Վարուժ Քարիմ Մասիհին ծնվել է 1952 թվականին Իրանի Արաք քաղաքում, որտեղ ստացել է տարրական կրթություն և սովորել է ավագ դպրոցում, այնուհետև մեկնել է Գերմանիա՝ ուսանելու բժշկություն։ Մյունխենի հայկական ակումբում հանդիպել է մի հայ դերասանի, որը փոխել է Վարուժանի կյանքի ուղին։ Նրա մոտ կինոյի նկատմամբ հետաքրքրություն է առաջացել և, երբ 1971 թվականին վերադարձել է Իրան, ծանոթացել է Բահրամ Բեյզայի հետ և դարձել նրա ասիստենտը։ Եղել է Բեյազի Իրանական հեղափոխության մասին բոլոր ֆիլմերի ասիստենտը։ Եղել է նաև ռեժիսորներ Քամրան Շիրդելի, Ամիր Նադերի և Բահման Ֆարմանարայի ասիստենտը։ Նրան թույլատրել են սովորելու Դրամատիկական արվեստի քոլեջում, որին հաջորդել է նրա կինո կարիերան։ 1975 թվականին «Մանուկների և պատանիների մտավոր դաստիարակության կենտրոնի» համար ստեղծել է իր առաջին կարճամետրաժ ֆիլմը՝ «Կկուն»[1][2][3][4]։
Վարուժ Քարիմ Մասիհի հետհեղափոխական տարիներին նկարահանած ամենահայտնի ֆիլմը «Վերջին արարն» է, որը ստացել է 9 մրցանակ «Արշալույս» 9-րդ կինոփառատոնի շրջանակներում։
Վարուժ Քարիմ Մասիհի «Կասկած» ֆիլմը 2009 թվականին ներկայացվել է Ոսկե ծիրան կինոփառատոնի Հայկական համայնապատկեր ծրագրում[5][6]։