Piet Pieterszoon Hein
Piet Pieterszoon Hein | ||
![]() | ||
Profesiono: | militisto | |
Lando: | ![]() | |
Naskodato: | 25 di novembro 1577, 1557 | |
Nasko-loko: | Delftshaven | |
Mortodato: | 18 di junio 1629, 1629 | |
Morto-loko: | Oulde Kerk, Delft, Nederlando | |
Piet Pieterszoon Hein o Pieter Pietersen Heyn (25ma di novembro 1577 - 18ma di junio 1629) esis nederlandana admiralo e korsaro por la Nederlandana Republiko dum la Okadek-Yara Milito inter la Unionita Provinci e Hispania.
Hein esis la unesma e lasta persono qua kaptis granda parto de hispana "arjento-floto" de Amerika.
Frua vivo
[redaktar | redaktar fonto]Hein naskis en Delfshaven (nun parto de Rotterdam), filiulo di maro-kapitano, e divenis navigero dum adoleco. Dum sua unesma voyaji il sufris pro grava movo-maladeso. Kom yuna viro il kaptesis da Hispania, e servis kom galero-sklavo dum quar yari, probable inter 1598 e 1602, kande il kambiesis po hispana karcerani. Inter 1603 e 1607 il ri-kaptesis da Hispania, proxim Kuba.
En 1607 il adheris la Nederlandana Est-India-Kompanio e departis vers Azia, retroveninta pos kin yari kun la rango kapitano. Il mariajesis kun Anneke Claesdochter de Reus e habitis Rotterdam.
En 1618, kande il esis kapitano di la Neptunus, il e lua navo komisesis da Venezia. En 1621 il abandonis sua navo e voyajis a Nederlando. Dum yaro en 1622 il esis membro di la lokala guvernerio di Rotterdam, malgre ke il ne esis civitano dil urbo.
En 1623, il divenis vice-admiralo dil nova Nederlandana West-India-Kompanio (WIC) e navigis a West-India sequanta-yare. En Brazilia, il kaptis la Portugalana kolonio Salvador, e personale duktis l'asalto. En agosto kun tro mikra floto il navigis al westa litoro di Afrika ed atakis portugalana floto en la bayo di Luanda ma faliis kaptar navi. Il lore transiris la Atlantiko por probar kaptar navi ye Vitória, ma vinkesis.
Trovinte ke Salvador rikaptesis da granda hispana-portugalana floto, Hein retroiris adheme. La Nederlandana West-India-Kompanio komandigis lu nova eskadro en 1626. Dum posa inkursi en 1627 en Salvador, il atakis e kaptis triadek riche kargita portugalana varo-navi.
Moderna historiisti hodie ofte klasifikas Hein kom pirato, ma il esis vere korsaro; la Nederlandana Republiko kombatis le Habsburg, e Hein esis inter la maxim sucesoza e famoza komanderi dum la Okadek-Yara Milito. Dum ke multa korsari ne kondutis plu bone kam pirati, Hein deskurajigis mala konduto da lua kruo. Pluse, il esis ne individua korsaro ma komandis floti de navi, ed il esis Admiralo di la Nederlandana Republiko.
Hispana trezoro-floto
[redaktar | redaktar fonto]![](http://upload.wikimedia.org/wikipedia/commons/thumb/b/bd/Rotterdam_monument_pietheyn.jpg/220px-Rotterdam_monument_pietheyn.jpg)
En 1628, Admiralo Hein, kun Witte de With kom sua flago-kapitano, navigis skope kaptar hispana trezoro-floto kargita per arjento del amerikana kolonii e la Filipini. Kun il esis Admiralo Hendrick Lonck ed eskadro di Vice-Admiralo Joost Banckert, plus la pirato Moses Cohen Henriques. Parto dil hispana floto en Venezuela avertesis da nederlandana kruano perdita sur Blanquilla-insulo e kaptita, ma la cetera floto de Mexikia duris sua voyajo.
Dekesis hispana navi interceptesis; galiono surprizesis dum la nokto e kaptesis, non mikra navi cedis; du naveti kaptesis dum flugar, quar fluganta galioni atrapesis an la litoro di Kuba en la Bayo di Matanzas.
Pos musketo-salvei de nederlandana slupi la galioni anke cedis e Hein kaptis 11.509.524 gulden de trezoro per oro, arjento, ed altra chera vari, quala indigo e kochenilo. La nederlandani ne enkarcerigis la hispana krui, ma donis a li ampla alimenti por marcho a Havana.
Rezulte, la pekunio financizis la nederlandana armeo dum ok monati (e kapabligis ol kaptar la fortreso 's-Hertogenbosch), e la acionieri juis dividendo de 50% tayare. Hein retroiris a Netherlando en 1629, ube il aklamesis kom heroo.
Morto
[redaktar | redaktar fonto]Il divenis, pos konflikto kun la WIC pri politiko e pago, Lietnanto-Admiralo di Holando e West-Frizia ye 26ma marto 1629, e tale komandis la nederlandana floto, kun flago-kapitano Maarten Tromp. Il mortis samayare; lua flotilio interceptis tri korsari de Ostend. Il intence movis sua flagonavo inter du enemiko-navi. Pos mi-horo il frapesis da kanonkuglego e mortis nemediate. Il enterigesis che la kirko Oude Kerk en Delft.
La Piet Hein-Tunelo en Amsterdam esas nomizita honore lu.
Direta decendanto di Hein esis Piet Hein, famoza 20ma yarcenta dana matematikisto, fizikisto e poeto.