Cassiopeia
Cassiopeia inggih punika salah satunggaling rasi lintang ingkang padhang ingkang mapan wonten ing belahan langit sisih lor.[1] Centaurus inggih kalebet salah satunggaling rasi lintang ingkang mlebet wonten ing kempalan 48 rasi lintang ingkang dipundhaptar déning astronom saking Walanda, inggih punika Ptolemy ing abad kaping kalih, lan salajengipun mlebet salah satunggal saking 88 rasi lintang modhern. Ing mitos Yunani. Cassiopeia nggambaraken ratu Cassiopeia ingkang wonten ing mitos raja Ethiopia. Cassiopeia badhé paling gampil dipuntingali mbentuk aksara 'W', ingkang kasusun saking gangsal lintang ingkang padhang. Cassiopeia inggih dipunkiteri déning rasi lintang sanèsipun inggih punika rasi lintang Andromeda ing sisih kidul, Perseus ing sisih kidul radi wétan, lan Cepheus ing sisih lor. Rasi lintang punika inggih kosok wangsulipun Big Dipper, lan saking garis lintang lor saged dipuntingali kanthi cetha ing purwakaning sasi Novèmber.
| CASSIOPEIA | |
|---|---|
 | |
| Cekakan | Cas |
| Genitif | Cassiopeiae |
| Asensio rekta | 1 |
| Deklinasi | +60 |
| Area | 598 derajad pesagi (#25th) |
| Lintang utama | 5 |
| Lintang Bayer/Flamsteed | 53 |
| Lintang mawa planèt | 5 |
| Lintang padhang | 4 |
| Lintang cedhak | 7 |
| Lintang paling padhang | α Cas (Schedar) (2.15m) |
| Lintang paling cedhak | η Cas (Achird) ( tc) |
| Obyèk Messier | 2 |
| Udan météor | Perseids |
| Rasi lintang sing wewatesan | Camelopardalis Cepheus Lacerta Andromeda Perseus |
| Katon antara lintang +90° lan −20°. Katon paling cetha ing wektu 21.00 jroning sasi November.  | |
Lintang-lintang
besutRasi lintang Cassiopeia gadhah laladan ingkang ambanipun kirang langkung 598 drajat persegi lan ngewrat tigang lintang ingkang dipunmangertosi minangka planit-planit. Rasi lintang punika saged dipuntingali ing garis lintang ing antawispun +90° lan-20° saha badhé katingal ingkang saé piyambak manawi dipuntingali ing jam 9 dalu ing salebeting sasi Novèmber. Rasi lintang punika gadhah sekawan lintang kanthi magnitudo sedayanipun langkung padhang saking tigang magnitudo, ingkang punika mratandhakaken bilih lintang-lintang punika saged dipuntingali kanthi mripat langsung. Déné lintang-lintang ingkang wonten ing rasi lintang punika inggih kados makaten:
- Beta Cassiopeiae utawi ugi dipunsebat Caph (palem) inggih punika ngewrat cahya raksasa jene ngantos pethak ingkang gadhah magnitudo 2,28, ingkang kedhaptar minangka tipe variabel Delta Scuti. Lintang punika gadhah ukuran kembar kados srengéngé lan langkung padhang ping 28. Lintang punika tebihipun 54 taun cahya saking bumi.
- Alpha Cassiopeiae utawi dipunsebat ugi Shedir utawi Shedar inggih punika lintang ingkang gadhah magnitudo 2,25 lan minangka lintang ingkang padhang piyambak nomer kalih ing rasi lintang Cassiopeiae. Lintang punika inggih gadhah cahya raksasa oranye ingkang padhangipun langkung padhang ping 500 tinimbang srengéngé. Lintng Alpha Cassiopeiae tebihipun kirang langkung 229 taun cahya saking bumi.
- Gamma Cassiopeiae inggih punika lintang pusat saking rasi lintang Cassiopeiae. Lintan punika kalebet variabel lintang ingkang aktip anggènipun érupsi. Lintang punika botten gadhah nama tradhisional ing basa Latin utawi Arab, nanging ing Cina lintang punika dipunsebat Tsih.
- Delta Cassiopeiae, ugi dipunmangertosi minangka Ksora utawi Ruchbah (dhengkul), inggih punika lintang binar ekliptika ingkang tebihipun 99 taun cahya lan gadhah variasi magnitudo ing antawisipun 2,68 lan 2,71.[2]
- Epsilon Cassiopeiae ugi dipunsebat Segin, inggih punika satunggaling cahya raksasa biru ngantos pethak ingkang tebihipun kirang langkung 442 taun cahya saking bumi. Lintang punika gadhah cahya ingakng langkung bening tinimbang srengéngé ping 720.
- Rho Cassiopeiae lan V509 Cassiopeiae inggih punika lintang ingkang paling bening ingkang saged dipuntingali kanthi mripat langsung ing galaksi punika.
- Eta Cassiopeiae inggih punika lintang binar ingkang ngewrat cahya kurcaci jene ingkang meh sami kaliyan srengéngé wujudipun lan ngewrat cahya oranye ugi.
Objek Langit Lebet
besutAmargi rasi lintang punika mapan wonten ing galaksi Bimasekti, mila Cassiopeia ngewrat objek langit lebet ingkang kathah. Kalih obejek Messier, inggih punika M52 (NGC 7654) lan M103 (NGC 581), inggih mapan wonten ing rasi lintang Cassiopeia punika. Kekalihipun inggih kalebet kluster kebikak. M52 inggih ngewrat kirang langkung 100 lintang lan tebihipun inggih 5200 taun cahya saking bumi. Déné M103 inggih langkung miskin tinimbang M52, ingkang namung ngewrat 25 lintang ing lebetipun lan tebihipun inggih punika 8200 taun cahya saking bumi.[2] Cassiopeia taksih kalebet wonten ing kulawarga rasi lintang Perseus sesarengan kaliyan rasi lintang Cepheus, Andromeda, Perseus, Pegasus, Cetus, Auriga, Lacerta lan Triangulum. Déné rasi lintang sanèsipun ingkang wonten ing sak kiteripun Cassiopeiae inggih punika rasi lintang Camelopardalis, Cepheus, Lacerta, Andromeda lan Perseus.
Cathetan suku
besut- ↑ Cassiopeia Archived 2012-02-14 at the Wayback Machine.(dipunundhuh tanggal 23 Pebruari 2013)
- ↑ a b Ridpath & Tirion 2001, kc. 106–108.
- Krause O; Rieke GH; Birkmann SM; Le Floc'h E; Gordon KD; Egami E; Bieging J; Hughes JP, Young ET, Hinz JL, Quanz SP, Hines DC (2005). "Infrared echoes near the supernova remnant Cassiopeia A". Science. 308 (5728): 1604–6. arXiv:astro-ph/0506186. Bibcode:2005Sci...308.1604K. doi:10.1126/science.1112035. PMID 15947181.
{{cite journal}}: CS1 maint: multiple names: authors list (link) - Levy, David H. (2005), Deep Sky Objects, Prometheus Books, ISBN 1-59102-361-0
- Ridpath, Ian; Tirion, Wil (2001), Stars and Planets Guide, Princeton University Press, ISBN 0-691-08913-2
- Ian Ridpath; Wil Tirion (2007). Stars and Planets Guide. London: Collins. ISBN 978-0-00-725120-9.
- Staal, Julius D. W. (1988). The New Patterns in the Sky: Myths and Legends of the Stars. The McDonald and Woodward Publishing Company. ISBN 978-0-939923-04-5.