Notandaspjall:MagnúsSveinnHelgason

Velkomin(n) á íslensku Wikipediu!

Takk fyrir að skrá þig á frjálsa alfræðiritið. Við erum afar þakklát fyrir framlag þitt til þessa samvinnuverkefnis. Meginreglurnar eru einungis þrjár og þær eru afar einfaldar: á Wikipediu eru engar frumrannsóknir, allt er skrifað frá hlutlausu sjónarmiði og það þarf að vera hægt að staðfesta upplýsingar í öðrum heimildum.

• Ef þú hefur ekki skoðað kynninguna og nýliðanámskeiðið, þá er þetta tilvalinn tími!
• Leiðbeiningar um hvernig er best að byrja nýja síðu eru gagnlegar fyrir byrjendur. Einnig eru gagnlegar ábendingar á síðunni Að skrifa betri greinar.
• Hafðu engar áhyggjur af tæknilegum atriðum, því það er til svindlsíða.
• Handbókin er ómissandi þegar þú ert að skrifa eða breyta greinum. Þar eru einnig gagnlegir tenglar á síður með frekari leiðbeiningum.
• Í Pottinum geturðu tekið þátt í umræðum og spurt almennra spurninga og samfélagsgáttin hefur svo tengla á ýmislegt fróðlegt um aðra notendur og margt fleira sniðugt.
• Einnig er hjálpin ómissandi ef þú vilt fræðast nánar um Wikipediu.

Ég vona að þú njótir þín vel hér á íslensku Wikipediunni. Hikaðu ekki við að hafa samband við mig á spjallsíðu minni ef þú hefur einhverjar spurningar. Gangi þér vel!

--Cessator 31. júlí 2010 kl. 01:41 (UTC)

Don't speak Icelandic? Post {{#babel:is-0}} on your user page or add more languages into your babel box.

Dreift eignarhald og kjölfestufjárfestir

Sæll aftur Magnús og velkominn á Wiki.

Sem átoritet um bankahrunið langar mig að spyrja þig hvort þú teljir að hugtökin dreift eignarhald og kjölfestufjárfestir eiga rétt á sjálfstæðri umfjöllun. Sbr umræðu hér. Kv, --Jabbi 2. ágúst 2010 kl. 22:10 (UTC)

Sæll, og takk! Já, mér finnst það eiginlega. 1) Bæði hugtökin voru mjög mikið notuð og þó þau hafi ekki alltaf verið mjög skýrt skilgreind, þá vísuðu þau til ákveðinna hugmynda á tímum bankabólunnar - þannig að þau komu fyrir í umræðunni. Það má því réttlæta þau mjög vel og gera þeim skil út frá stað og stund í íslenskri umræðu 1998-2008. 2) Í stærra samhengi: Það eru deilur úti í hinum stóra heimi um ágæti dreifðrar eignaraðildar vs kjölfestufjárfesta, þó það séu ekki notuð þessi eða endilega akkúrat sambærileg hugtök - og í þessum umræðum er það sem þessi hugtök vísa til bundið öðrum stærri umræðum, sennilega mætti benda á shareholder value og kenningum agency theory í fyrirtækjastjórnun...? Vandinn er auðvitað sá að þegar það var talað um þessi mál á Íslandi var umræðan dálítið annars eðlis en þegar það er rætt um þau úti.

En ef íslenska Wikipedia vex út í að fjalla um slíkar deilur og kenningar mætti tengja sérstaka umfjöllun um þessi hugtök við hana.

Mér finnst einhvernveginn ekki rétt að fella þessi hugtök alfarið undir umræðu um einkavæðingu bankanna, þó bæði hugtökin séu tengt henni. Er ekki hægt að hafa einhverskonar tvíburafærslur: "Dreift eignarhald" "Kjölfestufjárfestir", þar sem talað er um að hvorugt hugtakið sé skýrt skilgreint, að það hafi verið rætt mikið um þessi ólíku tegundir eignardreifingar þegar bankarnir voru einkavæddir og svo áfram eftir það. En vísa svo til þess að það séu umræður um þetta utan íslands, og ótengt einkavæðingu bankanna. Þá er mikilvægt að hafa tengil á "yfirtökuskylda" og eitthvað um vernd minnihluta í fyrirtækjum. Þessar færslur þurfa líka að nefna og tengja á "almenningshlutafélag", og jafnvel "fé án hirðis".

Það sem ég er að segja er að það þarf í raun að skilja að bankahrunið og einkavæðingu bankanna annars vegar og spurningar og deilur um stjórn og eignarhald fyrirtækja annars vegar. Kjölfestufjárfestar og dreift eignarhald eru hugtök sem koma fyrir í báðum. Er ekki hægt að hafa Flokk sem inniheldur m.a. fyrirbærin kjölfestufjárfestar og dreift eignarhald, og svo marga aðra hluti sem marga er líka að finna í viðskiptafræði?

En þetta er auðvitað smekksatriði og flokkunarákvarðanir aldrei óyggjandi, og menn hafa ólík flokkunarkerfi. Ég treysti mér ekki til að fella dóma um hvernig þið flokkið hér!

En veltur þetta ekki líka dálítið á því hversu mikið efni er til staðar? Er ekki betra að hafa fleiri færslur en færri?MagnúsSveinnHelgason 3. ágúst 2010 kl. 00:23 (UTC)

Í háskólum í BNA

Þú gætir haft áhuga á þessu. Kv, --Jabbi 8. september 2010 kl. 21:44 (UTC)