Անիտա Քիլլի
![]() | |
---|---|
Ծնվել է | հունվարի 17, 1968 (56 տարեկան) |
Ծննդավայր | Սթավանգեր, Ռուգլան, Նորվեգիա |
Կրթություն | Օսլոյի արվեստի ազգային ակադեմիա և Volda University College? |
Քաղաքացիություն | ![]() |
Մասնագիտացում | կինոռեժիսոր և նկարազարդող |
IMDb | ID ID 0453167 |
Անիտա Քիլլի (նորվ.՝ Anita Killi, հունվարի 17, 1968, Սթավանգեր, Ռուգլան, Նորվեգիա), նորվեգացի նկարիչ-մուլտիպլիկատոր, կինոռեժիսոր։
Կենսագրություն
[խմբագրել | խմբագրել կոդը]Անիտա Քիլլին 1988-1990 թթ. Օսլոյում Նորվեգիայի արհեստագործական և արվեստի արդյունաբերության ակադեմիայում ուսանել է գրաֆիկական դիզայն և պատկերազարդում, 1990-1992 թթ. մուլտիպլիկացիա է ուսանել Վոլդա համալսարանի քոլեջում, 1996 թվականին՝ Նորվեգիայի արհեստագործական և արվեստի արդյունաբերության ակադեմիայում։ Սովորել է նաև Էստոնիայում։
Անիտա Քիլլին նկարել է մի շարք մրցանակակիր մուլտիպլիկացիոն ֆիլմեր, այդ թվում՝ «Փշե ցանկապատ» (2001 թ.), որը ճանաչվել է որպես նորվեգական կինոնկար, որը 2002 թվականին առավելագույն միջազգային մրցանակների է արժանացել։ Բացի անիմացիոն նկարահանումները, Քիլլին նկարել է անիմացիոն գովազդներ, վավերագրական և ինդուստրիալ ֆիլմեր։ 2009 թվականին ավարտել է «Զայրացած մարդը» անիմացիոն ֆիլմը, որը հիմնված է Գրո Դալեի և Սվայն Նիհուսի համանուն պատկերագրքի վրա և վերաբերում է ընտանեկան բռնությանը։ 2011 թվականի դրությամբ ֆիլմը ցուցադրվել է գրեթե հարյուր կինոփառատոների ժամանակ և արժանացել բազմաթիվ մրցանակների՝ Անիտա Քիլլին դարձնելով 2010 թվականի ամենաշատ մրցանակների արժանացած կինոգործիչը[1]։
1995 թվականից Քիլլին Դովրեի ընտանեկան ագարակում ղեկավարում է Trollfilm AS անիմացիոն ստուդիան։ Նրա ֆիլմերի մեծ մասում օգտագործվող տեխնիկան անիմացիոն հատվածների և բազմակողմանի տեխնիկայի կադր անիմացիայի համադրություն է։
Քիլլին որպես ոգեշնչման աղբյուր հիշատակում է Յուրի Նորշտեյնին և Միքայել Դյուդոկ դը Վիտին[2]։
Ընտրված ֆիլմագրություն
[խմբագրել | խմբագրել կոդը]- 1992: Glassballen, 4 րոպե (ռեժիսոր)
- 1994: Sirkel, 5 րոպե (նկարիչ-մուլտիպլիկատոր)
- 1996: Lávrasiid Áigi կամ Solens datter (Արևի դուստր), 12 րոպե (ռեժիսոր)
- 1997: Langt, langt borte (Հեռու, հեռու), 4 րոպե (նկարիչ-մուլտիպլիկատոր)
- 1999: Kongen som ville ha mer enn en krone (Մեկից ավելի գահ ցանկացող թագավորը)
- 2001: Tornehekken (Փշոտ ցանկապատ), 13 րոպե (ռեժիսոր)
- 2009: Sinna mann (Զայրացած մարդ), հիմնված ՝ Sinna Mann պատկերազարդի գրքի վրա
Ծանոթագրություններ
[խմբագրել | խմբագրել կոդը]- ↑ Filmweb.no: Anita Killi og Sinna Mann vant flest priser 2010 (in Norwegian)
- ↑ «Արխիվացված պատճենը». Արխիվացված է օրիգինալից 2016 թ․ օգոստոսի 5-ին. Վերցված է 2018 թ․ մարտի 12-ին.
Արտաքին հղումներ
[խմբագրել | խմբագրել կոդը]- Anita Killi at Trollfilm Արխիվացված 2016-03-21 Wayback Machine
|