Friedrich Merz
| Friedrich Merz | |
|---|---|
 | |
| Land |  Germania
|
| Nascentie | 11-im Novembre 1955 in Brilon |
| Partise | Cristan Democratic Union de Germania |
| Oficies | |
| Presidente del partise Cristan Democratic Union de Germania | |
| Quande | 31-im de januar 2022 til nu |
| Antecessor | Armin Laschet |
Friedrich Merz es un politico del Cristan Democratic Union de Germania in Germania. Il nascet li 11-im de novembre 1955 in Brilon e esset inter li annus 2000 e 2002 chef del parlamentari fraction del Cristan Democratic Union de Germania in li German Bundestag. Desde li annu 2022 Friedrich Merz es li presidente del Cristan Democratic Union de Germania e il va esset li candidate de su partise al oficie del prim-ministre in li electiones parlamentari de Germania 2025.
Personal e professional vive
[modificar | redacter fonte]Pos li scola Friedrich Merz fat su obligatori militari servicie. Pos to il studiat jurisprudentie al universitá de Bonn. Friedrich Merz laborat pos su studies quam avocate.
Friedrich Merz es desde li annu 1981 maritat con Charlotte Merz (nascet quam Charlotte Glass). Li cuple have un filio e du filias.
Political cariera
[modificar | redacter fonte]- 1972 Friedrich Merz devenit membre del Cristan Democratic Union de Germania.
- 1989-1994 Friedrich Merz esset membre del Europan Parlament.
- 1994-2009 Friedrich Merz esset membre del parlament de Germania.
- 2000-2002 Friedrich Merz esset chef del fraction del Cristan Democratic Union de Germania in li parlament de Germania. Pos un dispute con li ex-presidente del Cristan Democratic Union de Germania Angela Merkel il forlassat li activ politica por quelc annus por laborar in li economie.
- 2018 In li fine del octobre 2018 Merz anunciat que il va esser un candidate por oficie del presidente del Cristan Democratic Union de Germania in li decembre 2018. Friedrich Merz ne successat devenir li presidente del partise.
- 2020 Friedrich Merz candidat denov quam presidente del Cristan Democratic Union de Germania sin successe.
- 2021 Ye li 17-de decembre 2021 un grand majoritá de membres del Cristan Democratic Union de Germania electet Friedrich Merz al presidente del Cristan Democratic Union de Germania.
- 2022 Li congress del partise electet le ye li 22-im de januar 2022 con 95 percentes del votes al nov presidente del Cristan Democratic Union de Germania. Friedrich Merz devenit denov li chef del parlamentari fraction del Cristan Democratic Union de Germania.
- 2024 Ye li 17-im de septembre 2024 li Cristan Democratic Union de Germania declarat Friedrich Merz quam candidate del partise por li oficie del prim-ministre de Germania in li national electiones parlamentari de Germania 2025.