Նիկոլայ Բուլավին
| Նիկոլայ Բուլավին | |
|---|---|
| Ծնվել է | հունվարի 21, 1931 |
| Ծննդավայր | Սանդատա, Սալսկի շրջան, Ռոստովի մարզ, ԽՍՀՄ |
| Մահացել է | նոյեմբերի 7, 1987 (56 տարեկան) |
| Մահվան վայր | Վյոշենսկայա, Ռոստովի մարզ, ՌԽՖՍՀ, ԽՍՀՄ |
| Կրթություն | Դոնի պետական ագրարային համալսարան |
| Մասնագիտություն | քաղաքական գործիչ |
| Աշխատավայր | Մ. Ա. Շոլոխովի անվան պետական թանգարան-արգելոց |
| Կուսակցություն | ԽՄԿԿ |
| Պարգևներ և մրցանակներ |  և  |
Նիկոլայ Ալեքսանդրովիչ Բուլավին (ռուս.՝ Николай Александрович Булавин, հունվարի 21, 1931, Սանդատա, Սալսկի շրջան, Ռոստովի մարզ, ԽՍՀՄ - նոյեմբերի 7, 1987, Վյոշենսկայա, Ռոստովի մարզ, ՌԽՖՍՀ, ԽՍՀՄ), ԽՄԿԿ Վյոշենսկի շրջկոմի առաջին քարտուղար, Միխայիլ Շոլոխովի անվան պետական արգելոց-թանգարանի առաջին տնօրեն։ Վյոշենսկի ստանիցայի պատվավոր բնակիչ (2009), Շոլոխովի շրջանի պատվավոր քաղաքացի (2012), պարգևատրվել է Աշխատանքային Կարմիր դրոշի երեք և պատվո նշանի երկու շքանշաններով[1]։
Կենսագրություն
[խմբագրել | խմբագրել կոդը]1951 թվականին Նիկոլայ Բուլավինը ավարտել է Զլմնովնիկի միջնակարգ դպրոցը «Ոսկե մեդալով» և ընդունվել Ռոստովի ինժեներա-շինարարական ինստիտուտ, սակայն տեսողոության վատացման պատճառով, 1952 թվականին փոխադրվել է Ազով-Սևծովյան գյուղինստիտուտ, որն ավարտել է 1957 թվականին։ Նիկոլայ Ալեքսանդրովիչն աշխատել է Ռոստովի մարզի Վյոշենսկի շրջանի «Կրուժիլինսկի» խորհրդային տնտեսությունում որպես գյուղատնտես, այնուհետև՝ 1962 թվականին, նշանակվել տնօրեն։ 1969 թվականին ընտրվել է Վյոշենսկի շրջխորհրդի գործկոմի նախագահ։ 1970 թվականից մինչև 1984 թվականը ղեկավարել է շրջանի կուսակցական կազմակերպությունը, որը եղել է լավագույններից մեկը մարզում։ Բուլավինը եղել է ԽՄԿԿ 26-րդ համագումարի պատվիրակ, Ռոստովի մարզից ժողովրդական պատգամավորների մարզային և շրջանային խորհուրդների պատգամավոր, ԽՄԿԿ մարզկոմի անդամ, մարզային կուսակցական կազմակերպության վերստուգիչ հանձնաժողովի անդամ, ընտրվել կուսակցական կոնֆերանսների պատգամավոր։ Նիկոլայ Ալեքսանդրովիչ Բուլավինն ընկերական հարաբերություններ էր պահպանում Միխայիլ Ալեքսանդրովիչ Շոլոխովի հետ, որը սատար էր կանգնում նրա բոլոր նախաձեռնություններին և հայրենի եզերքի հետ կապված ձեռնարկումներին։ Գրողի մահից հետո Ն. Ա. Բուլավինը եղել է Մ. Ա. Շոլոխովի Պետական թանգարան արգելոցի ստեղծման նախաձեռնողներից մեկը և նրա առաջին տնօրենը (1984-1987)։
Բարեխիղճ աշխատանքի բարձր պրոֆեսիոնալկզմի համար Նիկոլայ Ալեքսանդրովիչ Բուլավինը պարգևատրվել է Աշխատանքային կարմիր դրոշի երեք և Պատվո նշան շքանշանի երկու մեդալներով։ 2009 թվականին նրան շնորհվել է «Վյոշենսկի ստանիցայի պատվավոր բնակչի» կոչում։ 2012 թվականին նրան շնորհվել է «Շոլոխովսկի շրջանի պատվավոր քաղաքացու» կոչում։
Պարգևներ
[խմբագրել | խմբագրել կոդը]- Աշխատանքային Կարմիր դրոշի երեք շքանշան
- Պատվո նշանի երկու շքանշան
- Վյոշենսկի ստանիցայի պատվավոր բնակիչ
- Շոլոխովսկի շրջանի պատվավոր քաղաքացի
Գրականություն
[խմբագրել | խմբագրել կոդը]- Шолоховская энциклопедия/ Колл. авторов; глав. ред. Ю.А. Дворяшин; вступ. ст. М.М. Шолохов. - М.: Издательский дом "СИНЕРГИЯ", 2013. - 1216 с.: ил. ISBN 978-5-94238-022-9
Ծանոթագրություններ
[խմբագրել | խմբագրել կոդը]- ↑ «Булавин Николай Александрович (21.01.1931 - 07.11.1987)». Արխիվացված է օրիգինալից 2017 թ․ հոկտեմբերի 13-ին. Վերցված է 2017 թ․ հոկտեմբերի 31-ին.
Արտաքին հղումներ
[խմբագրել | խմբագրել կոդը]- Н.А.Булавин - первый секретарь и первый директор
- Булавин Николай Александрович
- НАШ ПЕРВЫЙ ДИРЕКТОР
- Почётные граждане Шолоховского района Արխիվացված 2017-10-18 Wayback Machine
- Выставка, посвященная 85-летию со дня рождения первого директора музея-заповедника М.А. Шолохова Н.А. Булавина
- Александр Шолохов: Я всегда ощущаю поддержку и помощь своих предков