Pembalesannja Kawanan Liangsan/Bagian katiga/Bab 4
Angkatan perangnja Siamlo jang menjerang Kimgo, abis binasa.
Blakangan Hoenkangliong balik menjerang.
Sadari wates itoe hari dimana Hoenkangliong doedoek mamerenta, satiap hari balatentara diadjar maen perang-perangan. Boekan sadja di fihak lelaki ada giat memadjoeken angkatan perang, hanja Hwa Kiongdjin sekali poen, menginget jang boedinja Lie Tjhoen ada begitoe besar dan soepaja bisa bales boedi itoe, ia rasa perloe oesahaken diri soepaja bisa membantoe itoe orang gaga.
Begitoelah satiap hari Hwa Kiongdjin djoega ada peladjarken ilmoe silat, maen sendjata dan pana. Kerna dijakinken sagenepnja hati, liwat sedikit waktoe peladjarannja soeda boleh dipake.
Lie Tjhoen jang denger itoe kabar, djadi girang. Kerna dengen Hwa Kiongdjin poenja kapandean, Kimgo djadi tamba lagi saorang poenja tenaga.
Pada soeatoe hari djoeroekabar dateng mewartaken, bahoewa dari negri Siamlo ada kirim angkatan perang jang tegoe. Pasoekan itoe lagi mendatengi, brangkali boeat serang Kimgo.
Satelah denger itoe warta, Lie Tjhoen laloe berdami pada Gak Ho tjara bagimana baeknja boeat menangkis moesoe.
Tapi ini orang gaga jang belon pernah kakoerangan boedidaja, lantas berkata:
„Pribahasa poen ada bilang, kaloe aer dateng kita haroes goer aken tana boeat memendoeng, dan kaloe dateng moesoe, haroeslah penggawe parang madjoe menangkis. Sekarang kaloe dari Sianlo kirim angkatan perang, kita poen moesti bersadia boeat mendjaga serangannja."
„Itoelah bener sekali," kata Lie Tjhoen.„Tapi bagimana Hiante pikir ?"
„Prenta sadja orang wartaken itoe pada Tong Hengte berdoea," saoetnja Gak Ho: „sedeng pada panglima poen, Koko boleh kaloearken prenta mendjaga masing-masing poenja tempat dengen hati-hati."
Sahabisnja berdami, Lie Tjhoen laloe prenta orang wartaken itoe pada soedara-soedaranja.
Tong Wie dan Tong Beng satelah trima itoe prenta laloe siapken balatentaranja boeat mendjaga lebi hati-hati di moeloet moeara. Menoenggoe dengen goembira datengnja moesoe dari negri Siamlo
Radja Siamlo jang sekarang bernama Ma Say tjin, toeroenan dari Hok Po Tjiangkoen Ma Wan,
Pembalesan Kawanan Liangsan.
10
kali. Priboedinja poen tida boleh tertjela.
Dalem oeroesan pamerentahan, Radja Siamlo ada pertjajaken pada mantrinja jang berpangkat Sinsiang nama Kiong Touw, saorang jang bersifat dorna. Dan satoenja ada djadi kapala perang bernama Twan Giauw, saorang gaga perkasa dan bersatia betoel pada negri, sedeng adatnja poen teramat keras.
Kerna Radja Siamlo soeda taoe abis bagimana hatinja itoe djendraal, maka Twan Giauw dipertjajaken antero Siamlo poenja pasoekan perang padanja.
Negri Siamlo itoe ada besar djoega, kerna ada mempoenjai doeapoeloe ampat poelo taloekan jang membajar oepeti. Djoestroe lantaran itoe negri poenja kategoehan, Tio Gisoe kasi pikiran pada Baginda Song, aken bikin persariketan pada itoe negri sabagimana di bagian jang kadoea pembatja telah liat.
Negri-negri jang menaloek di bawah prentanja Siamio, belon perloe diseboetken satoe-satoenja. Tapi haroes diterangken, saben taon masing masing ada membajar oepeti dengen oewang atawa ramsoem. jang banjaknja menoeroet besarnja itoe tempat. Djoega pada Kimgo, Peksil, Tiauwhi dan Tjenggi, ampat ampat poelo jang lebi besar dari doeapoeloe poelo taloeken laen dan pernahnja ada di ampat pendjoeroe dari itoe negri, diwadjibken moesti dateng menoeloeng. apabila satoe koetika Siamlo diserang moesoe. — Sedeng Siamlo poen melindoengken sabrapa bisa pada itoe poelo-poelo dan membri pertoeloengan, kaloe itoe poelo-poelo jang mendjadi djadjahannja diganggoe oleh laen negri.
Begitoelah waktoe denger kabar Swa Liong telah binasa dan Kimgo dirampas oleh Hoenkang liong itoe radja djadi terkedjoet, maka dengen tjepet laloe diboeka permoesjawaratan pada sakalian mantri-mantrinja boeat berdami.
Semoea mantri lantas berhadlir, dan radja laloe menanja bagimana pikirannja marika itoe.
Sinsiang Kiong Touw laloe madjoe ka depan dan kata bahoewa Kingo itoe sabagi pelindoeng dari ini negri. Maka kaloe Kimgo terlepas, negri Siamio bisa terantjem bahaja jang boekannja ketjil.
„Tapi itoe pasoekan Tay Song, jang maski soeda dapet poelo Kimgo, masi belon taoe keadahan tempat jang sabenernja, kerna marika tida mengenal petah boeat di sini,” kata poela itoe mantri besar: „maka sabelon kadoedoekannja djadi tegoe, baek toeankoe lantas kirim angkatan perang boeat serang padanja.” Laen-laen mantri poen menjataken pikiran begitoe djoega, maka Ma Say-tjin laloe angkat Twan Giauw djadi panglima besar, aken siapken angkatan perang poekoel Kimgo, sedeng Kiong louw sendiri tida katinggalan.
Begitoelah esoknja Twan Giauw laloe sadiaken tigariboe balatentara jang terpili gaga perkasa, dan sigra djoega ini pasoekan laloe berangkat djalan menoeejoe ka itoe poelo.
Satelah sampe ini pasoekan tida bisa madjoe teroes, kerna Tong Wie dan Tong Beng jang mendjaga di sitoe, menahan dengen keras. Hari kadoea laloe dibikin pertempoeran, tapi tida ada jang menang atawa kala.
Esokannja, noesa dan begitoe beroentoen bebrapa hari, Twan Giauw tida bisa madjoe barang sedikit, kerna itoe doea soedara jang gaga perkasa ada menangkis dengen teramat oelat.
Sedeng paperangan masi belon ada jang menang atawa kala, di fihaknja Tong Wie dapet poela bantoean dari Gak Ho dan Lie Tjhoen, kerna itoe Twako, jang satelah meliat keadahan masi begitoe djoega, laloe dateng bersama-sama Gak Ho, boeat saksiken sendiri bagimana pa- soekan telah diatoer.
Gak Ho laloe memereksa, dimana ia dapet kanjatahan, bahoewą Kiong Touw jang ada toeroet dalem pasoekannja Siamlo, berlakoe amat sombong hingga dengen girang ia laloe poelang kombali boeat atoer satoe tipoe daja.
Itoe malem kapal-kapal perang lanlas diatoer dan balatentara diprenta tjara bagimana moesti berlakoe. Besoknja siang Lie Tjhoen dan Gak Ho laloe madjoeken semoea angkatannja kadepan moeara, dimana ia berhadepan pada moesoe.
Dari fihaknja Siamlo lantas kadengeran orang berkata-kata, jaitoe perkatahannja Kiong Touw jang dioetjapken dengen perantarahannja ia poenja soldadoe, Sabaliknja dari fifhaknja Lie Tjhoen poen, lantas saoeti dengen keras.
Itoe perkatahan-perkatahan jang pandjang tida perloe dioenlangken di sini. Hanja dengen ringkes sadja boleh dibliang, sasoèdanja satoe pada laen berkata-kata, Twan Giauw laloe prenta sol dadoenja madjoe, dimana itoe kapal-kapalnja lantas mendatengi dengen tjepet.
Dalem sakedjep itoe dari fihak Kimgo kaliatan bergerak. Tapi kapal-kapalnja Hoenkangliong boekannja madjoe menjerang, hanja berpentjar ka sana sini, jang lantas dikedjer oleh fihak Siamlo
Kiong Touw jang tida taoe kaloe moesoenja memake tipoe, satelah liat begitoe, djadi girang sekali. Maka waktoe kapal-kapalnja mengedjer, ia berkata pada Twan Giauw sembari tertawa geli: „Sekarang, hajoelah madjoeken teroes ini pasoekan,” kata poela Kiong Touw itoe: „soepaja sakali bergebrak kita bisa kasi labrakan jang seroeh.”
Twan Giauw toeroet adviesnja itoe kawan, maka semoea pasoekannja dititahken madjoe mengadjer.
Tapi pasoekannja Kimgo jang dipimpin oleh orang-orang gaga, sabentaran sadja telah linjap, maka tinggal pasoekan Siamlo jang masoek ka dalem teloek dangen menbilak-biloek ka sana sini, aken soesoel ka mana perginja itoe kapal-kapal moesoe jang merat.
Sigra djoega itoe kapal perang Siamlo telah sampe ka sabla dalem, dimana ia dapetken satoe benteng jang tegoe. Di atasnja benteng itoe ada kaliatan soeda diatoer pendjagahan dan ada tiga Hohan jang lagi menoenggoe kadatengannja.
Hohan itoe boekan laen dari Lie Tjhoen, Ko Tjeng dan Hwa Hong-tjoen. Kiong Touw jang beradat sombong lantas soeroe tentaranja mendarat, maski soeda ditjega oleh Twan Giauw, tapi ia tida ladenin dan kata: kaloe tida maoe madjoe sekarang, maoe toenggoe kawan lagi.
Sigra djoega soldadoenja toeroen dari kapal dan menjerang itoe benteng. Tapi maski begimana djoega, itoe benteng jang tegoe tida bergerak Lie Hoen jang ada di atas laloe prenta soldadoenja lepasken balok dan batoe-batoe, begitoe poen meriam model koeno tida katinggalan boeat dipasang, jang membeledar-membeledoer dan berbareng itoe, banjak rahajat Siamlo jang terdjoengkel dan binasa.
Meliat begitoe, baroelah Kiong Touw merasa djeri dan lantas kasi tanda boeat soldadoenja naek kombali ka kapal sendiri.
Tapi baroe sadja itoe soldadoe-soldadoe balik ka kapal, lantas terdenger soeara membeledoer, dan tida lama kamoedian lantas terdenger soeara soerak jang rioeh, jaitoe Hoenkangliong poenja angkatan telah sampe
Ini pasoekan ada dikapalaken oleh itoe Twako lantas menjerang masoek, sedeng itoe benteng jang tadi tertoetoep laloe terboeka, dimana Hwa-Hong-tjoen dengen sadjoembla balatentara laloe poekoel ka loear.
Begitoelah dengen tipoe dajanja Gak Ho, pasoekan Siamlo djadi tergentjet di tenga-tenga. Maoe madjoe tida bisa, moendoer poen tida boleh.
Keadahannja marika itoe ada dalem bahaja.
Balatentara Siamlo itoe waktoe soeda tida ada ingetan boeat berperang, hanja kaloe bisa lolosken diri poen soeda amat kabagoesan. Kiong Touw berdoea Twan Giauw terkepoeng di , dan boeat kaloear dari itoe barisan, marika moesti boeka satoė djalanan dara.
Hwa Hong-tjoen laloe bri tanda soepaja balatentaranja lepasken pana api, maka sabentaran sadja kapal-kapal moesoe banjak jang kabakar, dan orang-orangnja lantas pada menjeboer ka dalem aer.
Sabagian dari itoe soldadoe, laloe pada mati kalelap.
Dalem itoe kakaloetan, achir-achir Twan Giauw beroentoeng djoega bisa adjak Kiong Touw lari ka loear dari koeroengan moesoe. Tapi baroe sadja berdjalan sedikit djaoe, dari samping kaliatan laen pasoekan jang pegat djalannannja.
Pasoekan itoe ada dikapalaken oleh Hoei Po, jang satelah liat itoe kapala perang Siamlo, ia lantas angkat gegamannja dan toesoek dengen tjepet.
Twan Giauw lantas menangkis, dan kombali di ini tempat ia djadi bertempoer heibat.
„Sinsiang, lekaslah lari, salagi moesoe mamegat akoe”, kata itoe kapala perang sambil tahan sendjatanja Hoei Po.
Kiong Touw jang memang lagi katakoetan, satelah denger disoeroe lari, lantas sadja merat, dengen tida toenggoe diprenta kadbea kali. Tinggalken itoe temen jang lagi berkoetet-koetetan pada Hoei Po Tapi kendati bagimana gaga djoega Twan Giauw poenja tenaga, toch achirnja ia merasa tida bisa tahan, kerna dari satadi poen ia seda memboewang banjak tenaga, dan sekarang katemoe pada Hoei Po, maka kakoeatannja mendjadi koerang.
Sasoedahnja berperang brapa djoeroes, sendjatanja itoe Hohan menantjep di badanja, maka kapala perang Siamlo itoe lantas roeboe ka dalem aer, dengen tida timboel kombali.
Hoei Po prenta soldadoenja madjoe,tapi Kiong Touw jang lari soeda djaoe.
Dalem ini peperangan Hoenkangliong dapet banjak kapal-kapal perang alat sendjata dan sadjoemblah besar tentara dari Siamlo.
Esoknja laloe dibikin perhimpoenan, dimana Hoei Po menjataken pikirannja begini:
„Roesaknja Siamlo poenja angkatan perang jang menjerang ka mari, bisa didoega itoe negri tida brani kirim lagi angkatan perangnja ka ini tempat. Sekarang, dalem keadahan begini bagoes, maka apa tida baek kaloe Twako geraken poela tentara boeat menjerang poelo ini atawa itoe, aken tamba meloewasken kadoedoekannja Kimigo?"”
Tapi Hoenkangliong tida satoedjoe boeat serang laen-laen poelo, kerna perboeatan begitoe, ia kata tida bedah sabagi orang memotong poehoen, tjoema tabas sadja tjabang-tjabanguja.
„Menoeroet kabar jang akoe dapet,” kata poela Lie Tjhoen:„sekarang keadahan di negri Siamlo ada terlaloe lemah, sebab radjanja ada berhati lembek dan oeroesan negri semoea diserahken pada Kiong Touw, jang bersifat dorna hingga anak negri banjak menanggoeng kasoesahan Sekarang Twan Giauw soeda binasa, maka panglima-panglima Siamlo jang gaga dan satia, soeda djadi koerang djoemblanja. Maka lebi baek poekoel itoe negri, kerna kaloe kita bisa rampas Siamlo, laen-laen negri nanti taloek sendirinja.”
Semoea soedara-soedaranja menjataken moefakat.
Sigra djoega hari boeat menjerang Siamlokok ditetepken, dan sabelonnja itoe hari sampe sagala barang kaperloean lantas disadiaken salengkapnja.
Soldadoe Kimgo jang dikasi tave ini perniatan semoea telah bersadia. Maka waktoe hari jang ditetepken itoe sampe, sigra djoega itoe pasoekan jang tegoe telah sadia. Oleh Hoenkangliong ditetepken, jang Tek Seng mendjaga poelo Tjiangsoei dan Ko Tjeng mendjaga poelo Kimgo, sedeng laen-laen Hohan, semoea ikoet poekoel Siamlokok.
Sabelonnja ini pasoekan besar dari Kimgo sampe ka itoe negri jang bakal dipoekoel, sekarang baeklah kita ikoeti djalannja Kiong Touw, jang sakaloearnja dari tempat moesoe, lantas balik kombali ka negri sendiri bersama bebrapa ratoes soldadoe jang beroentoeng bisa laloeken diri. Satelah sampe ka negrinja, ini Siensiang laloe mengadep pada Ma Say-jin, kasi taoe satoe persatoe tentang kakalahannja, dimana Twan Giauw telah binasa di tangan moesoe.
Mendenger itoe kabar, boekan maen kagetnja itoe radja. Maka dengen hati katakoetan ia memandang itoe Sinsiang dan berkata:
„Soenggoe tida doega sekali, jang itoe Hoenkangliong ada begitoe gaga, hingga bisa bikin moesna kita poenja pasoekan jang terdiri begitoe tegoe. Dan dengen binasanja Twan Giauw, membikin Siamlo djadi kailangan satoe tiang negri jang gaga perkasa. Sekarang, bagimana kita haroes berboeat?"
„Bagimana, kita haroes atoer sadja pendjagahan," kata itoe mantri dorna, jang soeda tida dapet laen pikiran, hanja kata sadja sakata-kata-nja: „lebi baek toeankoe prenta orang atoer persadiahan."
„Tapi pada panglima jang mana kita haroes pertjajaken ini pakerdjahan: tanja radja dengen pikiran bingoeng: „kerna dalem ini negri, soeda tida ada laen panglima jang boleh diandelin seperti Twan Giauw:
Kiong Tong tida bisa menjaoet.
Radja laloe tanja pada laen mantrinja, tapi djoega satoe pada laen-laen saling liat-liatin sadja. Begitoelah dengen tida dapet pikir daja jang baek, maka saban hari radja doedoek bermoesjawararat. Tapi semoea mantri-mantri, lantaran takoet bertentangan pikiran pada Kiong Touw jang berpengaroe besar, djadi tida brani njatakan pikiran apa-apa.
Achirnja diambil sadja poetoesan boeat bikin pendjagahan sabrapa bisa, sebab koeatir dari fihak Kimgo nanti dateng menjerang
Liwat sedikit waktoe, bener sadja dateng djoeroekabar jang mewartaken, bahoewa Taysong pasoekan lagi mendatengi, hingga Ma Say tjin diadi amat kaget, dengen moeka poetjet ia memandang pada sakalian mantri-mantrinja.
„Njatalah bener-bener Tay Song dateng menjerang,” kata radja dengen badan goemeter lantaran katakoetan. „Sekarang siapa jang boleh bawa tentara aken samboet datenguja moesoe?”
Semoea mantri tinggal berdiam.
Kiong Touw jang merasa maloe, dengen apa-boleh-boeat lantas sanggoepin bawa soldadoe boeat mendjaga. Dengen pikir, kaloe sampe moesoe dateng, ia koentji sadja pintoe kota dan tida maoe kaloear perang.
Apa boleh djadi dengen koentji sadja pintoe kota, itoelah ia tida pikir.
Sabenernja negri Siamlo poenja keadahan, kaloe dibandingin dengen Kimgo, ada berbeda djaoe Sedeng itoe poelo jang termasoek djadi djadjahannja, ada bagoes dan mahmoer, tapi ini negri tida ada mempoenjai kabagoesan apa-apa. Laen dari begitoe, Kimgo ada poenja benteng jang tegoe, djalannja boeat ka dalem ada berlengkok-lengkok, jang membikin moesoe tida gampang masoek. Tapi Siamlo mendjoeroes sadja, sedeng bagian loearnja. tjoema terlindoeng dengen tembok-tembok biasa sadja, dan ga npang sekali dipoekoel petja.
Sabelonnja itoe pasoekan dateng, Ma Say-tjin dapet inget tentang kawadjibannja itoe poelo-poelo laen, jang haroes dateng menoeloeng. Maka itoe waktoe djoega ia lantas toelis soerat minta tiga poelo jang laen lekas siapken balatentara boeat dateng membautoe, soepaja moesoe tida brani deket.
Tapi itoe tiga poelo jang dapet soeratnja Radja Siamlo, semoea tinggal diam sadja. Sebab binasanja Swa Liong jang gaga perkasa dan djatonja Kimgo, marika bisa liat bagimana gaga adanja Hoenkangliong.
Apapoela kabar blakangan jang itoe tiga poelo dapet, jaitoe tentang binasanja Twan Giauw dan moesnanja pasoekan Siamlo hingga masing-masing diadi mengkerat, kerna pikir, moesoe itoe tida boleh diboeat gegaba.
Begitoelah soeratnja Radja Siamlo tida ada jang ladenin, hanja mengawasi sadja dari djaoe jang itoe negri terkoeroeng oleh moesoe.
Moenkangliong atoer balatentaranja begiitoe rapi, sakiternja Siamlo soeda dikoeroeng rapet, hingga bantoean tida nanti bisa menoeloeng soeatoe apa. Ma Say-Tjin jang liat begitoe, djadi samingkin katakoetan dan taoe, bahoewa itoe tiga poelo poenja pembesar tida ada jang maoe menoeloengin.
Dengen hati sedi ini radja lantas masoek ka dalem, permisoeri satelah liat radja poenja aer moeka koesoet, lantas boeroe-boeroe bangoen me- njamboet dan tanja: ada oeroesan apa.
„Kenapatah roepa toeankoe ini hari begitoe koesoet dan sedi ?" tanja permisoeri dengen hati amat tida enak.
Radja Siamlo tjoema mengelah napas.
Sasoeda pertanjahan itoe dioelangken lagi, baroelah radja menjaoet: „Sagala apa ada achirnja begito e poen orang mendjadi radja, tida salama-lamanja bisa doedoek mamerenta.
„He, apatah artinja toeankoe kata begini?" tanja permisoeri, jang masi belon mengarti radja poenja doeka hati.
Radja lantas kasi taoe, bahoewa sekarang angkatan perangnja Tay Song dateng poekoel ini negri, dimana tida ada panglima jang bisa melawan, Twan Giauw soeda binasa dalem paperangan. Tjoba kaloe masi ada itoe kapala perang, ia tida oesah boeat salempang, kerna Twan Giauw poen ada sampe satia.
Tapi sekarang, sasoeda ia terbinasa, di dalem negri tida ada lagi djendraal jang gaga, sedeng dari loear tida dapet bantoean, hingga ia koeatir ini negri djadi binasa. Binasanja Siamlo, ada berarti binasanja anak negri.
Lantaran itoe, kata poela radja lebi djaoe, ia pikir djalan jang paling baek adalah menaloek sadja.
„Demikianlah adanja kami poénja pikiran,” kata Ma Say-tjin.
Permisoeri dari radja Siamlo ada saorang she Siauw, asal dari kota Tongking, anak prampoean saorang bangsawan.
Satelah denger itoe warta, Siauw Hoei djadi terkedjoet. Kerna hatinja jang moelia dan peranginja jang aloes, Ma Say-tjin permisoeri ini sabagi moestikanja. Apapoela Siauw Hoei jang soeda melahirken satoe anak prampoean jang bernama Giok-tji, dan ini Kiongtjioe sekarang soeda beroesia anambelas taon.
Ini Giok-tji Kiongtjioe salaennja berparas tjantik, dan mengenal kawad jibannja prampoean, djoega pande meno enggang koeda dan maen sendjata. Radja Siamlo dan permisoeri ada tjinta ini anak prampoean jang soeda mendjadi gadis. Kiongtjioe ada poenja satoe soedała lelaki jang sekarang beroemoer anam. taon. Tapi kendati begitoe, tjintanja radja pada ini anak prampoean tida mendjadi koerang.
Sabenernja soeda lama Ma Say-tjin ada boeat kawinin anaknja, tapi hatinja kapingin dapet satoe mantoe orang dari Tiongkok, kerna ini radja dan permisoerinja poen memang asal dari Tionggoan.
Tapi itoe liarepan sakean lama tinggal harepan sadja. Beton ada saorang jang dipenoedjoe boeat djadi Hoema.
Demikianlah waktoe radja berkata-kata, Kiongtjoe ada di samping jang teraling dengen satoe sakosol. Satelah denger ajahnja maoe menaloek, djadi terkedjoet, maka dengen tida pikir lebi djaoe, ialoe kaloer dan berkata:
„Ah, Hoe-ong, mengapatah dapet itoe pikiran jang pendek? Djangan! djangan terboeroe-boeroe djalanken itoe niatan!”
Ma Say-tjin djoega djadi kaget, satelah liat anaknja itoe. Sasoedanja bisa tetepken hati serdiri, radja lantas berkata:
„Bagimana kami tida niat begitoe, sebab sekarang keadahan ini negri ada terantjem dengen baliaja ?”
„Bener begitoe, tapi Hoe-ong moesli pikir, jang Hoe-ong bertachta di sini ada trima warisan dari laloehoer. Maka djanganlah gampang-gampang boeka pintoe aken menaloek pada panglima Tay Song.”
„Apa Ongdji ada dapet pikiran jang baek, boeat laloeken itoe moesoe?”
„Dengen teroes terang Ongdji mengakoe, pikiran jangHoe-ong tanjaken itoe, belon terdapet.”
„Nah abis bagimana kaloe moesoe lantas naek?”
„Sekarang, biarlah Hoe-ong idjinken sadja doeloe hamba bersama iboe naek ka atas kota meliat keadahan moesoe, kaloe-kaloe anak bisa dapetken satoe daja jang baek boeat kasi laloe Tay Tong poenja pasoekan.”
Ma Say-tjin jang memang taoe poetrinja poenja kapandean, lantas manggoetken kapalanja dan berkata:
„Soekoerlah kaloe Ongdji soeka berdaja boeat kabaekannja negri. Maka kapantah maoe kaloear boeat menjelidiki ?”
Sasoedanja Giok-tji Kiongtjoe kasi taoe waktoenja, radja laloe titahken bebrapa dajang-dajang boeat anterken itoe poetri ka loear dari kraton. Dan sasampenja di atas tembok kota, Kiongtjoe dapet liat jang moesoe ada koeroeng dengen rapet. Panglima-panglima moesoe kaliatan bersikep gaga dan keren.
Kiongtjoe djadi mengkirik liat Tay Song poenja barisan jang begitoe garang. Maka sambil gojang kapala ia berkata dalem hati:
„Panteslah Twan Giauw soeda djadi binasa, kerna moesoe poenja atoeran begini rapi dan kosen.”
Kamoedian ini poetri memandang ka koeliling tempat, dimana kaliatan panglimanja Hoenkangliong jang gaga ada djalan ronda sambil mamegang sendjata. Saban-saban marika angkat pedangnja ka atas, dan bersoeara aken kaloearken titah-titah.
„Hm, soenggoe keren sekali,” kata poela Giok-tji Kiongtjoe, sambil mengawasi pada satoe panglima moeda jang lagi mamerenta ini itoe.
Itoe panglima jang diawasi ada bersendjata Hongtian Hwakek, oemoernja didoega baroe toedjoebelas taon dan roepanja amat tjakep, sedeng sikapnja poen ada gaga sekali. Sedeng tangan jang sebla ada bawa gandewa, pinggangnja jang kiri ada tergantoeng pokiam dan pinggang jang kanan ada kaliatan bebrapa boesoer.
Badjoe perangnja ada bagoes, lagi toenggang koeda jang didjalanken ka itoe tempat. Sedeng koeda itoe adalah Tjolioema jang berboeloe itam, selanja ada berkredep-kredep, hingga menamba ken katjakepannja.
Siauw Hoei poen ada memandang itoe panglima dengen roepa kagoem. Sedeng dalem hatinja ada memoedji-moedji.
Itoe Siauwtjiang roepanja tida taoe kaloe dirinja lagi diawasi, maka sambil djalanken koedanja, ia dapet liat dari kadjaoean ada terbang saekor oeloeng-oeloeng jang lagi mendatengi, maka sigra ia tahan koedanja dan laloe pentang gendewanja jang laloe di-intjerken ka itoe boeroeng jang liwat di atas.
Waktoe gendewa itoe ditarik, Tiankeknja dikempit di katek. Kamoedian terdenger soeara mendjepratnja boesoer, jang berbareng itoe, satoe boesoer laloe menantjep di kapalanja itoe oeloeng-oeloeng dan boeroeng itoe lantas djato.
Soldadoe-soldadoe Kimgo jang ada meliat dari kadjaoean, lantas bersoerak sabagi tanda kapoedjian, sedeng satoe soldadoe jang ada di blakangnja lantas berlari-lari poengoet itoe oeloeng-oeloeng jang djato,
Kiongtjoe jang meliat begitoe, lantas gojang kapala sambil berkata.
„Tjobalah liat, pantes djoega kaloe Twan Giauw soeda djadi binasa di tangannja panglima Tay Seng, sebab moesoe poenja pasoekan, tida bedah sabagi tentara sorga manatah sembarang orang bisa lawan padanja?”
„Ja, sasoenggoenja itoe panglima jang tjakep, ada gaga dan gapah sekali," kata permisoeri sambil mengelah napas.
Kamoedian Siauw Hoei berdoea Kiongtjoe laloe toeroen dari tempatnja mengintip.
Tida lama marika ini telah sampe di kraton, dimana Siauw Hoei dan Kiongtjoe laloe toetoerken satoe persatoe apa jang telah diliat baroesan.
Bagimana Tay Seng poenja angkatan perang ada begitoe gaga dan tegoe. Satelah denger itoe warta, radja djadi mengelah napas dan berkata:
„Ah, soenggoe tida beroentoenglah, jang ini warisan sasampenja di tangankoe, moesti djadi terlepas."
„Apa toeankoe adanja rasa pasti begitoe?" tanja permisoeri.
„Ja, pasti sekali."
Tapi kita poenja pendjagahan toch masi tinggal tegoeh. Maka belonlah boleh dibilang tentoe moesoe bisa lantas poekoel petja."
„Ah, pendjagahannja Kiong Touw, masi bagimana tegoe poen, tentoe tida sabrapa lama. Manatah itoe Siensiang bisa tahan serangannja Tay Seng jang begitoe gaga. Betael boeat sedikit hari ia masi bisa lindoengken itoe tempat-tempat, tapi apa kalama-lamahan ia nanti bisa tahan dikepoeng begitoe roepa?"
Permisoeri tida menjaoet, hanja toeroet berdoeka hati.
Ia maoe menjega niatnja radja, soepaja djangan taloek, hatinja tida brani. Sebab kaloe ia tjega begitoe dengen zonder mengasi satoe daja jang sampoerna, sama djoega Tebi soeka liat Siamlo binasa.
Tapi kaloe ia tida menjega, hatinja merasa piloe bila ini karadjahan sampe terdjato di tangannja laen orang.
Demikianlah hatinja permisoeri djadi bingoeng.
Sahabisnja beromong-omong, Siauw Hoei berdoea anaknja laloe masoek kombali ka dalem kraton, sedeng radja Siamlo tinggal doedoek dengen hati doeka.
Siauw Hoei prenta dajang-dajang bikin sadia makanan boeat menghiboer hatinnja radja jang lagi kesel. Tida lama radja masoek dan makanan poen telah sadia.
Doea laki istri itoe laloe doedoek makan minoem, tapi kadoekahan dan rasa takoet jang ada di hatinja Ma Say-tjin, tida djadi linjap lantaran makan minoem, malah boleh dikata, toeroennja makanan dan arak, tida begitoe ladjoe sabagimana kaloe hati dan pikiran lagi senang.