Հակոբ Փափազյան
Անվան այլ կիրառումների համար տե՛ս՝ Հակոբ Փափազյան (այլ կիրառումներ)
| Հակոբ Փափազյան | |
|---|---|
| Ծնվել է | հունիսի 27, 1878 |
| Ծննդավայր | Բրուսա, Թուրքիա |
| Մահացել է | 1957 |
| Կրթություն | Մուրադ-Ռափայելյան վարժարան, Վենետիկի գեղարվեստի ակադեմիա (1898) և Հռոմի գեղարվեստի ակադեմիա (1899) |
| Մասնագիտություն | քանդակագործ |
Հակոբ Փափազյան (Ջեկ) (1878, հունիսի 27, Բրուսա - 1957, Նյու Յորք), հայ քանդակագործ։
Կենսագրություն
[խմբագրել | խմբագրել կոդը]Սովորել է Իզմիրի Ազգային, Վենետիկի Մուրադ-Ռափայելյան վարժարաններում, ավարտել Վենետիկի գեղարվեստի ակադեմիաները (1898), կատարելագործվել Հռոմի գեղարվեստի ակադեմիայում (1898-1899)[1]։
Ստեղծագործություններ
[խմբագրել | խմբագրել կոդը]1900 թվականին մեկնել է Նյու Յորք, քանդակագործ Ֆ. Մարտինիի համագործակցությամբ ստեղծել Սուրբ Բարդուղիմեոս եկեղեցու «Ռեկորդների սրահի» և այլ շենքերի քանդակները։
1908 թվականից ապրել և ստեղծագործել է Իզմիրում։
1922 թվականին, Իզմիրի աղետից հետո, տեղափոխվել է Նյու Յորք, զբաղվել դեկորատիվ քանդակագործությամբ, մասնակցել Նյու Յորքի Շրջանային դատարանի, Վաշինգտոնի Արխիվների շենքի քանդակազարդմանը։
Ստեղծել է նաև խորհրդանշական արձաններ՝
- «Անթև հաղթանակ»
- «Ամերիկայի ոգին»
փոքրաչափ հարթաքանդակներ՝ հին արևելյան թեմաներով
- «Սաբայի թագուհին»
- «Շեհերազադե»
Փափազյանի «Հավիտենական պայքար» խմբաքանդակը պահվում է Հայաստանի ազգային պատկերասրահում։
Ծանոթագրություններ
[խմբագրել | խմբագրել կոդը]- ↑ Ով ով է. Հայեր. Կենսագրական հանրագիտարան, հատոր երկրորդ, Երևան, 2007.