Batalio di Cushima
Batalio di Cushima | |||
![]() | |||
Admiralo Tōgō Heihachirō en la Batalio di Cushima. | |||
Konflikto: | Rusa-Japoniana milito | ||
Dato: | de la 27ma til la 28ma di mayo 1905 | ||
Loko: | stretajo di Cushima | ||
Rezulto: | decidigiva Japoniana vinko | ||
![]() |
↔ | ![]() | |
Rozhdestvenski | ↔ | Heihachiro Togo | |
31 kurasonavi e kroznavi | ↔ | 12 kurasonavi, 8 kroznavi | |
4380 morti, 5917 vunditi; 21 navi sinkita, 7 kaptita, 6 disarma navi | ↔ | 117 morti, 583 vunditi |
La Batalio di Cushima eventis de la 27ma til la 28ma di mayo 1905, inter rusa Baltika navaro komandita dal admiralo Rozhdestvenski e Japoniana floto sub l'impero dil admiralo Togo.
Navigo til batalio-loko
[redaktar | redaktar fonto]Ye la 8ma di februaro 1904, Japoniana mar-armeo atakis Port Arthur e domajis serioze tri Rusa navi. Komence, la skopo di Japoniani esis protektar lia komuniko-linei e provizuro-linei en kontinental Azia, por futura milito en Mandjuria. Caro Nikolai la 2ma di Rusia sendis Baltika navaro, inkluzite quar kurasonavi de la klaso Borodino, lor la maxim nova de Rusa floto. Tamen, la cetera navi esis anciena, e havis multa problemi pri manteno. Rusa floto mustis navigar per 29 mil kilometri til atingar la loko di la batalio.
Dum l'autuno 1904 la floto Rusa dividesis en du. Parto navigis tra Mediteranio, kontre ke admiralo Rojdestvenski departis por periloza cirkumnavigo di Afrika qua duris dum 8 monati,[1]. La floto, propulsita per vaporomashini, subisis manko di provizuro di karbono, e kargo-navi mustis sendesar por provizar fuelo. Pro ke multa portui ne aceptis recevar militonavi, Rusi ne povis skurar la kareni por removar krustacei, e to afektis la rapideso di la navi. Dum la navigado ank eventis skarmuchi kun navi de Britaniana Royal Navy.
La batalio
[redaktar | redaktar fonto]![](http://upload.wikimedia.org/wikipedia/commons/thumb/5/53/Tsushima_battle_map-es.svg/280px-Tsushima_battle_map-es.svg.png)
Ye la 27ma di mayo, poke ante l'auroro, admiralo Togo navigesis kun skopo haltigar Rusa eskadro. Ilu komandis nova floto konsistanta ek 4 kurasonavi e 8 granda krozonavi akompanita da min granda navi: kontre-torped-navi, fregati e torped-navi.
Rusa floto videsis kande du hospitalo-navi, qui navigis kun lia lumi enswichita dop la cetera navi, videsis da krozonavo Japoniana. Rusi venis de sud-sudweste vers nord-nordweste, kontre ke Japoniani venis de weste e nord-nordweste. Togo imperis ke Japoniana floto jirez, por barar la transito por Rusa navaro, ma to expozis navala flanko Japoniana ad enemika projektili. Kande la lu linei distis per 6200 metri, komencis la kombato.
![](http://upload.wikimedia.org/wikipedia/commons/thumb/5/5b/JBMikasa.jpg/280px-JBMikasa.jpg)
Japoniani praktikabis pafado a longa disto ed uzis pulvero nomizita Shimoze, qua incendiis Rusa navi. Altralatere, materii uzita en Rusa navi esis plu fragmentigebla e brulebla kam l'uzita en Japoniana navi, do lua domaji esis plu granda. Rusi uzis municiono apta por perforar kurasi, e malgre li pafis multafoye kontre Japoniana navo Mikasa, la pafi Japoniana produktis plu granda domaji. Altralatere, pro ke Rusi ne povis skurar la kareni de lia navi, la granda quanto di eskombri diminutis la rapideso e la kapaceso pri rapide manovrar. La maxima rapideso di Rusa navi esis 8 nodi, o 15 km/horo, kontre ke Japoniana navi povis atingar 16 nodi, o 30 km/horo. Ye la 27ma di mayo, Rusi perdis 4 kurasonavi: Suvorov, Osliabia, Caro Alexandr la 3ma e Borodino, kontre ke Japoniana korasonavo Mikasa subisis nur lejera domaji.
Dum la nokto, Japoniana navi atakis lor desorganizita Rusa navaro. L'anciena kurasonavo Rusa Navarino sinkesis. Preske tota floto rusa sinkesis dum la batalio di Cushima, kontre nur 3 Japoniana torped-navi. Nur quar krozonavi sucesis eskapar, di qui 3 vers la neutra portuo Manila, en Filipini - lor Usana teritorio - ed 1 vers Vladivostok (Almaz, ca akompanita da du kontre-torped-navi).
Rezulto
[redaktar | redaktar fonto]Japoniana vinko esis kompleta. To precipitis Rusa kapitulaco signatita che Portsmouth ye la 5ma di septembro 1905. Inter altri, Japonian imperio prenis kontrolo sur Korea. Unesmafoye en la historio, moderna estala naciono vinkis westala povo.
Referi
[redaktar | redaktar fonto]- ↑ Hoje na História:1905 - Japão derrota Rússia na Batalha de Tsushima - Publikigita da Opera Mundi. URL vidita ye 27ma di oktobro 2017.