laladan "Kinki" lumrahé uga ora minangka ngindari salah pangertèn.
Uga delengen
[besut | besut sumber]
