Հարավարևելյան Ասիա

Ասիայի երկրամասերը ըստ ՄԱԿ-ի՝      Հյուսիսային Ասիա      Կենտրոնական Ասիա      Հարավ-Արևմտյան Ասիա      Հարավային Ասիա      Արևմտյան Ասիա      Հարավ-Արևելյան Ասիա

Հարավ-Արևելյան Ասիան աշխարհի քարտեզի վրա

Հարավ-Արևելյան Ասիան (բենգալերեն՝ দক্ষিণ-পূর্ব এশিয়া, չինարեն՝ 東南亞, թայերեն՝ เอเชียตะวันออกเฉียงใต้, վիետնամերեն՝ Đông Nam Á) ասիական տարածաշրջան է, որի մեջ մտնում են հետևյալ պետությունները.

• Մյանմա (Բիրմա)
• Թաիլանդ
• Լաոս
• Կամբոջա
• Վիետնամ
• Ֆիլիպիններ
• Մալազիա
• Սինգապուր
• Բրունեյ
• Ինդոնեզիա
• Արևելյան Թիմոր

Ընդհանուր աշխարհագրական ակնարկ

Հարավարևելյան Ասիա տարածաշրջանը զբաղեցնում է Հարավային Ասիայի տարածաշրջանից արևելք ընկած թերակղզային տարածքները՝ Հնդկաչին թերակղզին և մի շարք կղզիներ ու կղզեխմբեր։ Դրանք են Փոքր Զոնդյան, Ֆիլիպինյան, Մոլուքյան կղզեխմբերը, Նոր Գվինեա կղզին։ Տարածաշրջանը միավորում է թվով 10 անկախ պետություններ։ Հարավարևելյան Ասիան ունի շատ հարմար աշխարհագրական դիրք։ Այստեղով են անցնում Հնդկական և Խաղաղ օվկիանոսների ավազանները և դրանցում գտնվող երկրները միացնող կարևոր ծովային ճանապարհները։

Զարգացման բնական նախադրյալները

Հարավարևելյան Ասիա տարածաշրջանը բարձրաբերձ լեռների, ընդարձակ ծովափնյա հարթավայրերի, լեռնային հովիտների շրջան է։ Լեռնակազմական երևույթները այժմ էլ շարունակվում են, որի վկան են գործող հրաբուխները, հաճախակի կրկնվող երկրաշարժերը, ցունամիները։ Գտնվում է արևադարձային կլիմայական գոտում, ուստի և եղանակները ամբողջ տարին խոնավ են ու տաք, առատ տեղումներով։ Միայն ծովից հեռու ներքին շրջաններում երբեմն լինում են չորային եղանակներ։ Հարթավայրային շրջանները ծածկված են ալյուվիալ, բերրի հողերով։

Արտաքին հղումներ

• Topography of Southeast Asia in detail
• CityMayors.com article
• Southeast Asian Archive
• Southeast Asia Digital Library
• "Documenting the Southeast Asian Refugee Experience"
• Southeast Asia Visions, a collection of historical travel narratives
• SoutheastAsia.org Official website of the ASEAN Tourism Association