Oxford Street
Oxford Street er stór verslunargata í miðborg London. Um það bil 300 verslanir eru við götuna og hún er fjölsóttasta og þéttasta verslunargata í Evrópu.[1] Gatan fékk nafn sitt af því að hún var upprunalega hluti af veginum sem tengdi London við Oxford og hófst í Newgate í London.
![](http://upload.wikimedia.org/wikipedia/commons/thumb/7/76/Oxfordstreet_and_centrepoint.jpg/200px-Oxfordstreet_and_centrepoint.jpg)
Gatan er um 2,5 km að lengd og nær vestan frá Marble Arch við norðausturhorn Hyde Park, í gegnum Oxford Circus til St Giles’ Circus þar sem gatan sker Charing Cross Road og Tottenham Court Road. Framhald hennar til austurs heitir New Oxford Street að High Holborn. Margar aðrar megingötur í London skera Oxford Street, til dæmis Park Lane, Bond Street og Regent Street. Framhald Oxford Street vestan megin við Marble Arch er Bayswater Road. Svo ligggur leiðin áfram yfir Notting Hill við Holland Park Avenue og breytist í Uxbridge Road við Shepherd’s Bush-hringtorgið. Við Uxbridge tekur við þjóðvegurinn sem tengir London og Oxford.
Saga
breytaÞar sem gatan liggur nú var eitt sinn rómversks vegar sem hét Via Trinobantina, tengdi Hampshire við Colchester og varð seinna aðalvegurinn inn og út úr borginni.
Á fyrri öldum var gatan þekkt ýmist sem Tyburn Road (eftir Tyburn-ánni sem rann sunnan hennar og nú undir henni), Uxbridge Road, Worcester Road eða Oxford Road.[2] Í dag er nafnið Uxbridge Road enn notað um hluta vegarins á milli Shepherd’s Bush og Uxbridge. Fangar voru fluttir eftir götunni frá Newgate-fangelsinu að gálga sem stóð við Tyburn nærri Marble Arch og vegna þess varð hún alræmd. Um 1729 var farið að kalla götuna Oxford Street.[3]
Undie lok 18. aldar keypti jarlinn af Oxford marga af ökrunum sem umkringdu götuna og var svæðið síðan byggt upp og þróað. Það varð vinsælt hjá götuskemmtikröftum af ýmsu tagi og skemmtistaðir eins og Pantheon voru reistir þar. Á 19. öld varð svæðið þekkt fyrir verslanir sínar.
Oxford Street í dag
breytaNú á dögum eru við götuna margar deildaverslanir og aðalverslanir margra verslunarkeðja. Það eru líka margar litlar verslanir. Hún er höfuðverslunargatan í London, en ekki sú dýrasta eða nýtískulegasta, og er jafnframt hluti af stærra verslunarhverfi með Regent Street, Bond Street og öðrum nærliggjandi götum. Margar breskar verslunarkeðjur líta á verslanirnar sínar við Oxford Street sem „flaggskipin“ og nota þær mikið við markaðssetningu og kynningu vara. Af helstu verslunum má nefna:
- Selfridges, deildaverslun
- John Lewis, deildaverslun
- Marks & Spencer, deildaverslun með tvær verslanir á götunni
- Debenhams, deildaverslun
- House of Fraser, deildaverslun
- HMV, hljómplötuverslun
- Borders, bókaverslun
- Schuh, skóbúð
- Disney Store, leikfanga- og barnabúð
- Topshop, fatabúð
- Primark, ódýr fatabúð
- UNIQLO, fatabúð frá Japan
- Við Oxford Circus á miðju Oxford Street, þar sem gatan sker Regent Street, eru fjórar verslanir: H&M, United Colors of Benetton, Niketown og Tezenis
- Zara, fatabúð
- Bershka, fatabúð
- Pull and Bear, fatabúð
- Urban Outfitters, nýtískuleg fatabúð
- Gap, fatabúð
- Nike, íþróttavöruverslun
- Adidas, íþróttavöruverslun
- Games Workshop, leikjaverslun
Umferð er stundum ógreið um Oxford Street, bæði á gangstéttum, þar sem mikið er um ferðamenn og viðskiptavini verslananna, og á götunni sjálfri, því að margir strætisvagnar ganga um hana. Á gangstéttunum má líka yfirleitt finna nokkra predikara, fylgendur Hare Krishna og ýmsa pólitíska hópa sem eru að mótmæla eða kynna stefnu sína.
Jólaljós
breytaFyrir jólin er gatan skreyt með jólaljósum. Um miðjan nóvember eða í lok mánaðarins er einhver frægur fenginn til að kveikja á ljósunum og þau eru höfð kveikt fram á þrettándakvöld. Ljósin voru fyrst sett upp árið 1959, fimm árum efir að farið var að skreyta Regent Street með jólaljósum. Árið 1967 var samdráttur í London og þá var hætt að setja upp ljósin en byrjað aftur 1978 þegar leysisýning var haldin í Oxford Street.[4]
Stjörnur sem hafa kveikt á jólaljósum
breyta- 2009 — Jim Carrey
- 2008 — Sugababes
- 2007 — Leona Lewis
- 2006 — All Saints (Peter André & Katie Price einnig þekkt sem Jordan, G4, Andy Abraham)
- 2005 — Westlife
- 2004 — Emma Watson, Il Divo, Steve Redgrave
- 2003 — Enrique Iglesias
- 2002 — Blue
- 2001 — S Club 7
- 2000 — Charlotte Church
- 1999 — Ronan Keating
- 1998 — Zoë Ball
- 1997 — Peter André
- 1996 — Spice Girls
- 1995 — Leikendur úr sjónvarpsþættinum Coronation Street
- 1994 — Lenny Henry
- 1993 — Richard Branson
- 1992 — Linford Christie
- 1991 — Barnaspítalinn í Westminster
- 1990 — Cliff Richard
- 1989 — Gorden Kaye
- 1988 — Terry Wogan
- 1987 — Derek Jameson
- 1986 — Leslie Grantham, Anita Dobson
- 1985 — Bob Geldof
- 1984 — Esther Rantzen
- 1983 — Pat Phoenix
- 1982 — Daley Thompson
- 1981 — Pilin Leon (Ungfrú heimur frá Venesúelu)
Samgöngur
breytaCentral-, Jubilee-, Bakerloo-, Northern- og Victoria-leiðirnar í neðanjarðarlestakerfi Lundúnaborgar og nokkrar strætóleiðir þjóna Oxford Street. Neðanjarðarlestarstöðvarnar í götunni eru:
Vegna þess hve umferðin um götuna er gífurlega mikil lagði borgarstjóri Lundúna ásamt fleirum upp á að Oxford Street yrði gerð að göngugötu en komið yrði upp sporvögnum til að flytja fólk um götuna.[5] Hætt var við þessa áætlun vegna efnahagskreppunnar. Nú eru uppi áform um að byggja upp tvær lestarstöðvar fyrir Crossrail-verkefnið við Bond Street og Tottenham Court Road.
Tengt efni
breytaHeimildir
breyta- ↑ „Oxford Street gets its own dedicated local police team“. The Londoner. september 2006. Sótt 19. júní 2007.
- ↑ Oxford Street: The Development of the Frontage Geymt 28 september 2007 í Wayback Machine, í Survey of London: volume 40: The Grosvenor Estate in Mayfair, Part 2 (The Buildings) (1980), blaðsíður. 171-173, úr British History Online
- ↑ Tottenham Court Road Geymt 30 ágúst 2014 í Wayback Machine í Old and New London: Volume 4 (gefið út 1878), blaðsíður. 467-480, úr British History Online
- ↑ „London's bright past“. BBC. 22. desember 1997.
- ↑ http://news.bbc.co.uk/1/hi/england/london/5301366.stm