Դեմք
![](http://upload.wikimedia.org/wikipedia/commons/thumb/a/a3/Elderly_Gambian_woman_face_portrait.jpg/220px-Elderly_Gambian_woman_face_portrait.jpg)
Դեմք մարդու գլխի դիմային հատված, որի վերին հատվածն ավարտվում է գլխի մազերով, ստորին հատվածը՝ ստորին ծնոտով, կողային հատվածները՝ ստորին ծնոտի ծայրերով և ականջախեցիներով։
Դեմքի անատոմիական առանձնահատկություններ
[խմբագրել | խմբագրել կոդը]Դեմքի վրա տեղակայված են առաջնային զգայական օրգանները՝ տեսողական (աչքեր), լսողական (ականջներ), հոտառական (քիթ), դեմքից է սկսվում նաև մարդու շնչառական համակարգը, շնչուղիները։ Բերանից էլ սկսվում է մարսողական ապարատը[1]։
Գոյություն ունի դեմքը հատվածների բաժանելու մի քանի տարբերակ։ Շվեյցարա-գերմանացի Քրեագիտություն|քրեագետ Ռիչարդ Ռեյսը[2] կարծում է, որ ամենահասարակ և հիմնական տարբերակը դեմքը ըստ բարձրության երեք հատվածների բաժանելն է․
- վերին (ունքերի հատվածից մինչև մազածածկույթի սահմանը)
- միջին (ունքերի հատվածից մինչև քթի ստորին հատվածը)
- ստորին (քթի ստորին հատվածից մինչև կզակ)։
Այսպիսի բաժանումն արդարացված է նաև գենետիկայի տեսանկյունից։ Այս բաժիններից յուրաքանչյուրն ունի իր սաղմնային առանձնահատկությունը։ Օնտոգենեզի ընթացքում այս բաժիններից յուրաքանչյուրը մարդու հասակին համապատասխան զարգանում է։ Շատ տեսանելի է լինում ստորին հատվածի վատ զարգացվածությունը երեխաների մոտ՝ 1 տարեկանում։
Դեմքի վրա են գտնվում ճակատը, ունքերը, քթարմատը, քիթը, աչքերը, այտերը, ականջները, այտոսկրերը, շրթունքները, բեղերը, բերանն ու կզակը։
Դեմքի արտահայտչականություն (դիմախաղ)
[խմբագրել | խմբագրել կոդը]![](http://upload.wikimedia.org/wikipedia/commons/thumb/c/c3/William_Hogarth_010.jpg/220px-William_Hogarth_010.jpg)
Դեմքը շատ կոնկրետ արտահայտում է մարդու զգացմունքային վիճակը, ինչպիսիք են ցավը, ուրախությունը, հիասթափությունը, հոգնածությունը, անհանգստությունը, չարությունը։
1978 թվականից գոյություն ունի «դիմախաղերի կոդավորման համակարգ» (FACS), որը ստեղծել է Պոլ Էքմանը, շեշտը դրվում է դիմախաղային մկանների վրա, թույլ է տալիս տեսագրել դեմքի արտահայտությունը։
Դեմքը հանդիսանում է մարդու մարմնի ամենաանհատական մասը, հենց նրանով է կատարվում անձի նույնականացումը։
Ծանոթագրություններ
[խմբագրել | խմբագրել կոդը]- ↑ Куприянов В. В., Стовичек Г. В. Анатомическая характеристика лица человека // Лицо человека: анатомия, мимика. — М.: Медицина, 1988. — 272 с. — 26 000 экз. — ISBN 5-225-00112-2
- ↑ Рейсс Р. А. Словесный портрет. — М., 1911. — 154 с.
![]() | Վիքիպահեստն ունի նյութեր, որոնք վերաբերում են «Դեմք» հոդվածին։ |
|