Ռոմ Վարշամով

Ռոմ Վարշամով
Ծնվել է	ապրիլի 9, 1927(1927-04-09) Թիֆլիս, ԱԽՖՍՀ, ԽՍՀՄ
Մահացել է	օգոստոսի 24, 1999(1999-08-24) (72 տարեկան) Մոսկվա, Ռուսաստան
Քաղաքացիություն	Հայաստան
Մասնագիտություն	մաթեմատիկոս
Գործունեության ոլորտ	մաթեմատիկոս և մաթեմատիկա
Ալմա մատեր	Թբիլիսիի պետական համալսարան
Կոչում	պրոֆեսոր
Գիտական աստիճան	ֆիզիկամաթեմատիկական գիտությունների դոկտոր
Գիտական ղեկավար	Arnold Walfisz? և Alexander Gelfond?

Ռոմ Ռուբենի Վարշամով (ապրիլի 9, 1927(1927-04-09), Թիֆլիս, ԱԽՖՍՀ, ԽՍՀՄ - օգոստոսի 24, 1999(1999-08-24), Մոսկվա, Ռուսաստան), կիրառական մաթեմատիկայի բնագավառի հայ խորհրդային գիտնական, ՀԽՍՀ ԳԱ թղթակից անդամ (1977)։

Կենսագրություն

Ավարտել է Թիֆլիսի համալսարանը (1952 թվական)։ 1955—1968 թվականներին աշխատել է ԽՍՀՄ ԳԱ ավտոմատիկայի և հեռուստամեխանիկայի ինստիտուտում։ 1968 թվականին աշխատել է ՀԽՍՀ ԳԱ և Երևանի համալսարանի միացյալ հաշվողական կենտրոնում, որպես բաժնի վարիչ։ 1970 թվականից եղել է ՀԽՍՀ ԳԱ ոադիոէլեկտրոնիկայի և կիբեռնետիկայի գիտական խորհրդի նախագահ։ Աշխատությունները վերաբերում են ժամանակակից հանրահաշվին, թվերի տեսությանը, կոմբինատորիկային, ինֆորմացիոն կառավարող համակարգերի սինթեզին։ Վարշամովը դրել է գծային կոդավորման տեսության հիմքերը, որոշել սիմետրիկ սխալներ ուղղող կոդերի գոյության հնարավորությունները, որոնք համաշխարհային գրականության մեջ հայտնի են Հիլբերտի սահման անունով։ Վարշամովը նաև վերջավոր դաշտերի վրա բազմանդամների բերման տեսության հեղինակն է։ Լուծել է վերջավոր դաշտերի վրա ցանկացած աստիճանի չբերվող բազմանդամների կառուցման խնդիրը, առաջադրել օբյեկտների բնութագրերի կտրուկ փոփոխությունների նկատմամբ ադապտիկ, տիեզերական կապուղիներով տվյալների հաղորդման համակարգերի մշակման նոր սկզբունքներ։

Աշխատություններ

Ром Варшамов, Введение в новую нетрадиционную математику,ISBN 5-89638-024-0; 1999 г.

Ծանոթագրություններ

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 11, էջ 341)։