Սեմյոն Բաբայան
- Վիքիպեդիայում կան հոդվածներ Բաբայան ազգանունով այլ մարդկանց մասին։
Սեմյոն Բաբայան | |
---|---|
![]() | |
Ծնվել է | հուլիսի 21, 1932[1] |
Ծննդավայր | Բաքու, ԱԽՖՍՀ, ԽՍՀՄ |
Մահացել է | սեպտեմբերի 15, 2023[2] (91 տարեկան) |
Քաղաքացիություն | ![]() ![]() |
Կրթություն | Արդբեջանի պետական նավթային ակադեմիա (1954) |
Գիտական աստիճան | տեխնիկական գիտությունների դոկտոր |
Մասնագիտություն | պետական գործիչ |
Սեմյոն Հմայակի Բաբայան (հուլիսի 21, 1932[1], Բաքու, ԱԽՖՍՀ, ԽՍՀՄ - սեպտեմբերի 15, 2023[2]), պետական գործիչ։ Տեխնիկական գիտությունների թեկնածու (1960)։ ԼՂԻՄ ժողպատգամավոր (1985-1988 ) և մարզգործկոմի անդամ։
Գործունեությունը
[խմբագրել | խմբագրել կոդը]Ավարտել է Բաքվի թիվ 160 միջնակարգ դպրոցը, այնուհետև՝ նավթի և քիմիայի ինստիտուտը (1954)։ 1960-1984 թվականներին աշխատել է Բաքվի նավթամեքենաշինական և Երևանի հաստոցաշինական գործարաններում (1973 թվականին տեղափոխվել է Երևան)։ 1984 թվականին հրավիրվել է Ստեփանակերտ և 1984-1988 թվականներին եղել Ստեփանակերտի գյուղատնտեսական մեքենաշինական գածարանի տնօրեն, 1988-1989 թվականներին՝ ԼՂ մարզգործկոմի նախագահ, 1989-1990 թվականներին՝ Կառավարման հատուկ կոմիտեի անդամ, 1992-1994 թվականներին՝ ԼՂՊՊԿ Շուշիի լիազոր ներկայացուցիչը։ 1991 թվականի հուլիսից եղել է ՀՀ արդյունաբերության փոխնախարար, կապիտալ շինարարության վարչության պետ՝ համակարգելով երկրաշարժի գոտու վերականգնման աշխատանքները և մինչև 1993 թվականը միաժամանակ հանդիսանալով այդ կառույցի ներկայացուցիչը ԱՀ-ում։ 1997 թվականից բնակվում է ՌԴ Կալուգա քաղաքում և աշխատում Ռուսաստանի Դաշնությունում ԱՀ մշտական ներկայացուցչության աշխատակազմում։
1988 թվականի սեպտեմբերի 9-29-ին մասնակցել է Մոսկովյան հացադուլին՝ բողոքելով «ԼՂ-ում տեղի ունեցող անօրինականությունների ու Միխայիլ Գորբաչովի անգործության դեմ» և պահանջել, որ վերականգնվեն ԼՂԻՄ-ի իրավական-վարչավան մարմինները, նրա սահմանադրական իրավունքները։
2008-2012 թվականներին եղել է Արցախի գիտական կենտրոնի հիմնադիր տնօրեն[3]։
Ծանոթագրություններ
[խմբագրել | խմբագրել կոդը]- ↑ 1,0 1,1 http://am.hayazg.info/index.php?curid=14774
- ↑ 2,0 2,1 2,2 https://news.am/arm/news/781015.html
- ↑ «Արցախի գիտական կենտրոնում նշվել է կենտրոնի հիմնադիր-տնօրենի հոբելյանը». artsakhpress.am. Վերցված է 2019 թ․ հուլիսի 10-ին.(չաշխատող հղում)
Արտաքին հղումներ
[խմբագրել | խմբագրել կոդը]
|
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Ղարաբաղյան ազատագրական պատերազմ (1988—1994) հանրագիտարանից, որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո ։ ![]() |