Mývatn
![](http://upload.wikimedia.org/wikipedia/commons/thumb/2/2a/MyvatnPseudoCraters.jpg/220px-MyvatnPseudoCraters.jpg)
![](http://upload.wikimedia.org/wikipedia/commons/thumb/d/d6/Myvatn.png/220px-Myvatn.png)
Mývatn er stöðuvatn í Suður-Þingeyjarsýslu, skammt frá Kröflu. Mývatn er fjórða stærsta stöðuvatn Íslands, um 37 ferkílómetrar að stærð. Vatnið er fremur grunnt, eða fimm metrar þar sem dýpst er. Í vatninu eru um 40 litlar eyjar og þykja þær gefa vatninu ægifagurt yfirbragð. Innrennsli í vatnið er að mestu frá lindum sem eru víða við það austan- og sunnanvert. Úr Mývatni rennur Laxá.
Mývatn er einna þekktast fyrir fjölskrúðugt fuglalíf - t.d. eru fleiri andategundir þar en á nokkrum öðrum stað heimsins. Kísiliðjan vann kísilgúr úr vatninu af í tæpa fjóra áratugi, en vinnslu var hætt 28. nóvember 2004 og verksmiðjan rifin ári síðar.[1]
Sumir telja vatnið vera ofauðgað, þ.e. ofmettað af næringarefnum. Við Mývatn hefur verið starfrækt sjálfvirk veðurathugunarstöð síðan 1996.
Eitt og annað
[breyta | breyta frumkóða]- Í Þjóðsögum Jóns Árnasonar segir þannig frá sköpun Mývatns: Þegar guð drottinn hafði skapað himinn og jörð virti hann það fyrir sér og sá, að það var harla gott. En kölski var ekki á því; honum sveið það hversu fagur heimurinn væri. Hann tók það ráð í reiði sinni, að hann meig á móti sólinni og ætlaði að myrkva með því þennan dýrðar depil sköpunarverksins. En ekki varð nú af því samt, því úr migu kölska myndaðist Mývatn á Norðurlandi; enda þykir það jafnan ljótt stöðuvatn, og þó mývargurinn, er vatnið dregur án efa nafn af, enn verri, og er hann sannkallað kvalræði fyrir menn og málleysingja umhverfis vatnið.
Tilvísanir
[breyta | breyta frumkóða]- ↑ „Kísilgúrvinnslu við Mývatn lokið“. 29. nóvember 2004. Sótt 19. janúar 2008.
Tenglar
[breyta | breyta frumkóða]- Umhverfisstofnun - Mývatn
- Litast um í Mývatnssveit; grein í Morgunblaðinu 1964
- Lífríkið við Mývatn er dýrmæt perla sem ekki má glatast; grein í Lesbók Morgunblaðsins 1986
- Mývatnssveit; grein í Lesbók Morgunblaðsins 1936
- Mývatn og nágrenni; grein í Morgunblaðinu 1986
- Veiðitæki og veiðiaðferðir við Mývatn; grein í Árbók Hins íslenzka fornleifafélags 1967