Winnipeg
![](http://upload.wikimedia.org/wikipedia/commons/thumb/5/5b/Parliamentwinnipeg_manitoba.jpg/250px-Parliamentwinnipeg_manitoba.jpg)
Winnipeg er stærsta borg og höfuðborg Manitoba í Kanada. Winnipeg er sjöunda stærsta borg Kanada og þar búa yfir 60% íbúa Manitobafylkis eða um 700.000 íbúar (2015).[1] Winnipeg er nálægt landfræðilegri miðju Norður Ameríku.
Nafnið „Winnipeg“ kemur úr Cree tungumálinu og merkir „gruggugt vatn“ og vísar það til vatnsins í ám og vötnum á svæðinu.
Winnipeg svæðið var viðskiptamiðstöð frumbyggja fyrir komu Evrópubúa til svæðisins um aldamótin 1800. Á seinni hluta 19. aldar og byjun 20. aldar var Winnipeg ein af ört stækkandi borgum Norður-Ameríku og varð hún fljótt miðstöð flutninga og framleiðslu.
Landfræði
[breyta | breyta frumkóða]Winnipeg liggur í botni Rauðárdalsins (Red River Valley). Fyrir norðan Winnipeg er Winnipegvatn (11. stærsta stöðuvatnið í heimi).[2] Svæðið er nánast alveg flatt og það eru engar brekkur eða hæðir í borginni eða í nágrenni við hana. Hæð Winnipeg yfir sjávarmáli er 240m. Flatarmál borgarinnar er samtals 464.08 km2 (179.18 sq mi).
Álmur vex víða í borginni og setur svip sinn á eldri hluta bæjarins.[3]
Veðurfar
[breyta | breyta frumkóða]Winnipeg hefur rakt loftslag með miklum hitasveiflum eftir árstíðum. Hitinn er yfirleitt fyrir neðan frostmark frá miðjum nóvember fram í miðjan mars. Mesti kuldi sem mælst hefur var -47.8 °C þann 24.desember 1879. Sumur í Winnipeg geta svo verið ansi heit, en mesti hiti sem mældur hefur verið var 42.2 °C þann 11.júlí, 1936. Þrátt fyrir þessar miklu sveiflur í hita þá státar Winnipeg þó af titlinum Önnur sólríkasta borg Kanada.[4]
Samfélag
[breyta | breyta frumkóða]Íbúar Winnipeg eru margir hverjir af evrópskum uppruna. Einnig er hlutfall frumbyggja í borginni hærra en í öðrum borgum Kanada (um 11%) og er fjöldi tungumála talaður á svæðinu. Auk ensku og frumbyggjatungumála eins og Cree er m.a. þar töluð franska, þýska, og tagalog en í Winnipeg er næst stærsta samfélag Filipseyinga í Kanada á eftir Toronto.
Samgöngur
[breyta | breyta frumkóða]Borgin státar af góðum lestarsamgöngum, almenningsvögnum og góðum þjóðvegum. Í Winnipeg er líka alþjóðaflugvöllurinn James Armstrong Richardson International Airport.
![](http://upload.wikimedia.org/wikipedia/commons/thumb/7/7a/Winnipeg_skyline.jpg/220px-Winnipeg_skyline.jpg)
Íslendingar í Winnipeg
[breyta | breyta frumkóða]Nokkur fjöldi Íslendinga er búsettur í Winnipeg og bæjum í kring í Manitobafylki, m.a. Gimli. Íslenskur heiðurskonsúll hefur starfað í Winnipeg frá 1942, en árið 1999 var opnuð aðalræðisskrifstofa með útsendum diplómat. Ræðismaður Íslands í Winnipeg er nú Þórður Bjarni Guðjónsson.[5]
Tilvísanir
[breyta | breyta frumkóða]- ↑ [1], skoðað þann 3. júlí 2016
- ↑ „Lake Winnipeg“. World Lake Database. Afrit af upprunalegu geymt þann 10. feb. 2007. Sótt 4. mars 2014.
- ↑ „Winnipeg Tree Facts“ (PDF). City of Winnipeg. Afrit af upprunalegu (PDF) geymt þann 5. mars 2014. Sótt 4. mars 2014.
- ↑ [2], skoðað 5. júlí 2016
- ↑ [3][óvirkur tengill], skoðað 5. júlí 2016
Tenglar
[breyta | breyta frumkóða]- Aðalræðisskrifastofa Geymt 9 júlí 2016 í Wayback Machine
- Winnipeg-borg
- Að flytja til Winnipeg Geymt 19 febrúar 2010 í Wayback Machine