Քասոս
| Կղզի | |
|---|---|
| Քասոս | |
| Κάσος | |
 Քասոս կղզի | |
| Երկիր | Յունաստան, էգէական ծով |
| Շրջան | Տոտեքանիսա |
| Տարածութիւն | 66,419 քմ² |
| ԲԾՄ | 601 մ |
| Բնակչութիւն | 1224 մարդ (2022) |
| Կը գտնուի ափին | Էգէական Ծով |
| Ժամային գօտի | UTC+2 եւ UTC+3։00 |
| Փոստային ցուցանիշ | 85800 |
| Պաշտօնական կայքէջ | kasos.gr |
Քասոս (յուն․՝ Κάσος), հարաւԷգէականի կղզի, հարաւային Տոտեքանիսա, Յունաստան։ Կը գտնուի Կրետէին եւ Քարփաթոսին միջեւ։
Հակիրճ տեղեկութիւններ
Լեռնային կղզի է։ Բարձրագոյն կէտերն են՝ Փրիոնոս (601մ․), Փորիոլաս (504մ․), Քորաքաս (494մ․), Սիսֆի, Թրուլես, Տոմաթա, Այ Եորղիս եւ Միրթօ։
Քասոսին մայրաքաղաքն է Ֆրի։ ՄՆացեալ բնակավայրերն են՝ Այիա Մարինա, Արվանիթոհորի, Էմպորիոս, Փանայիա եւ Փոլի։
Բնակչութեան թիւը տարիներուն ընթացքին նուազած է․ ԺԹ․ դարասկիզբին թիւը 12 000 եղած է, 1911-ին, իտալացիներուն վայրագութիւններէն ետք թիւը հասած է 1 855 հոգիի, իսկ 2001-ին 990 բնակիչ ունեցած է։ Սակայն վերջին տասնամեակին թեթեւ աճ մը արձանագրած է եւ 2011-ի եւ 2022-ի մարդահամարները արձանագրած են յաջորդաբար 1 200 հոգի եւ 1224 հոգի։
.jpg)
Կղզիին բնակիչներուն գլխաւոր զբաղումը նաւագնացութիւնն է, մասնաւորաբար առեւտուրի բաժինը։ Սակայն տնտեսութիւնը յենուած է նաեւ անասնապահութեան, զբօսաշրջիկութեան,ձկնորսութեան, մեղրաբուծութեան եւ հողագործութեան վրայ։
Անասնապահութիւնը միշտ եղած է բնակիչներուն գլխաւոր զբաղումներէն, այդ պատճառով ալ օսմանցիներու գերիշխանութեան ընթացքին թուրքերը կղզին անուանած են Çoban Adası = հովիւներուն կղզին։ Մինչեւ մեր օրերուն կղզին կ՛արտադրէ ոչխարի եւ այծի միս, ինչպէս նաեւ կաթնեղէնի տեսակներ։Զբօսաշրջիկութիւնը տարիէ տարի կը զարգանայ եւ բնակիչներուն գլխաւոր եկամուտի աղբիւր դարձած է։ Նոյնպէս ձկնորսութիւնը, ձէթի եւ մեղրի արտադրութիւնը։
Ծանօթագրութիւններ
- ↑ Յոյն նաւատէրերու Միութեան պատմութիւն(յունարէն)
- ↑ 2021-ի մարդահամար․ Քասոս եւ Քարփաթոս կղզիներու բնակչութեան թիւի աճ(յունարէն)
- ↑ Յունաստանի 2011-ի մարդահամար(յունարէն)
- ↑ Քոքոֆինիքայի մշակումի ուղեցոյց․ Քասօ եւ Քարփաթօ, 2022 (յունարէն)
- ↑ Քասոսին կործանումը, 6-6-2021, Եորղիա Ցացանի(յունարէն)
- ↑ Քասոսի մասին տեղեկութիւններ