Jump to content

Լոիս Մաքսվել

Վիքիպեդիայից՝ ազատ հանրագիտարանից
Լոիս Մաքսվել
անգլ.՝ Lois Maxwell
Ծնվել էփետրվարի 14, 1927(1927-02-14)[1][2]
ԾննդավայրKitchener, Regional Municipality of Waterloo, Օնտարիո, Կանադա
Մահացել էսեպտեմբերի 29, 2007(2007-09-29)[3][1][2] (80 տարեկան)
Մահվան վայրՖրիմանթլ, City of Fremantle, Արևմտյան Ավստրալիա, Ավստրալիա
ԿրթությունԴրամատիկական արվեստի թագավորական ակադեմիա (1945)[4]
Քաղաքացիություն Կանադա
Մասնագիտությունդերասանուհի և գրող

Լոիս Մաքսվել (անգլ.՝ Lois Maxwell, փետրվարի 14, 1927(1927-02-14)[1][2], Kitchener, Regional Municipality of Waterloo, Օնտարիո, Կանադա - սեպտեմբերի 29, 2007(2007-09-29)[3][1][2], Ֆրիմանթլ, City of Fremantle, Արևմտյան Ավստրալիա, Ավստրալիա), կանադացի դերասանուհի, առավել հայտնի է Ջեյմս Բոնդի մասին ֆիլմերից՝ օրիորդ Մանիպենի դերով։

Կենսագրություն

[խմբագրել | խմբագրել կոդը]

Լոիս Ռուտ Հուկերը ծնվել է 1927 թվականի փետրվարի 14-ին՝ կանադական Կիտչեներ քաղաքում։ Նա 15 տարեկանում փախել է տնից, որպեսզի միանա կանադական զորքին, որը մասնակցում էր Երկրորդ համաշխարհային պատերազմին։ Սկզբնական ժամանակաշրջանում ընդունվել է որպես զինվոր, բայց հետո տեղափոխվել է զինվորական կորպուս։ Նա զինվորականների հետ շատ է ճանապարհորդել Եվրոպայում, որտեղ հանդես է եկել երաժշտական և պարային համարներով։ Այն մասին, որ նա դեռ անչափահաս է, իմացել են միայն Լոնդոնի շտաբում։ Նա տեղափոխվել է Կանադա և ընդունվել է դրամատիկական արվեստի թագավորական համալսարան, որտեղ ծանոթացել է Ռոջեր Մուրի հետ, ով նույնպես սովորում էր այդտեղ։

Տասներկու տարեկան հասակում տեղափոխվել է Հոլիվուդ, որտեղ միանգամից գտել է դերասանուհու աշխատանք, այդ իսկ պատճառով իր ազգանունը փոխել է Մաքսվել։ 1948 թվականին «Այս աղջիկը Հագենից է» ֆիլմում խաղալու համար արժանացել է «Ոսկե գլոբուս» մրցանակին՝ որպես դերասանուհու լավագույն բեմել։ 1949 թվականին Լոիսը Մերիլին Մոնրոյի հետ մասնակցել է «Life» ամսագրի ֆոտոսեսսիային։

1950 թվականին Մաքսվելը հոգնել է Հոլիվուդում աշխատելուց և հինգ տարով տեղափոխվել է Հռոմ։ Այնտեղ նա նկարահանվել է մի քանի իտալական ֆիլմերում, որոնցից առավել հայտնի է դարձել «Աիդա» ֆիլմը՝ նկարված համանուն օպերայի հիման վրա, որտեղ գլխավոր դերերից մեկը կատարել է Սոֆի Լորենը։

Փարիզ մեկնելու ժամանակ ծանոթացել է Պիտեր Մարիոտի հետ, ում հետ էլ 1957 թվականին ամուսնացել է։ Հարսանիքից հետո նրան հաստատվել են Լոնդոնում, որտեղ ծնվել են նրանց երկու երեխաները։ Մեծ Բրիտանիայում նա շարունակել է դերասանական կարիերան։ Նա դերակատարումներ է ունեցել տարբեր ֆիլմերում, սակայն 1962 թվականին նա կատարել է իր ամենաճանաչված՝ օրիորդ Մանիպենի դերը՝ Ջեյմս Բոնդի մասին առաջին՝ «Բժիշկ Նոու» ֆիլմում։ Վերջին քսան տարվա ընթացքում Լոիսը այդ դերը կատարել է Ջեյմս Բոնդի 14 ֆիլմերում։ Վերջին անգամ կատարել է օրիորդ Մանիպենի դերը 1962 թվականին՝ «Մարդասպանի հայացքով» ֆիլմում։ Նկարահանման ընթացքում Մաքսվելը խնդրել է սպանել իր կերպարին, սակայն պրոդյուսերները որոշել են այդպես չվարվել և օրիորդ Մանիպենին խաղացել է Բոնդի մասին այլ ֆիլմերում։ Բոնդի մասին ֆիլմերում նկարահանվելու ժամանակ Մաքսվելը կադրում հայտնվել է ավելի քիչ, քան 20 րոպեն և արտաբերել է 200 բառ, սակայն հենց այս դերով է դարձել առավել հայտնի[5]։

1973 թվականին՝ ինֆարկտի հետևանքով ամուսնու մահից հետո Մաքսվելը վերադարձել է Կանադա և հաստատվել Տորոնտոյում։ Այնտեղ նա դարձել է «Toronto Sun» ամսագրի վարող՝ օրիորդ Մանիպենի կեղծանվամբ, նաև զբաղվել է տեքստիլ արդյունաբերության բիզնեսով։ 1994 թվականին կրկին վերադարձել է Անգլիա, որտեղ ապրել է Սոմերսեթ կոմսությունում՝ աղջկա մոտ։

2001 թվականին Լոիսը մեկնել է Ավստրալիա՝ իր աղիքների քաղցկեղի վիրահատության համար։ Վիրահատությունից հետո մնացել է Ավստրալիայում՝ տղայի մոտ, ով ապրում էր Պերտում։ Այնտեղ էլ մահացել է 2007 թվականի սեպտեմբերի 29-ին՝ 80 տարեկան հասակում։

Ֆիլմագրություն

[խմբագրել | խմբագրել կոդը]
  • 1947 — Эта девушка из Хагена — Ջուլիա Քեյն
  • 1947 — Коридор зеркал — Լոիս
  • 1953 — Аида — Ամներիս
  • 1954 — Великая надежда — Լիլի Դոնալդ
  • 1957 — Безжалостное время — Վիկի Հարկեր
  • 1962 — Лолита — Քույր Մերի Լոր
  • 1962 — Доктор Ноу — Օրիորդ Մանիպենի
  • 1963 — Призрак дома на холме — Գրեյս Մարկվեյ
  • 1963 — Из России с любовью — Օրիորդ Մանիպենի
  • 1964 — Голдфингер — Օրիորդ Մանիպենի
  • 1965 — Шаровая молния — Օրիորդ Մանիպենի
  • 1967 — Живёшь только дважды — Օրիորդ Մանիպենի
  • 1969 — На секретной службе Её Величества — Օրիորդ Մանիպենի
  • 1971 — Бриллианты навсегда — Օրիորդ Մանիպենի
  • 1973 — Живи и дай умереть — Օրիորդ Մանիպենի
  • 1974 — Человек с золотым пистолетом — Օրիորդ Մանիպենի
  • 1975 — Шарло в Гонконге — Օրիորդ Մանիպենի
  • 1977 — Шпион, который меня любил — Օրիորդ Մանիպենի
  • 1979 — Лунный гонщик — Օրիորդ Մանիպենի
  • 1979 — Найти и потерять — Անգլուհի
  • 1981 — Только для твоих глаз — Օրիորդ Մանիպենի
  • 1983 — Осьминожка — Օրիորդ Մանիպենի
  • 1985 — Вид на убийство — Օրիորդ Մանիպենի
  • 2001 — Четвёртый ангел — Օլիվիա

Պարգևներ

[խմբագրել | խմբագրել կոդը]
  • Ոսկե գլոբուս 1948 — Պարգևատրվել է լավագույն առաջին խաղի համար («Այս աղջիկը Հագենից է»)։

Ծանոթագրություններ

[խմբագրել | խմբագրել կոդը]
  1. ↑ 1,0 1,1 1,2 1,3 1,4 filmportal.de — 2005.
  2. ↑ 2,0 2,1 2,2 2,3 2,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
  3. ↑ 3,0 3,1 3,2 http://news.bbc.co.uk/1/hi/entertainment/7020553.stm
  4. ↑ Student & graduate profiles — Royal Academy of Dramatic Art.
  5. ↑ Lois Maxwell, 80; Miss Moneypenny in Bond movies

Արտաքին հղումներ

[խմբագրել | խմբագրել կոդը]
Վիքիպահեստն ունի նյութեր, որոնք վերաբերում են «Լոիս Մաքսվել» հոդվածին։
 ⛭ 
  Թեմատիկ կայքեր
Բառարաններ և հանրագիտարաններ
Ստացված է «https://hy.wikipedia.org/w/index.php?title=Լոիս_Մաքսվել&oldid=10151747» էջից