Սաբուր

Սաբուր (թուրքերեն՝ sabur), աֆրիկյան հալվեների տարբեր տեսակների տերևների չորացրած հյութը։

Դառը, պինդ զանգված է։ Լուծվում է էթիլ սպիրտում, մասնակիորեն՝ ջրում։ Պարունակում է ալոին (մի քանի անտրագլիկոզիդների խառնուրդ), խեժեր և այլն։ Ստացվում է լաբորատոր պայմաններում՝ տերևների մամլմամբ և հյութի մշակմամբ։ Բժշկության մեջ կիրառվում է չոր ձևով, որպես լուծողական։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 10, էջ 107)։