Jump to content

Տասուկու Հոնջո

Վիքիպեդիայից՝ ազատ հանրագիտարանից
Տասուկու Հոնջո
ճապ.՝ 本庶佑
Դիմանկար
Ծնվել էհունվարի 27, 1942(1942-01-27)[1][2][3] (82 տարեկան)
ԾննդավայրԿիոտո, Ճապոնիա
Քաղաքացիություն Ճապոնիա
ԿրթությունԿիոտոյի համալսարան և Yamaguchi Prefectural Ube High School?
Կոչումպրոֆեսոր
Գիտական աստիճանDoctor of Medical Science? (1975)
Մասնագիտությունիմունաբան, կենսաքիմիկոս, համալսարանի դասախոս և բժիշկ
ԱշխատավայրՏոկիոյի համալսարան, Կիոտոյի համալսարան[4], Օսակայի համալսարան և Հիրոսակիի Համալսարան
Պարգևներ և
մրցանակներ
ԱնդամությունԼեոպոլդինա, ԱՄՆ-ի Գիտությունների ազգային ակադեմիա և Ճապոնական ակադեմիա
 Tasuku Honjo Վիքիպահեստում

Տասուկու Հոնջո (ծնված՝ հունվարի 27, 1942)[13] ճապոնացի բժիշկ-գիտնական և իմունոլոգ։ Նա արժանացել է 2018 թվականի Նոբելյան մրցանակի ֆիզիոլոգիայի կամ բժշկության բնագավառում և առավել հայտնի է բջիջների ծրագրավորված մահվան սպիտակուց 1-ի (PD-1) հայտնաբերմամբ[14]։ Նա նաև հայտնի է IL-4 և IL-5 ցիտոկինների մոլեկուլային նույնականացմամբ[15], ինչպես նաև ակտիվացումից առաջացած ցիտիդինդեամինազի (AID) հայտնաբերմամբ[16], ինչպես նաև ակտիվացումից առաջացած ցիտիդինդեամինազի (AID) հայտնաբերմամբ, որը կարևոր է հակամարմինների դասերի փոխարկման ռեկոմբինացիայի և սոմատիկ հիպերմուտացիայի համար[16]։

Նա ընտրվել է Միացյալ Նահանգների Գիտությունների ազգային ակադեմիայի արտասահմանյան գործընկեր (2001), Գերմանիայի բնական գիտնականների ակադեմիայի Լեոպոլդինայի անդամ (2003), ինչպես նաև Ճապոնիայի ակադեմիայի անդամ (2005)։

2018 թվականին նա Ջեյմս Էլիսոնի հետ արժանացել է ֆիզիոլոգիայի կամ բժշկության Նոբելյան մրցանակի[17]։ Նա և Էլիսոնը միասին արժանացան 2014 թվականին կենսադեղագործական գիտության Տանգի մրցանակին նույն նվաճման համար[18]

Կյանք և կարիերա

[խմբագրել | խմբագրել կոդը]
Նոբելյան մամուլի ասուլիսում, Ստոկհոլմ, 2018

Հոնջոն ծնվել է Կիոտոյում 1942 թվականին։ 1966 թվականին նա մագիստրոսի կոչում է ստացել Կիոտոյի համալսարանի բժշկության ֆակուլտետում, որտեղ և 1975 թվականին պաշտպանել է Ph.D. թեզը Բժշկական քիմիայի ոլորտում։.[19]

1971-1973 թվականներին Հոնջոն Վաշինգտոնի Քարնեգի ինստիտուտի սաղմնաբանության ամբիոնում այցելու գիտաշխատող էր։ Այնուհետև նա տեղափոխվեց ԱՄՆ՝ Առողջապահության ազգային ինստիտուտը (NIH) Բեթեզդա, Մերիլենդ։ 1973-1977 թվականներին Երեխաների առողջության և մարդկային զարգացման ազգային ինստիտուտում նա ծառայել է որպես գիտաշխատող և ուսումնասիրել իմունային պատասխանի գենետիկական հիմքը։։ 1974-1979 թվականներին, Հոնջոն եղել է Տոկիոյի համալսարանի բժշկական ֆակուլտետի ասիստենտ, 1979-1984 թվականներին Օսակայի համալսարանի բժշկական դպրոցի գենետիկայի ամբիոնի պրոֆեսոր և 1984-2005 թվականներին, Կիոտոյի համալսարանի բժշկության ֆակուլտետի բժշկական քիմիայի ամբիոնի պրոֆեսոր։ 2005 թվականից Հոնջոն Կիոտոյի համալսարանի բժշկության ֆակուլտետի իմունոլոգիայի և գենոմային բժշկության ամբիոնի պրոֆեսոր է[19]։ Նա 2012-2017 թվականներին եղել է Շիզուոկա պրեֆեկտուրայի հանրային համալսարանի կորպորացիայի նախագահը։

Նա ճապոնական իմունոլոգիայի միության անդամ է, իսկ 1999-2000 թվականներին եղել է դրա նախագահ։ Հոնջոն նաև իմունոլոգների ամերիկյան ասոցիացիայի պատվավոր անդամ է[20]։ 2017 թվականին նա դարձել է Կիոտոյի համալսարանի նորարական հետազոտությունների ինստիտուտի (KUIAS) գլխավոր տնօրենի տեղակալ և վաստակավոր պրոֆեսոր[21]։

Covid-19 համավարակ

[խմբագրել | խմբագրել կոդը]

COVID-19 համաճարակի ժամանակ կեղծ պնդումը, որ Հոնջոն կարծում էր, որ նոր կորոնավիրուսը «արտադրվել է» չինական Ուհան քաղաքի լաբորատորիայի կողմից, լայնորեն տարածվել է ինտերնետում բազմաթիվ լեզուներով[22]։ BBC Reality Check-ի թիմը հայտնել է, որ «Կիոտոյի համալսարանի կայքում հրապարակված հայտարարության մեջ նա ասաց, որ «մեծապես վշտացած է», որ իր անունը օգտագործվել է «կեղծ մեղադրանքներ և ապատեղեկատվություն» տարածելու համար[22]։

Ներդրում

[խմբագրել | խմբագրել կոդը]
Քաղցկեղի թերապիա բացասական իմունային կարգավորման արգելակմամբ (CTLA4, PD1)

Հոնջոն ամրագրել է դասերի անջատիչների վերահամակցման հիմնական հայեցակարգային շրջանակը[16]։ Նա ներկայացրեց մի մոդել, որը բացատրում էր հակամարմինների գեների վերադասավորումը դասերի փոխարկմամբ և 1980-1982 թվականներին ստուգեց դրա վավերականությունը՝ պարզաբանելով դրա ԴՆԹ-ի կառուցվածքը[23]։

1992 թվականին Հոնջոն առաջինը բացահայտեց PD-1-ը որպես ակտիվացված T-լիմֆոցիտների վրա ազդող գեն, և այդ հայտնագործությունը զգալիորեն նպաստեց, PD-1 շրջափակման միջոցով, քաղցկեղի իմունոթերապիայի սկզբունքի հաստատմանը։.[24]

Ծանոթագրություններ

[խմբագրել | խմբագրել կոդը]
  1. ↑ 1,0 1,1 Tasuku Honjo Facts — Nobel Foundation.
  2. ↑ Բրոքհաուզի հանրագիտարան (գերմ.)
  3. ↑ Munzinger Personen (գերմ.)
  4. ↑ Montenegro A. ORCID Public Data File 2023 — 2023. — doi:10.23640/07243.24204912.V1
  5. ↑ Robert Koch Award
  6. ↑ Robert-Koch-Preis — Robert Koch Foundation.
  7. ↑ https://www.cancerresearch.org/william-b-coley-award
  8. ↑ https://www.ms-fund.keio.ac.jp/en/prize/list.html
  9. ↑ https://www.kyotoprize.org/en/laureates/
  10. ↑ https://clarivate.com/citation-laureates
  11. ↑ https://warrenalpert.org/prize-recipients/tasuku-honjo
  12. ↑ https://www.univ-amu.fr/system/files/2021-11/DIRCOM-AMU-SS-LIVRET-2021-WEB.pdf
  13. ↑ «Tasuku Honjo – Facts – 2018». NobelPrize.org. Nobel Media AB. 2018 թ․ հոկտեմբերի 1. Վերցված է 2018 թ․ հոկտեմբերի 5-ին.
  14. ↑ Yasumasa Ishida; Yasutoshi Agata; Keiichi Shibahara; Տասուկու Հոնջո (1992년 Նոյեմբեր). «Induced expression of PD-1, a novel member of the immunoglobulin gene superfamily, upon programmed cell death». The EMBO Journal (անգլերեն). 11 (11): 3887–3895. doi:10.1002/J.1460-2075.1992.TB05481.X. ISSN 0261-4189. PMC 556898. PMID 1396582. Wikidata Q24293504.
  15. ↑ Atsushi Kumanogoh; Masato Ogata (2010년 Մարտ 25일). «The study of cytokines by Japanese researchers: a historical perspective». International Immunology (անգլերեն). 22 (5): 341–345. doi:10.1093/INTIMM/DXQ022. ISSN 0953-8178. PMID 20338911. Wikidata Q34106729.
  16. ↑ 16,0 16,1 16,2 «Robert Koch Stiftung – Christine Goffinet». www.robert-koch-stiftung.de. Արխիվացված է օրիգինալից 2021 թ․ մայիսի 21-ին. Վերցված է 2024 թ․ մարտի 25-ին.
  17. ↑ Hannah, Devlin (2018 թ․ հոկտեմբեր). «James P Allison and Tasuku Honjo win Nobel prize for medicine». The Guardian. Վերցված է 2018 թ․ հոկտեմբերի 1-ին.
  18. ↑ «2014 Tang Prize in Biopharmaceutical Science». Արխիվացված օրիգինալից 2017 թ․ հոկտեմբերի 20-ին. Վերցված է 2016 թ․ հունիսի 18-ին.
  19. ↑ 19,0 19,1 "«免疫のしくみに魅せられて－何ごとにも主体的に挑む» (ճապոներեն).
  20. ↑ «AAI Members Awarded the 2018 Nobel Prizein Physiology or Medicine». The American Association of Immunologists. Վերցված է 2018 թ․ հոկտեմբերի 4-ին.
  21. ↑ «Tasuku Honjo». kyotoprize.org. Inamori Foundation. Վերցված է 2018 թ․ հոկտեմբերի 1-ին.
  22. ↑ 22,0 22,1 Jack Goodman; Flora Carmichael (2020 թ․ մայիսի 2). «Coronavirus: Trump is selling coronavirus coins and other claims fact-checked: Fake Nobel Prize winner quote». BBC News Online. Վերցված է 2020 թ․ մայիսի 7-ին.
  23. ↑ Shimizu A; Takahashi N; Yaoita Y; Տասուկու Հոնջո (1982년 Մարտ 1일). «Organization of the constant-region gene family of the mouse immunoglobulin heavy chain». Cell (անգլերեն). 28 (3): 499–506. doi:10.1016/0092-8674(82)90204-5. ISSN 0092-8674. PMID 6804095. S2CID 42076631. Wikidata Q34270140.
  24. ↑ «The Keio Medical Science Prize Laureates 2016». Ms-fund.keio.ac.jp. Արխիվացված է օրիգինալից 2018 թ․ նոյեմբերի 11-ին. Վերցված է 2018 թ․ հոկտեմբերի 1-ին.
Ստացված է «https://hy.wikipedia.org/w/index.php?title=Տասուկու_Հոնջո&oldid=10146023» էջից