Գուրգեն Արամյան

Գուրգեն Արամյան;
Ծնվել է	1919
Ծննդավայր	Թիֆլիս, Վրաստանի Դեմոկրատական Հանրապետություն
Մահացել է	1994
Քաղաքացիություն	ԽՍՀՄ
Կրթություն	Փանոս Թերլեմեզյանի անվան գեղարվեստի պետական քոլեջ
Մասնագիտություն	նկարիչ
Աշխատավայր	Երևանի պետական գեղարվեստա-թատերական ինստիտուտ
Պարգևներ և ; մրցանակներ	և

Գուրգեն Լևոնի Արամյան (1919, Թիֆլիս, Վրաստանի Դեմոկրատական Հանրապետություն - 1994), հայ նկարիչ։ Երկրորդ համաշխարհային պատերազմի Արևելյան ռազմաճակատի («Հայրենական մեծ պատերազմ», 1941-1945) մասնակից^[1]։

Կենսագրություն

Գուրգեն Արամյանը ծնվել է 1919 թվականին, Թբիլիսիում։ Ընդունվել է Երևանի գեղարդ տեխնիկումը։

1939 թվականից ծառայել է Կարմիր բանակում^[1]։ 1941 թվականին ծառայությունը չավարտած, որպես ավագ սերժանտ մեկնել է ռազմաճակատ։ Պատերազմի թեժ օրերին գերի է ընկել, տարվել Մոժայսկի համակենտրոնացման ճամբար։ Երկու ամիս ճամբարում մնալուց հետո Արամյանին հաջողվել է մի քանի ռազմագերիների հետ փախչել և միանալ խորհրդային զորքերին։ Մոսկվայի համար ծավալված կռիվների ժամանակ վիրավորվել է, տեղափոխվել մոսկովյան հոսպիտալ, այնտեղից՝ Վլադիմիր, ապա՝ Կովրովո։ 1942 թվականի մարտին Գուրգենը վերադարձել է գործող բանակ, միացել առաջին Բելոռուսական ռազմաճակատի մարտիկներին, մասնակցել Քյոնիգսբերգի և Բեռլինի գրավման մարտերին, ետ է կանչվել և № դիվիզիայի մարտիկների հետ գործուղվել Հեռավոր արևելյան ռազմաճակատ, մասնակցել միլիտարիստական Ճապոնիայի դեմ մղվող մարտերին։ Պատերազմից հետո դասավանդել է Երևանի գեղարվեստա-թատերական ինստիտուտում^[1]։

Խիզախության համար Արամյանը պարգևատրվել է «Կարմիր աստղի» և «Հայրենական մեծ պատերազմի» առաջին աստիճանի շքանշաններով, «Մարտական ծառայությունների համար», «Մոսկվայի պաշտպանության համար», Քյոնիգաբերգի գրավման համար, Գերմանիայի դեմ տարած հաղթանակի համար, Ճապոնիայի դեմ տարած հաղթանակի համար և այլ շքանշաններով ու մեդալներով^[1]։

Աշխատանքներից գտնվում են Հայաստանի ազգային պատկերասրահում^[2]։

Գուրգեն Արամյանը մահացել է 1994 թվականին^[1]։

Պարգևներ

Կարմիր աստղի շքանշան
Հայրենական մեծ պատերազմի առաջին աստիճանի շքանշան
«Մարտական ծառայությունների համար» մեդալ
«Մոսկվայի պաշտպանության համար» մեդալ
Քյոնիգաբերգի գրավման համար մեդալ
Գերմանիայի դեմ տարած հաղթանակի համար մեդալ
Ճապոնիայի դեմ տարած հաղթանակի համար մեդալ

Ծանոթագրություններ

↑ ^1,0 ^1,1 ^1,2 ^1,3 ^1,4 Մուսաները չլռեցին։ Հայաստանի մշակույթի գործիչները 1941-1945 թթ. հայրենական մեծ պատերազմում, զոհված հայ արվեստագետներ։ Գիրք I. - Եր.: Խորհրդային գրող, 1989 թ., 392 էջ:
↑ «Շտեմարան - Հավաքածու - Հայաստանի ազգային պատկերասրահ». www.gallery.am. Վերցված է 2020 թ․ հոկտեմբերի 18-ին.

[books-1] 1,0 ^1,1 ^1,2 ^1,3 ^1,4 Մուսաները չլռեցին։ Հայաստանի մշակույթի գործիչները 1941-1945 թթ. հայրենական մեծ պատերազմում, զոհված հայ արվեստագետներ։ Գիրք I. - Եր.: Խորհրդային գրող, 1989 թ., 392 էջ:

[2] «Շտեմարան - Հավաքածու - Հայաստանի ազգային պատկերասրահ». www.gallery.am. Վերցված է 2020 թ․ հոկտեմբերի 18-ին.

[1]

[2]