Համբարձում Մաթևոսյան
- Վիքիպեդիայում կան հոդվածներ Մաթևոսյան ազգանունով այլ մարդկանց մասին։
Համբարձում Մաթևոսյան | ||||
![]() | ||||
| ||||
---|---|---|---|---|
2021 թվականի նոյեմբերի 25-ից - 2022 թվականի դեկտեմբերի 12 | ||||
| ||||
2018 - 2021 | ||||
| ||||
2023 փետրվար 16-ից | ||||
Կուսակցություն՝ | Քաղաքացիական պայմանագիր | |||
Ծննդյան օր | նոյեմբերի 18, 1992 (31 տարեկան) | |||
Ծննդավայր | Գյումրի, Հայաստան |
Համբարձում Մաթևոսյան (նոյեմբերի 18, 1992, Գյումրի, Հայկական ԽՍՀ, ԽՍՀՄ[2]), հայ պետական քաղաքական գործիչ, Հայաստանի Արմավիրի նախկին մարզպետ[3]։ Հայաստանի նախկին փոխվարչապետ[4] (2021-2022)։ ՀՀ վարչապետի գլխավոր խորհրդական։
Կրթություն
[խմբագրել | խմբագրել կոդը]2009 թվականին ավարտել է Գյումրու թիվ 5 հիմնական դպրոցը։ 2009-2012 թվականներին սովորել է ԱՄՆ Կալիֆոռնիա նահանգի Գրոսմոնտ քոլեջի «Համաշխարհային գիտություններ» բաժնում։ 2012-2015 թվականներին սովորել է ԱՄՆ Կալիֆորնիա նահանգի Սան Դիեգոյի պետական համալսարանի միջազգային հարաբերություններ, միջազգային անվտանգություն և հակամարտության կարգավորում ֆակուլտետի «Համագործակցություն, հակամարտություն, կոնֆլիկտաբանություն» բաժնում։
Աշատանքային գործունեություն
[խմբագրել | խմբագրել կոդը]2011-2012 թվականներին աշխատել է ԱՄՆ Կալիֆոռնիա նահանգի Գրոսմոնտ քոլեջում՝ որպես միջազգային ուսանողական բաժնի համակարգող։
2013-2014 թվականներին աշխատել է Ուկրաինայի Դոնեցկ քաղաքի «Կերամռեսուրս» ՍՊԸ-ում՝ որպես եվրոպական շուկայի պատասխանատու։
2013-2015 թվականներին աշխատել է Ուկրաինայի Դոնեցկ քաղաքում՝ որպես Հայաստանի պատվավոր հյուպատոսի խորհրդական։
2016-2018 թվականներին աշխատել է Հայաստանի ամերիկյան համալսարանում՝ որպես հումանիտար և հասարակական գիտությունների ֆակուլտետի կառավարիչ, ընդհանուր կրթության գծով խորհրդական[5]։
2018 թվականի հոկտեմբերի 16-ին Հայաստանի Հանրապետության կառավարության որոշմամբ՝ նշանակվել է Հայաստանի Արմավիրի մարզպետ[6][7][8]։
Վերապատրաստումներ և պարգևներ
[խմբագրել | խմբագրել կոդը]2008 թվականին եղել է Հայաստանի ներկայացուցիչը ԱՄՆ Դենվեր քաղաքում անցկացված Գլոբալ երիտասարդական ֆորումին։
2012-2013 թվականներին եղել է ԱՄՆ Կալիֆոռնիա նահանգի Սան Դիեգո քաղաքի հայկական համայնքի Երիտասարդական թեմի ատենապետը։
2013 թվականին անցել է մագիստրատուրայի կարճաժամկետ ուսուցում՝ Հայաստանի ամերիկյան համալսարանի միջազգային հարաբերությունների և քաղաքագիտության ֆակուլտետում։
2013 թվականին մասնակցել է Երիտասարդ առաջնորդների դպրոցում անցկացված «Բանակցությունների, տարածաշրջանային և հանրային քաղաքականության վերաբերյալ մասնագիտական վերապատրաստման» դասընթացներին։
2013-2015 թվականներին հանդիսացել է ԱՄՆ Կալիֆոռնիա նահանգի Սան Դիեգո քաղաքի Հայ ուսանողական կազմակերպության համահիմնադիրը և համակարգողը։
2015 թվականին ԱՄՆ Կալիֆոռնիա նահանգի Սան Դիեգոյի պետական համալսարանի միջազգային ուսանողական կենտրոնի կողմից արժանացել է շնորհակալագրի։
2015 թվականին ԱՄՆ Կալիֆոռնիա նահանգի սենատ Ջոել Անդերսոնի կողմից արժանացել է շնորհակալագրի։
2015-2016 թվականներին աշխատանքային վերապատրաստում է անցել «World Chicago» կազմակերպությունում։
2018 թվականին «Էրազմուս+» ծրագրի շրջանակներում «Կրթության կազմակերպման հարցեր» թեմայով վերապատրաստում է անցել Իռլանդիայի Հանրապետությունում[9]։
2019 թվականին Արտակարգ իրավիճակների նախարար Ֆելիքս Ցոլակյանի կողմից արդյունավետ համագործակցության համար պարգևատրվել է «Կանխարգելում, օգնություն, փրկություն» մեդալով։
2019 թվականին ՌԴ անվտանգության դաշնային ծառայության սահմանապահ վարչության Արմավիրի սահմանապահ զորամասի հրամանատարի կողմից արդյունավետ համագործակցության համար պարգևատրվել է <<Ա. Միկոյանի անվան սահմանապահ զորամասի ստեղծման 95 տարի>> հուշամեդալով։
Ընտանիք
[խմբագրել | խմբագրել կոդը]Ամուսնացած է, ունի երկու որդի։
Տես նաև
[խմբագրել | խմբագրել կոդը]Ծանոթագրություններ
[խմբագրել | խմբագրել կոդը]- ↑ Համբարձում Մաթևոսյանը նշանակվեց փոխվարչապետ
- ↑ «Հայաստան». 2022 թ․ մայիսի 3.
{{cite journal}}
: Cite journal requires|journal=
(օգնություն) - ↑ http://armavir.mtad.am/news/item/2018/10/16/161018/.
{{cite web}}
: Missing or empty|title=
(օգնություն) - ↑ Համբարձում Մաթևոսյանը նշանակվել է փոխվարչապետ
- ↑ https://www.aysor.am/am/news/2018/10/16/%D5%B4%D5%A1%D5%A9%D6%87%D5%B8%D5%BD%D5%B5%D5%A1%D5%B6/1478125.
{{cite web}}
: Missing or empty|title=
(օգնություն) - ↑ http://armavir.mtad.am/news/item/2018/10/16/16101.
{{cite web}}
: Missing or empty|title=
(օգնություն) - ↑ Համբարձում Մաթևոսյանը՝ Արմավիրի մարզպետ
- ↑ Համբարձում Մաթևոսյանը՝ Արմավիրի մարզպետ
- ↑ http://armavir.mtad.am/structure/bio/849/.
{{cite web}}
: Missing or empty|title=
(օգնություն)