Կարեն Ոսկանյան

Վիքիպեդիայում կան հոդվածներ Ոսկանյան ազգանունով այլ մարդկանց մասին։

Կարեն Արարատի Ոսկանյան
27 հոկտեմբերի, 1975 - 11 հուլիսի, 1999
Ծննդավայր	Բաքու
Մահվան վայր	Ստեփանակերտ
Կոչում	ավագ լեյտենանտ
Պաշտոն	վաշտի հրամանատար
Մարտեր/ պատերազմներ	Արցախյան ազատամարտ

Կարեն Ոսկանյան (27 հոկտեմբերի, 1975, Բաքու - 11 հուլիսի, 1999, Ստեփանակերտ), հայ ազատամարտիկ, Արցախյան ազատամարտի մասնակից։

Կենսագրություն

Կարեն Ոսկանյանը ծնվել է 1975 թ. հոկտեմբերի 27-ին Բաքու քաղաքում։ Նրա հիվանդության պատճառով ընտանիքը 1976 թ. տեղափոխվել է Առաջաձոր։ Ավարտել է գյուղի միջնակարգ դպրոցը։ 1993 թ. զորակոչվել է ԼՂՀ ՊԲ շարքերը, ծառայել Խաչենի գումարտակում։ Առաջին անգամ վիրավորվել է ականի պայթյունից «ԿամԱԶ» մակնիշի մեքենայով դիրքերը գնալիս։ Երկրորդ անգամ վիրավորվել է ոտքից թշնամու գնդակից։ 1995 թ. նոյեմբերից Խոջալվում անցել է սպայական վեցամսյա դասընթացներ, ապա ծառայել Մատաղիսի գնդում որպես վաշտի հրամանատար, ուներ ավագ լեյտենանտի զինվորական կոչում։ Վիրավորվել է 1999 թ. հուլիսի 3-ին դիրքերում, թշնամու գնդակից, մահացել հուլիսի 11-ին Ստեփանակերտի հոսպիտալում։ Հետմահու պարգևատրվել է «Արիության համար» մեդալով։ Ամուսնացած չէր։ Հանգչում է Առաջաձորի գերեզմանատանը։