Lětdźesatk

Lětdźesatk (tež dekada wot starogrjekskeho δέκα déka, „dźesać“) je doba, kotraž wobsteji z dźesać lět. Dźesać lětdźesatkow tworja lětstotk.

Ličenje lětdźesatkow započina so – kaž ličenje lětstotkow a lěttysacow – z lětom 1 po Chrystusu. Tomu wotpowědujo započinaja so lětdźesatki přeco z lětami na 1. Druhi lětdźesatk 21. lětstotka započa so potajkim dnja 1. januara 2011 a so dnja 31. decembra 2020 skónči. We wobchadnej rěči wužiwaja so zapřijeća kaž „dźewjećdźesate lěta“, při čimž su porno tomu lěta wot 1990 do 1999 měnjene.