Փոլ Մաաս

Փոլ Մաաս; գերմ.՝ Paul Maas
Ծնվել է	նոյեմբերի 18, 1880
Ծննդավայր	Ֆրանկֆուրտ, Վիսբադեն, Հեսսե-Նասաու, Պրուսիայի թագավորություն, Գերմանական ռայխ
Վախճանվել է	հուլիսի 15, 1964 (83 տարեկան)
Վախճանի վայր	Օքսֆորդ, Անգլիա, Միացյալ Թագավորություն
Մասնագիտություն	դասական բանասեր, համալսարանի դասախոս, կլասիցիստ և բյուզանդագետ
Լեզու	գերմաներեն և անգլերեն
Քաղաքացիություն	Գերմանիա և Պրուսիայի թագավորություն
Կրթություն	Լյուդվիգ Մաքսիմիլիանի Մյունխենի համալսարան
Գիտական աստիճան	գիտությունների դոկտոր
Անդամակցություն	Բեռլինի գիտությունների ակադեմիա և Graeca?
Աշխատավայր	HU Berlin և Քյոնիգսբերգի համալսարան
Պարգևներ	և
	Paul Maas Վիքիպահեստում

Փոլ Մաաս (գերմ.՝ Paul Lazarus Maas, նոյեմբերի 18, 1880(1880-11-18)^[1]^[2], Ֆրանկֆուրտ, Վիսբադեն, Հեսսե-Նասաու, Պրուսիայի թագավորություն, Գերմանական ռայխ^[3] - հուլիսի 15, 1964(1964-07-15)^[1]^[2], Օքսֆորդ, Անգլիա, Միացյալ Թագավորություն^[3]), գերմանացի գիտնական-հնագետ, դասական բանասեր, տեքստաբան, բյուզանդագետ, մանկավարժ։ Գիտությունների դոկտոր է, Օքսֆորդի համալսարանի պատվավոր դոկտոր։ Բրիտանական ակադեմիայի թղթակից անդամ և ԳԴՀ Գիտությունների ակադեմիայի անդամ (1955)։

Կենսագրություն

Ունի հրեական ծագում։ Ծնվել է բանկիրների ընտանիքում։ 1898 թվականից դասական բանասիրություն է ուսանել Բեռլինի Հումբոլդտի համալսարանում և Մյունխենի համալսարանում։ Եղել է Կառլ Կրումբախերի և Ուլրիխ ֆոն Վիլամովից-Մյոլենդորֆի աշակերտը։

Ուսանող տարիներից Վիլամովից-Մյոլենդորֆի հայտնի սեմինարների ժամանակ Պ. Մաասը առանձնանում էր նրանով, որ չէր ամաչում իր ուսուցչի հետ բուռն վիճաբանություններից։

1910 թվականին Վիլամովից-Մյոլենդորֆի աջակցության շնորհիվ դարձել է Բեռլինի համալսարանի հունական և բյուզանդական գրականության պրիվատ-դոցենտ։

Հենց այս ժամանակահատվածում լույս են տեսել նրա ամենահայտնի՝ «Griechische Metrik» (1923) և «Textkritik» (1927) գործերը։

1930 թվականին Վիլամովից-Մյոլենդորֆի խորհրդով Պ. Մաասն ընդունել է Քյոնիգսբերգի համալսարանի սովորական պրոֆեսորի պաշտոնն ստանձնելու հրավերը, որտեղ նա դասավանդել է մինչև 1934 թվականը, երբ, չնայած իր գերմանական հայրենասիրությանը և գործընկերների բողոք-նամակներին, իր հրեական ծագման պատճառով նրան ազատ են պաշտոնից։

Նա տեղափոխվել է Մեծ Բրիտանիա, Օքսֆորդ, որտեղ շարունակել է իր կարիերան 1939 թվականին։ Դասախոսություններ է կարդացել Օքսֆորդի համալսարանում։

1959 թվականին Օքսֆորդի համալսարանը նրան շնորհել է պատվավոր դոկտորի կոչում։ Եղել է Բրիտանական ակադեմիայի թղթակից անդամ և Գերմանիայի գիտությունների ակադեմիայի անդամ (1955)։

Նրա ամենակարևոր գիտական նվաճումների թվին են պատկանում հին հունական տեքստերի ուսումնասիրությունները և քննադատությունները։ Մշակել է Մաասի օրենքը։

Թաղված է Օքսֆորդի Վոլվերկոտի գերեզմանատանը (Wolvercote Cemetery):

Ընտրված աշխատանքներ

«Հունական չափումներ» (Լայպցիգ, 1923)
Textkritik. (Լայպցիգ, 1960)
- Տեքստի քննադատություն // Արիստեուս. Դասական բանասիրություն և հնագույն պատմություն։ 2011. No. 2. Ս 136-173։
Sancti Romani Melodi Cantica. (Օքսֆորդ, 1963)
Kleine Schriften: (Մյունխեն, 1973, ISBN 3-406-02083-6):

Ծանոթագրություններ

↑ ^1,0 ^1,1 ^1,2 ^1,3 ^1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
↑ ^2,0 ^2,1 ^2,2 ^2,3 ^2,4 Բրոքհաուզի հանրագիտարան (գերմ.)
↑ ^3,0 ^3,1 ^3,2 ^3,3 ^3,4 ^3,5 Deutsche Nationalbibliothek Record #11888185X // Gemeinsame Normdatei (գերմ.) — 2012—2016.

Գրականություն

Katja Bär: Paul Maas. In: Robert B. Todd (Hrsg.): Dictionary of British Classicists Vol. 2. Bristol 2004.

Արտաքին հղումներ

Մաաս Պաուլ (գերմ.)
Կենսագրություն(գերմ.)

Վիքիպահեստն ունի նյութեր, որոնք վերաբերում են «Փոլ Մաաս» հոդվածին։

[_432b86667496ce35-1] 1,0 ^1,1 ^1,2 ^1,3 ^1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.

[_e89d79809f037249-2] 2,0 ^2,1 ^2,2 ^2,3 ^2,4 Բրոքհաուզի հանրագիտարան (գերմ.)

[_8e38a29c9236301d-3] 3,0 ^3,1 ^3,2 ^3,3 ^3,4 ^3,5 Deutsche Nationalbibliothek Record #11888185X // Gemeinsame Normdatei (գերմ.) — 2012—2016.

[1]

[2]

[3]