Maine

State of Maine

Stato di Usa



Chefurbo	Augusta
Maxim granda urbo	Portland


Oficala linguo	ne havas. Angla esas de facto.
Surfaco	86 542 km²

Habitanti Denseso di habitantaro	1 338 404 (2018) 16,9 hab./km²
Guberniestro	Janet Mills (D)

Transformo en stato:	15ma di marto 1820
Posto-kodexo abreviuro	ME




Reto	www.maine.gov

Maine esas Usana stato. Lu havas kom vicini Nova-Hampshire sud-weste, e Kanada nord-este, norde e nord-weste.

Bazala fakti pri Maine.

Historio

Unesma habitanti di nuna Maine esas indijeni Wabanaki. Estêvão Gomes, Portugalana navigisto qua verkis por Hispania, exploris e mapigis la litoro di la regiono en 1525, ma ne fondis kolonieto. Erste en 1604, Samuel de Champlain fondis l'unesma Europana kolonieto ibe.

L'unesma Britaniani koloniigisti arivis en la regiono en 1607, la sam yaro en quo fondesis Jamestown, Virginia. La koloniigisti apartenis a la kompanio Plymouth, ed abandonis la kolonio dum la sequanta yaro. La rivala regioni formacis la provinco Maine dum la 17ma yarcento.

Dum l'Usana Revoluciono l'Angli okupis Castine, urbeto che litoro. Kun la paco pos Usana nedependo, Maine divenis parto di Massachusetts. Britaniani e Usani itere disputis la regiono di Maine dum l'Angla-Usana milito di 1812.

Maine divenis Usana stato ye la 15ma di marto 1820, kom parto di la Kompromiso di Missouri: nordala stati aceptis Missouri kom stato kun sklaveso, e kambie sudala stati aceptis Maine kom stato sen sklaveso.

En 1839 eventis disputo pri frontieri, kun l'inkurso de ligno-extraktisti de New Brunswick an la nordo di Maine, e preske eventis milito. La frontiero establisesis erste en 1842.

En 1832 l'urbo Augusta divenis chef-urbo dil stato.

Geografio

Precipua artiklo: Listo di urbi en Maine

Maine esas la maxim nordala e la maxim granda stato di Nova Anglia. Cirkum 90% di lua teritorio esas kovrata da foresti.

La maxim alta monto dil stato esas Monto Katahdin, kun 1.606 metri di altitudo.

Ekonomio

Industrio komencis en la regiono dum 19ma yarcento, kun l'extraktajo di ligno, e pos la manufakturo di kotono. Altra importanta industro en ta epoko esas l'extraktajo di granito. Dum 20ma yarcento aparis l'industrio di papero e paplo.

L'unesma ferovoyo en la stato inauguresis en 1832.