Վաչագան Վլասով

Վաչագան Վլասով;
Ծնվել է	հոկտեմբերի 14, 1922
Ծննդավայր	Շամախիի գավառ, Ադրբեջանական ԽՍՀ, ԱԽՖՍՀ
Մահացել է	հուլիսի 8, 2003 (80 տարեկան)
Մահվան վայր	Ալմաթի, Ղազախստան
Քաղաքացիություն	ԽՍՀՄ
Կրթություն	Մ. Վ. Ֆրունզեի անվան ռազմական ակադեմիա
Մասնագիտություն	զորավար
Կուսակցություն	ԽՄԿԿ
Պարգևներ և ; մրցանակներ	և

Վաչագան Հրաչյայի Վլասով (1922, հոկտեմբերի 14, գ. Սահյան, Ադրբեջանական ԽՍՀ - 2003, հուլիսի 8, Ալմա Աթա), խորհրդային բանակի գեներալ-մայոր։

Կենսագրություն

Ավարտել է Բաքվի Ս․ Օրջոնիկիձեի անվան հետևակային ուսումնարանը (1942), Մ․ Ֆրունզեի անվան ռազմական ակադեմիան (1959), բարձրագույն ակադեմիական կուրսեր (1968)։ 1942 թվականի փետրվարին զորակոչվել է կարմիր բանակ, սեպտեմբեր-դեկտեմբերին եղել Անդրկովկասյան ռազմաճակատի 45-րդ բանակի առանձին հրաձգային բրիգադի գնդացրային դասակի հրամանատար, 1943 թվականի մարտից 1945 թվականի հունիսը՝ 261-րդ հրաձգային դիվիզիայի 978-րդ գնդի գնդացրային վաշտի հրամանատար։ 1945-1956 թվականներին, որպես գումարտակի հրամանատարի տեղակալ, հրամանատար, գնդի դպրոցի պետ, շարունակել է ծառայությունը Անդրկովկասյան ռազմական օկրուգում։ 1959 թվականին փոխադրվել է Թուրքեստանյան ռազմական օկրուգ, եղել գնդի հրամանատար, ստորաբաժանման հրամանատարի տեղակալ։ 1970 թվականի հունվարից՝ հրամանատարական բարձրագույն ուսումնարանի պետ։ 1978 թվականի հոկտեմբերին զորացրվելուց հետո՝ Ղազախական ԽՍՀ ԴՕՍԱԱՖ-ի Կենտկոմի նախագահի տեղակալ։

Պարգևներ

«1941-1945 թթ. Հայրենական մեծ պատերազմում Գերմանիայի դեմ տարած հաղթանակի համար» մեդալ
Կարմիր Աստղի շքանշան
«ԽՍՀՄ զինված ուժերում Հայրենիքին ծառայելու համար» 3-րդ աստիճանի շքանշան
«Մարտական ծառայությունների» մեդալ
«ԽՍՀՄ զինված ուժերի վետերան» մեդալ
Հայրենական պատերազմի II աստիճանի շքանշան

Հիշատակ

Ալմաթիի Դոտիսկ պողոտայի թիվ 42 տանը, որտեղ Վլասովն ապրել է ավելի քան 30 տարի, 2010 թվականի սեպտեմբերին տեղադրվել է հուշատախտակ^[1]։

Ծանոթագրություններ

↑ Жорова Ю. В честь боевого генерала // Вечерний Алматы. — 2010, 9 сентября.

Գրականություն

Казарян А. В. Ратный труд // война, люди, судьбы : Очерки. - Ереван, 1975.

Արտաքին հղումներ

«Власов (Власян) Вачаган Грачиевич». ArmeniaOnline.ru. Արխիվացված է օրիգինալից 2013 թ․ մարտի 16-ին. Վերցված է 2013 թ․ փետրվարի 16-ին.
«К 90-летию со дня рождения генерала В. Р. Власова». АВОКУ. 2012. Արխիվացված է օրիգինալից 2013 թ․ մարտի 15-ին. Վերցված է 2013 թ․ փետրվարի 16-ին.

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 11, էջ 478)։

[1] Жорова Ю. В честь боевого генерала // Вечерний Алматы. — 2010, 9 сентября.

[1]