Վասիլի Պոլենով

Վասիլի Պոլենով; Василий Поленов
Ծնվել է	հունիսի 1, 1844[…]
Ծննդավայր	Սանկտ Պետերբուրգ, Ռուսական կայսրություն
Վախճանվել է	հուլիսի 18, 1927[…] (83 տարեկան)
Մահվան վայր	Q23875982?, Q4307403?, Զաօկսկի շրջան, Տուլայի նահանգ, ՌԽՖՍՀ, ԽՍՀՄ
Քաղաքացիություն	Ռուսական կայսրություն, Ռուսական հանրապետություն, Խորհրդային Ռուսաստան և ԽՍՀՄ
Կրթություն	Սանկտ Պետերբուրգի գեղարվեստի ակադեմիա (1870)
Մասնագիտություն	նկարիչ
Ոճ	ռեալիզմ
Ժանր	բնանկար և պատմական գեղանկարչություն
Թեմաներ	գեղանկարչություն և Կերպարվեստ
Ներշնչվել է	Ալեքսեյ Բոգոլյուբով, Իլյա Ռեպին, Պաոլո Վերոնեզե, Ռեմբրանդտ վան Ռեյն և Դիեգո Վելասկես
Պարգևներ	և
Պաշտոն	պալատական նկարիչ
Հայր	Դմիտրի Պոլենով
Մայր	Մարիա Ալեքսեևնա Վոեյկովա
Ամուսին	Natalya Yakunchikova?
Զավակներ	Dmitry Polenov?
Կայք	vasily-polenov.ru
	Vasiliy Polenov Վիքիպահեստում

Վասիլի Դմիտրևիչ Պոլենով (ռուս.՝ Васи́лий Дми́триевич Поле́нов, հունիսի 1, 1844(1844-06-01)^[1]^[2]^[3]^[…], Սանկտ Պետերբուրգ, Ռուսական կայսրություն^[4] - հուլիսի 18, 1927(1927-07-18)^[4]^[5]^[6]^[…], Q23875982?, Q4307403?, Զաօկսկի շրջան, Տուլայի նահանգ, ՌԽՖՍՀ, ԽՍՀՄ), ռուս նկարիչ։ Պետերբուրգի Գեղարվեստի ակադեմիայի իսկական անդամ Վասիլի Պոլենով (1893)։ ՌԽՖՍՀ ժողովրդական նկարիչ (1926)։ Սովորել է Պ․ Պ․ Չիստյակովի մոտ և Պետերբուրգի Գեղարվեստի ակադեմիայում (1863-1871, 1872-1876 թվականներին՝ կրթաթոշակառու՝ Իտալիայում և Ֆրանսիայում)։

Գործունեություն

Որպես նկարիչ-թղթակից մասնակցել է սերբաչեռնոգորիա-թուրք․ (1876) և Ռուս-թուրքական (1877-1878) պատերազմներին։ 1878 թվականից՝ պերեդվիժնիկների ընկերության անդամ։ 1870-ական թվականներին Վասիլի Պոլենովի գործերում մեծ տեղ է գրավել բնանկարը։ Շարունակելով Ա․ Կ․ Սավրասովի և Ֆ․ Ա․ Վասիլևի քնարական բնանկարի ավանդույթները՝ Վասիլի Պոլենովը ռուս գեղանկարչության մեջ առաջիններից է, որ ձգտել է կոմպոզիցիոն ավարտվածության և հստակ գծանկարի հետ զուգորդված կոլորիտի պլենէրային թարմության, մոտիվի կենսալի բնականության («Մոսկովյան բակ», 1878, «Տատիկի այգին», 1878, երկուսն էլ՝ Տրետյակովյան պատկերասրահ, Մոսկվա)։ Մերձավոր Արևելքում և Հունաստանում ստեղծած էտյուդներով (1881-1882), որոնք նյութ են հանդիսացել «Քրիստոսը և մեղսագործ կինը» կտավի համար (1886-1887, Ռուսական թանգարան, Լենինգրադ), Վասիլի Պոլենով փորձել է քրիստոնեության բարոյագիտության ոգով լուծել բարոյական խնդիրներ, իսկ գեղարվեստական առումով՝ նորոգել ակադեմիզմի գեղանկարչական համակարգը։ Վասիլի Պոլենովի ձգտումը հումանիստական թեմաների՝ առավելապես արտահայտվել է «Հիվանդ կինը» նկարում (1886, Տրետյակովյան պատկերասրահ)։ 1880-ական թվականների կեսերից Վասիլի Պոլենովի ստեղծած բնանկարներին առավել բնորոշ է էպիկական հնչեղությունը, մոնումենտալությունը, յուրահատուկ դեկորատիվությունը, ազատ նկարելակերպը («Ոսկե աշուն», 1893, Վ․ Դ․ Պոլենովի թանգարան-դաստակերտ, Պոլենովո)։ 1870-ական թվականներից շատ է աշխատել բեմանկարչության բնագավառում (1873 թվականից ձևավորել է ներկայացումներ), ներդրել նոր արտահայտչամիջոցներ։ 1892-1895 թվականներին դասավանդել է Մոսկվայի գեղանկարչության, քանդակագործության և ճարտյան ուսումնարանում։ 1905 թվականին Վ․ Ա․ Սերովի հետ Գեղարվեստի ակադեմիայի խորհրդին բողոք է հղել հունվարի 9-ին բանվորների գնդակահարության դեմ։ Բորոկ դաստակերտում (1931 թվականից՝ Պոլենովո) Վասիլի Պոլենով ստեղծել է գեղարվեստական թանգարան (1939 թվականին Վասիլի Պոլենովի հարազատները նվիրաբերել են պետությանը)։ Վասիլի Պոլենովի «Ոսկե աշուն» (1894), «Օկա գետի ափերը» (1895) և այլ գործեր գտնվում են Հայաստանի պետական պատկերասրահում։

Ծանոթագրություններ

↑ ^1,0 ^1,1 Benezit Dictionary of Artists — OUP, 2006. — ISBN 978-0-19-977378-7
↑ ^2,0 ^2,1 RKDartists (նիդերլ.)
↑ ^3,0 ^3,1 Բրոքհաուզի հանրագիտարան (գերմ.)
↑ ^4,0 ^4,1 ^4,2 ^4,3 ^4,4 ^4,5 Поленов Василий Дмитриевич // Большая советская энциклопедия (ռուս.): [в 30 т.] / под ред. А. М. Прохорова — 3-е изд. — М.: Советская энциклопедия, 1969.
↑ ^5,0 ^5,1 ^5,2 Bibliothèque nationale de France data.bnf.fr (ֆր.): տվյալների բաց շտեմարան — 2011.
↑ ^6,0 ^6,1 ^6,2 Vasili Dmitrievich Polenov (նիդերլ.)
↑ Չեխիայի ազգային գրադարանի կատալոգ
↑ ^8,0 ^8,1 ^8,2 ^8,3 ^8,4 https://www.tretyakovgallerymagazine.com/articles/3-2019-64/vasily-polenov-impressions-paris#:~:text=Early%20on%20in%20their%20Paris,Buzenval%20on%20January%2019%201871.

Վիքիպահեստն ունի նյութեր, որոնք վերաբերում են «Վասիլի Պոլենով» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 9, էջ 351)։

[_d882ae558b24980a-1] 1,0 ^1,1 Benezit Dictionary of Artists — OUP, 2006. — ISBN 978-0-19-977378-7

[_3623916973beafaf-2] 2,0 ^2,1 RKDartists (նիդերլ.)

[_dca85db1c44b86ce-3] 3,0 ^3,1 Բրոքհաուզի հանրագիտարան (գերմ.)

[_91aacbb0d155e6f6-4] 4,0 ^4,1 ^4,2 ^4,3 ^4,4 ^4,5 Поленов Василий Дмитриевич // Большая советская энциклопедия (ռուս.): [в 30 т.] / под ред. А. М. Прохорова — 3-е изд. — М.: Советская энциклопедия, 1969.

[_d32357ad1ae5ed77-5] 5,0 ^5,1 ^5,2 Bibliothèque nationale de France data.bnf.fr (ֆր.): տվյալների բաց շտեմարան — 2011.

[_6cc4af98e8a4cec9-6] 6,0 ^6,1 ^6,2 Vasili Dmitrievich Polenov (նիդերլ.)

[_c4358cdcc1be4d45-7] Չեխիայի ազգային գրադարանի կատալոգ

[_aeedb65adee56403-8] 8,0 ^8,1 ^8,2 ^8,3 ^8,4 https://www.tretyakovgallerymagazine.com/articles/3-2019-64/vasily-polenov-impressions-paris#:~:text=Early%20on%20in%20their%20Paris,Buzenval%20on%20January%2019%201871.

[1]

[2]

[3]

[4]

[5]

[6]

[7]

[8]