Batalio di Cassel (1328)
- Por samnoma batalio eventinta en 1677, videz Batalio di Cassel (1677).
Batalio di Cassel | |||
![]() | |||
Batalio di Cassel, segun pikturo de la 19ma yarcento. | |||
Konflikto: | revolto di rurani en Flandria, de 1323 til 1328 | ||
Dato: | 23ma di agosto 1328 | ||
Loko: | Cassel, Francia | ||
Rezulto: | decidigiva Franca vinko. | ||
Rejio Francia | ↔ | Flandriana rurani | |
Philippe la 6ma di Francia | ↔ | Nicolaas Zannekin † Winnoc le Fiere † | |
14.500, di qui 2500 soldati kun armi 12 mil infantriani |
↔ | plu kam 15 mil | |
17 kavalieri mortinta | ↔ | 3185 mortigita |
En batalio di Cassel, eventinta ye la 23ma di agosto 1328, la trupi komandita dal rejo Philippe la 6ma di Francia, unesma rejo de la dinastio Valois, konfrontis revolto di rurani en Flandria, komandita da Nicolaas Zannekin. La batalio eventis proxim urbo Cassel, norde de Francia, e rezultis la fino di la revolto komencinta en 1323, e la dominaco Franca sur Flandria.
Antecedenti
[redaktar | redaktar fonto]Komtio Louis la 1ma de Flandria kolektis imposti por Philippe la 6ma. La habitinti dil urbeti Veurne, St. Winoksbergen, Belle, Kassel, Poperinge e Bourbourg refuzis pagar ol. La komtio minacis punisar la rebeli, e li revoltis.
Ye la 6ma di aprilo 1327, pro demando da Philippe la 6ma, lora papo Ioannes la 22ma rinovigis interdikto qua negis a Flandriani, ecepte l'aristokrataro e la klerikaro, recevar sakramenti o havar sakra funero. La habitanti di Flandria judikis la papo kom "marioneto" de Philippe la 6ma. La klerikaro ne esis unanima pri l'interdikto: kelka kleriki ne aceptis la normo papala, kontre ke altri yes. Jean Laing, dekano de la diocezo di St. Winoksbergen, demandis ke lia kleriki obediez l'edikto. Jacob Peyt, un ek la chefi di la rebeli, probis kaptar Jean Laing e koaktar la kleriki disobediar l'edikto.
Altralatere, Louis la 1ma, komtio de Flandria, timis ke Flandriani e lora rejulo Edward la 3ma di Anglia federis kontre lu. Ilu pregis l'interveno da Charles la 4ma di Francia. Louis departis de Ghent vers Paris por pledar a la rejio. Tamen, ye la 1ma di februaro Charles la 4ma mortis subite. Edward la 3ma, qua mariajabis ye la 24ma di januaro sam yaro kun Philippa de Hainault, filiino de aliancito de Charles la 4ma, reklamacis la krono di Francia, tamen l'aristokrataro esis favoroza a Philippe, filiulo de Charles de Valois, qua asumis kom Philippe la 6ma. La nova rejulo riestablisis la yuri dil aristokrataro, tamen populala revolto duris.
La batalio e lua konsequi
[redaktar | redaktar fonto]La batalio eventis ye la 23ma di agosto 1328. Rebeli trancheigesis en monto Cassel. De ibe, li vidis lia vilaji brulanta e l'avanco di Franca trupi. Franci rimemorigis tale nomizita "batalio dil Ora sporni" eventinta en 1302, kande Flandriani decimacesis Franca armeo. Nicolaas Zannekin esis chefo di la rebeli, e sendis mesaji a Franci por establisar la dio di la batalio, tamen la mesaji recevesis kun desestimo, e reputesis kom sendita da individui sen chefo, qua nur meritis esar atakita.
Savanta pri la desestimo da Franci, iracoza rurani decidis atakar nemediate. Franca infantrio esis ripozanta kante l'atako komencis, e nur salvis su pro ke decidis luktar. Samatempe, Philippe la 6ma recevis alerto pri la kombati, e decidis su propra komandar kontreatako. La kavalieri sequis la rejio, ed encirkligis la trupi di rurani, qui ne povis fugar.
Nur 17 kavalieri mortis dum la batalio, kontre 3185 rebeli, inkluzite Zannekin. Samatempala kronikisti kalkulis la mortinti inter rurani de 9 mil til 22 mil. Franca armeo brulis Cassel, kontre ke Ypres e Bruges kapitulacis.