Ֆուտբոլիստ և Խորվաթիայի հավաքականի մարզիչ Զլատկո Կրանչերի որդին է։ Նիկոն իր մանկության մի մասն անցկացրել է Վիեննայում, որտեղ հայրը խաղացել է «Ռապիդ» ակումբում (մինչև 1991 թվականը)։ 17 տարեկանում Նիկոն դարձել է ամենաերիտասարդ թիմի ավագը Զագրեբի «Դինամո» ակումբի պատմության մեջ[4], սակայն 2005 թվականի ձմռանը համալրել է «Դինամո» ակումբի գլխավոր հակառակորդի՝ Սպլիտի «Հայդուկ» ակումբի շարքերը Խորվաթիայի համար ռեկորդային գումարով՝ 1,5 մլն եվրոյով։ 2004/05 մրցաշրջանում «Հայդուկի» կազմում նա դարձել է Խորվաթիայի չեմպիոն և արապնդել իր տեղն ազգային հավաքականում։
2006/07 մրցաշրջանի հաջող մեկնարկից հետո Նիկոն չորսամյա պայմանագիր է կնքել անգլիական «Պորտսմուտ» ակումբի հետ[5]։
Ամառային տրանսֆերի վերջին օրը՝ 2009 թվականի սեպտեմբերի 1-ին, Նիկո Կրանչարը «Պորտսմուտից» տեղափոխվել է «Տոտտենհեմ Հոտսպուր» ակումբ։ Ակումբների մեջ գործարքի գումարը կազմել է 2,5 միլիոն ֆունտ ստեռլինգ[6]։ 2009/10 մրցաշրջանի հաջող մեկնարկից հետո Նիկոն տեղ է զբաղեցրել պահեստայինների նստարանին Գարի Ռեդնապի թիմում և 2010 թվականի նոյեմբերին լուր է տարածվել, որ նրան և Դեյվիդ Բենտլիին վաճառելու են ձմեռային տրանսֆերային պատուհանի ժամանակ։ Անգլիայի առաջնությունում Նիկոն ընդհանուր առմամբ անցկացրել է 3 խաղ և երեք անգամ խաղադաշտ է դուրս եկել Չեմպիոնների լիգայում և Անգլիայի գավաթի խաղարկությունում։
2012 թվականի հունիսի 6-ին Նիկո Կրանչարը տեղափոխվել է Կիևի «Դինամո» ակումբ՝ կնքելով պայմանագիր 4 տարի ժամկետով։ Տեղափոխվման գինը, ըստ ոչ պաշտոնական տվյալների, կազմել է 7 միլիոն եվրո, իսկ ֆուտբոլիստի տարեկան աշխատավարձը՝ 2 միլիոն[7]։ 2016 թվականի հունվարի 14-ին պաշտոնապես հայտարարվել է, որ «Դինամո» ակումբը և Նիկոն եկել են երկկողմանի համաձայնության և ժամանակից շուտ խզել պայմանագիրը[8]։
2008 թվականին Եվրոպայի առաջնության ընտրական փուլի՝ Անգլիայի հավաքականի դեմ խաղի 7-րդ րոպեին Նիկո Կրանչարը խփել է հանդիպման առաջին գոլը, ինչին նպաստել է անգլիացիների դարպասապահի կոպիտ սխալը։ Արդյունքում Խորվաթիայի հավաքականը հաղթել է «Ուեմբլի» մարզադաշտում (3:2)։
Խորվաթիա և 
Ավստրիա
«Դինամո» Զագրեբ
«Պորտսմուտ»
«Դինամո» Կիև
