Jump to content

Thimphu

Urnosen dagiti silpo
Manipud iti Wikipedia, ti nawaya nga ensiklopedia
Thimphu
ཐིམ་ཕུ་ (dz)
Thimphu
Thimphu
Ti Thimphu ket mabirukan idiay Butan
Thimphu
Thimphu
Nagsasabtan: 27°28′00″N 89°38′30″E / 27.46667°N 89.64167°E / 27.46667; 89.64167Nagsasabtan: 27°28′00″N 89°38′30″E / 27.46667°N 89.64167°E / 27.46667; 89.64167
Pagilian Butan
DistritoDistrito ti Thimphu
Gobierno
 • KitaBatay-linteg a monarkia
 • Druk GyalpoJigme Khesar Namgyel Wangchuck
Kangato
7,656 ft (2,320 m)
Populasion
 (2011)Metro (2015)
 • Siudad91,000
 • Densidad7,850/sq mi (3,029/km2)
 • Metro
115,260
KlimaCwb
Websiteawan (para iti siudad); http://www.tcc.gov.bt (para iti Distrito ti Thimphu)
[urnosen iti Wikidata]

Ti Thimphu (Alpabeto a Tibetano: ཐིམ་ཕུ[1][2] [tʰimpʰu]), dati a nailetra iti Thimbu,[3][4] ket ti kapitolio ken kadakkelan a siudad ti Butan.[5][6] Daytoy ket mabirukan idiay akinlaud a sentral a parte ti Butan ken ti mangpalikmut a ginget ket maysa kadagiti dzongkhag ti Butan, ti Distrito ti Thimphu. Ti siudad ket nagbalin a kapitolio ti Butan idi 1961. Daytoy ket addaan iti populasion iti 91,000, manipud idi 2011.

Ti siudad let lateral a naiwarwaras iti amianan-abagatan a direksion iti laud a bangkag ti ginget a pinorma babaen ti Karayan Raidāk, ammo daytoy a kas ti Wang Chuu wenno Thimphu Chuu idiay Butan. Ti Thimphu ket naiwarwaras iti maysa nga altitudinal a kabambantayan iti 2,248 metro (7,375 ft) ken 2,648 metro (8,688 ft).[7][8][9][10][11] Naisangayan iti kapitolio a siudad, ti Thimphu ket saan a sinerbian iti eropuerto, ngem agtaltalek iti Eropuerto ti Paro nga insilpo babaen ti kalsada iti kaadayo iti agarup a 54 kilometro (34 mi).

Ti Thimphu, kas sentro ti politika ken ekonomia ti Butan, ket kaaduan a naibatay iti agrikultura ken dinguen, mangited daytoy iti 45% GNP iti ti pagilian.[12] Ti turismo, urayno makait-ited iti ekonomia, ket nainget a naregregulado, ken mangtaltalinaay iti balanse a pagbaetan ti tradisional, panagdur-as ken modernisasion. Ti Thimphu ket aglaon kadagiti kaaduan a pasdek ti politika idiay Butan, mairaman daytoy ti Nailian nga Asemblia ti kabarbaro a naporma a parlamento a demokrasia ken ti Palasio Dechencholing, ti opisial a pagtaengan ti Ari, a mabirukan iti amianan ti siudad. Kas metropolis ken kapitolio a siudad, ti Thimphu ket tinartaripato babaen ti "Plano ti Estruktura ti Thimphu", a ti maysa a Plano ti Panagdur-as ti Urbano a napartuat idi 1998 nga agraman iti gandat iti panagsalaknib ti narukop nga ekolohia ti ginget. Daytoy a panagdur-as ket agdama nga agraman iti tulong iti pinansia manipud iti Banko ti Lubong ken Banko ti Panagdur-as ti Asia.

Ti kultura ti Butan ket napno nga ipaltiing ti Thimphu iti respeto iti literatura, relihion, dagiti ugali, ken kodigo ti nailian a kawes, dagiti monastiko a panagsanay kadagiti monasterio, musika,sala, literatura ken iti midia. Ti Tshechu ket maysa a nangruna a rambakan a maipabuya iti paraangan ti Tashichho Dzong idiay Thimphu dagiti naimaskara a panagsasala, a popular nga ammo a kas dagiti sala ti Cham. Daytoy ket uppat nga aldaw a rambakan a maaramid iti tinawen iti las-ud ti otonio (Septiembre/Oktubre), kadagiti petsa a maitunos iti kalendario ti Butan.

Dagiti nagibasaran

[urnosen | urnosen ti taudan]
  1. ^ "DDC Dzongkha-English Dictionary: THI". Dzongkha Development Commission. 2010-05-14. Naala idi 2015-10-13.
  2. ^ "Romanization System for Dzongkha" (PDF). www.gov.uk. Naala idi 2015-10-13.
  3. ^ "Thimbu – definition of Thimbu by The Free Dictionary". thefreedictionary.com. Naala idi 2015-10-13.
  4. ^ http://www.nytimes.com/2008/03/21/world/asia/21iht-bhutan.1.11312503.html?pagewanted=all
  5. ^ "Thimphu". Encyclopædia Britannica. Naala idi 2010-06-05.
  6. ^ Parekh, N (1986). Himalayan memoirs. Popular Prakashan. p. 67.
  7. ^ "Thimpu Dzongkhag". Government of Bhutan. Naiyarkibo manipud iti kasisigud idi 2010-09-08. Naala idi 2010-06-08.
  8. ^ "Bhutan". Tourism Council of Bhutan:Government of Bhutan. Naiyarkibo manipud iti kasisigud idi 2018-04-09. Naala idi 2010-06-07.
  9. ^ "Introduction: Understanding Natural Systems". Government of Bhutan. Naiyarkibo manipud iti kasisigud idi 2012-12-03. Naala idi 2010-06-07.
  10. ^ Brown, p. 97
  11. ^ Palin, p. 245
  12. ^ "Economy". Tourism Government of Bhutan. Naiyarkibo manipud iti kasisigud idi 2014-06-14. Naala idi 2016-02-24.

Adu pay a mabasbasa

[urnosen | urnosen ti taudan]
  • Brown, Lindsey; Bradley Mayhew; Stan Armington; Richard Whitecross (2009). Bhutan. Penguin. ISBN 1-74059-529-7.
  • Palin, Michael (2009). Himalaya. Penguin. ISBN 978-0-7538-1990-6.
  • Pommaret, Françoise (2006). Bhutan Himalayan Mountains Kingdom (5th edition). Odyssey Books and Guides.

Dagiti akinruar a silpo

[urnosen | urnosen ti taudan]

Dagiti midia a mainaig iti Thimphu iti Wikimedia Commons
Pakaammo ti panagbiahe idiay Thimphu manipud iti Wikivoyage (iti Ingles)

Naala manipud iti "https://ilo.wikipedia.org/w/index.php?title=Thimphu&oldid=398407"