Արվո Մետս

Արվո Մետս А́рво Анто́нович Метс
Ծնվել է	ապրիլի 29, 1937(1937-04-29)
Ծննդավայր	Տալլին, Էստոնիա
Վախճանվել է	1997
Վախճանի վայր	Մոսկվա, Ռուսաստան
Մասնագիտություն	լեզվաբան, բանաստեղծ և թարգմանիչ
Լեզու	ռուսերեն
Քաղաքացիություն	Էստոնիա,  ԽՍՀՄ և  Ռուսաստան
Կրթություն	Մաքսիմ Գորկու անվան գրականության ինստիտուտ

Արվո Մետս (ռուս.՝ А́рво Анто́нович Метс, ապրիլի 29, 1937(1937-04-29), Տալլին, Էստոնիա - 1997, Մոսկվա, Ռուսաստան), ազգությամբ էստոնացի ռուսական բանաստեղծ։

Ծնվել է 1937 թվականին, Տալլինում։ Ավարտել է Լենինգրադի գրադարանային ինստիտուտը։ Ուսումը շարունակել է Մ. Գորկու անվան գրականության ինստիտուտում։ Եղել է գրական երեկոների կազմակերպիչ, որոնք վերակառուցման տարիներին հաշտարար չեզոքության վայր եղան մայրաքաղաքի գրական անջատ խմբավորումների համար։ 1975-1991 թթ. աշխատել է «Նովի միր» ամսագրի պոեզիայի բաժնում, գլխավորել «Նա Տագանկե» գրական ակումբը։ Կյանքի օրոք լույս են տեսել նրա բանաստեղծական երեք գրքերը։ Ա. Մետսի ստեղծագործությունները հրապարակվել են Ռուսաստանի առաջատար գրական պարբերականներում։

Մահացել է 1997 թվին։

Արվո Մետսը հայերեն

• «Մի՞թե շատ բան է մարդուն անհրաժեշտ»; «Անտերունչ շունը հարմարվում է քայլքին...»; «Աշնանային գունեղ անտառներում...»; «Ժողովում եմ իմ հարստությունը...»; «Այնպես ձգված է...»; «Ես ազատեցի...»; «Ծանրակշռությունը...»; «Որքան շատ են մարդիկ...»; «Էլեկտրագնացքում...», «Հայրս ժլատ էր...»; «Հայրս վախճանից քիչ առաջ...»; «Հազիվ լսելի է...»; «Պոեզիայի փնտրտուքով...»; «Երբ ես անտառում...»; Հոկտեմբեր; «Նման մութ գիշերով...»; «Երկու կնճիռ է...»; «Երեկոյան, երբ...»; «Ջութակով...»; «Ջահել աղջիկները դեմքով նման են...»; «Պոետը կանգնած է վերմիշելի հերթում»; «Անհետանում են գարնան ծոցում...»; «Քաղաքում քայլում է...»; «Լռին ննջեցին բլուրները...»; «Կապույտ մանկասայլակում...»; «Հոգսերով...»; «Կարելի է խլել ամեն ինչ...»; «Փոքրիկ...»; «Ինքս էլ չգիտեմ...»; «Որքան խոշոր են այստեղ աստղերը...»; «Շնորհակալ եմ Քեզ...»: Արդի ռուսական վերլիբռ, Ստեփանակերտ, «Ոգի-Նաիրի», 2015, էջ 199-211։ Թարգմ.՝ Հրանտ Ալեքսանյան։