Սուրբ Կարապետ եկեղեցի (Սկյուտար)
| Սուրբ Կարապետ եկեղեցի | |
|---|---|
 | |
| Հիմնական տվյալներ | |
| Տեսակ | եկեղեցի |
| Երկիր |  Թուրքիա |
| Տեղագրություն | Սկյուտար և Ստամբուլի մարզ |
| Դավանանք | Հայ Առաքելական Եկեղեցի |
 | |
 | |
Սուրբ Կարապետ եկեղեցի, հայ առաքելական եկեղեցի Թուրքիայի Ստամբուլ քաղաքի Սկյուտար շրջանի Բաղլարբասի թաղամասում[1]։
1593 թվականի ձեռագրում հիշատակվում է, որ Սուրբ Կարապետ եկեղեցին արդեն կառուցված էր։ Ենթադրվում է, որ մզկիթների շինարարության համար վանեցի և մշեցի շինարարներ էին եկել Սկյուտար և նրանք էլ կառուցել են եկեղեցին։ Վանեցի Զաքարյա վարդապետի ջանքերով եկեղեցին վերանորոգվել է 1617 թվականին[2][3]։ Եկեղեցու երրորդ վերաշինությունը 1727 թվականին կատարել է արքունի ճարտարապետ կեսարացի Սարգիս Խալֆան՝ Հովհաննես Կոլոտ Բաղիշեցի պատրիարքի օրոք։
1838 թվականին Սուրբ Կարապետի արևելյան կողմում կառուցվել է ճեմարան-վարժարան, որն ուներ պարսպապատ մեծ այգի։ 1844 թվականին եկեղեցին վերանորոգվեց Աստվածատուր Բ Կոստանդնուպոլսեցի պատրիարքի շրջանում։ 1887 թվականին եկեղեցին ավերվել է հրդեհից, իսկ 1888 թվականին վերակառուցվել է Հարություն Վեհապետյան պատրիարքի օրոք։
Կառուցվածք
[խմբագրել | խմբագրել կոդը]Եկեղեցին դիմացի կողմերից ունի բարձրադիր, երկու քարաշեն զանգակատներ։ Գավիթի վրա շինված է երկհարկանի վերնատուն։ Եկեղեցու առաջնամասում աջից և ձախից կան երկու մատուռներ։ Սուրբ Կարապետ եկեղեցու կողքը Հովհաննես Կոլոտ պատրիարքը բացել է Ստամբուլի առաջին դպրոցը։
Եկեղեցու վերջին վերանորոգումը եղել է 2006 թվականին։ Օծվել և պաշտանմունքի համար վերաբացվել է ձեռամբ Մեսրոպ Բ Մութաֆյանի։
Շենքը որպես առաջին աստիճանի քաղաքային պահպանվող տարածք գրանցվել է 1983 թվականի օգոստոսի 4-ին։
Ծանոթագրություններ
[խմբագրել | խմբագրել կոդը]- ↑ «Kültür Envanteri - Surp Garabet Kilisesi, Bağlarbaşı». kulturenvanteri.com (ամերիկյան անգլերեն). 2019 թ․ նոյեմբերի 17. Վերցված է 2024 թ․ մարտի 1-ին.
- ↑ «Surp Karabet Ermeni Kilisesi». www.uskudar.bel.tr (թուրքերեն). Արխիվացված է օրիգինալից 2024-03-01-ին. Վերցված է 2024 թ․ մարտի 1-ին.
- ↑ «Surp Garabed Ermeni Kilisesi». Tarihi İstanbul (թուրքերեն). Վերցված է 2024 թ․ մարտի 1-ին.