Podroždź

**Podroždź**
Podrosche
	Połoženje Podroždźa na karće Hornjeje Łužicy
	Połoženje Podroždźa na karće Hornjeje Łužicy
gmejna:	Krušwica
zagmejnowanje:	1950 (do Přibuzka)
wobydlerstwo:	54
wysokosć:	128 metrow n.m.hł.
	51.47055555555614.945833333333128 Koordinaty: 51° 28′ 14″ S, 14° 56′ 45″ W
póstowe čisło:	02957
předwólba:	035775
	wobydler/ka:; Podroždźan/-ka
	adjektiw:; Podroždźanski
	skłonowanje:; Podroždźa, Podroždźej, Podroždź, Podroždźom, w Podroždźu
	Podroždźanska cyrkej Podroždźanska cyrkej
	wikidata: Podroždź (Q160203)

Podroždź (němsce Podrosche)^[1] je hornjołužiska wjes w Zhorjelskim wokrjesu na samym wuchodźe Sakskeje. Słuša wot lěta 1994^[2] ke gmejnje Krušwica.

Geografija

Wjes leži na lěwym brjohu Łužiskeje Nysy při hranicy z Pólskej. Sewjerozapadnje wsy leži Wjertko a na juhowuchod Přibuzk. Južnje wsy wupřestrěwa so wojerske zwučowanišćo Hornja Łužica. Nimo Podroždźa wjedźe statna dróha S127 z Rózborka (22 km) do Mužakowa (15 km). Najbliši hraničny přechod do Pólskeje nadeńdźe so w Přibuzu (8 km).

Stawizny

Prěnje historiske naspomnjenje jako Podegros pochadźa z lěta 1521. Ležownostne knjejstwo njewukonješe ryćerkubło we wsy, ale Mužakowske stawowe knjejstwo, kotrež wobhospodarješe tež wudwór we wsy. Cyrkwinsce słušeše Podroždź do lěta 1668 k Přibuzej. Wot toho časa měješe swójsku wosadu, do kotrejež słušachu tež někotre wsy wuchodnje Łužiskeje Nysy, potajkim w dźensnišej Pólskej. Dźensa słuša Podroždźanska cyrkej jako filiala do ewangelskeje wosady Podroždź-Pěchč.^[2]

We wobłuku nacionalsocialistiskeho přemjenowanja łužiskich wsow dósta Podroždź w lěće 1936 nowe němske pomjenowanje Grenzkirch. Stare mjeno so pak po němskej poražce w Druhej swětowej wójnje w lěće 1947 zaso wróći.

Hač do lěta 1950 tworješe Podroždź samostatnu gmejnu; wot tutoho lěta bě gmejnski dźěl Přibuzka, kotryž so w lěće 1994 do Krušwicy zagmejnowa.

Žórła

↑ Walter Wenzel: Oberlausitzer Ortsnamenbuch. LND, Budyšin 2008.
↑ ^2,0 ^2,1 Podroždź w Digitalnym stawizniskim zapisu městnow Sakskeje (němsce)

Wotkazaj

Commons: Podrosche/Podroždź – Zběrka wobrazow, widejow a awdiodatajow

Podroždź na webstronach Krušwicy (němsce)

Wjesne dźěle Krušwicy

[WWOL2008-1] Walter Wenzel: Oberlausitzer Ortsnamenbuch. LND, Budyšin 2008.

[digit-2] 2,0 ^2,1 Podroždź w Digitalnym stawizniskim zapisu městnow Sakskeje (němsce)

[1]

[2]