Pluton (deo)
![](http://upload.wikimedia.org/wikipedia/commons/thumb/f/f1/Gianlorenzo_bernini%2C_ratto_di_proserpina%2C_1621-22%2C_02.jpg/270px-Gianlorenzo_bernini%2C_ratto_di_proserpina%2C_1621-22%2C_02.jpg)
In le religion del Grecia antique e in le mythologia grec, Pluton (greco: Πλούτων, Ploutōn) esse le soverano del Ultratumba. Le nomine que le deo habeva in le principio esseva Hades, que ha devenite un nomine popular pro le Ultratumba ipse. Pluton, tamen, representa un concepto plus positive del deo qui superintende le vita post le morte. Le nomine Ploutōn diffundeva·se ut un consequentia del mythos eleusin, ubi Pluton esseva venerate ut le soverano sever del Ultratumba, atque le affectionate marito de Persephone. La copula recipeva le animas in le altere mundo e illes esseva evocate insimul in le inscriptiones religiose, ubi illes es appellate Ploutōn e Kore respectivemente. Hades, al contrario, habeva alicun parve templos e practicas religiose associate a ille, sed ille esseva sovente depicte ut le violente raptor de Persephone.
Pluton e Hades esse differente in character, sed illes non esse duo figuras distincte e compartiva duo mythos importante. Ploutōn ut le deo del altere mundo appareva per le prime vice in le litteratura grec del periodo classic, in le obras del dramaturgos atheniese e in les del philosopho Platon, qui esse le fonte grec re le deo cum plus importantia. Sub le nomine “Pluton”, le deo appare in altere mythos cum un rolo secundari, supertoto quando heroes sicut Orpheo descende al Ultratumba pro ganiar alique.[1]
Plūtō (genitive Plūtōnis) esse le version latinisate del grec Ploutōn. Le equivalente roman de Pluton esse Dis Pater; tamen, “Pluton” ha devenite le nomine le plus commun pro le soverano del altere mundo in le litteratura e in le arte.
Referentias
[modificar | modificar fonte]- ↑ Hansen, Classical Mythology, pp. 180–181.
|