Brjóstnál Palestrínu

Brjóstnálin.

Brjóstnál Palestrínu er gullin brjóstnál, sem í dag er geymd í hinu 'forsögulega þjóðarsafni Lúígí Pígoríní' (Museo Preistorico Etnografico Luigi Pigorini) í Róm. Skartgripur þessi ber áletrun á eldri latínu. Þegar brjóstnálin fannst seint á 18. öld var hún almennt viðurkennd sem elsta dæmi um latínu sem fundist hafði. Um þessa nál hefur nokkuð verið spekúlerað og tilgátur settar fram um að hún hafi verið fölsuð en nýleg rannsókn gerð 2011 komst að þeirri niðurstöðu að hún væri ekta „fram yfir allan raunhæfan grun“.

Tími og áletrun

Áletrunin á 'Brjóstnál Palestrínu'. Lesin frá hægri til vinstri.

Brjóstnálin er talin vera frá 7. öld f. Kr. Hún er áletruð með texta sem virðist vera á gamalli latínu, hér á rómversku letri:

MANIOS MED FHEFHAKED NVMASIOI

Samsvarandi setning á klassískri latínu væri líklega:

*MANIVS ME FECIT NVMERIO

sem þýðir:

Manius gerði mig fyrir Numerius