Chanecy

**Chanecy**
Cannewitz
	Połoženje Chanec na karće Hornjeje Łužicy
	Połoženje Chanec na karće Hornjeje Łužicy
gmejna:	Zemicy-Tumicy
zagmejnowanje:	1936 (do Čerwjenych Noslic)
wobydlerstwo:	62 (9. meje 2011)
wysokosć:	220–240 metrow n.m.hł.
	51.16694444444414.266944444444220–240 Koordinaty: 51° 10′ 1″ S, 14° 16′ 1″ W
póstowe čisło:	01877
předwólba:	03594
	wobydler/ka:; Chanečan/-ka
	adjektiw:; Chanečanski
	skłonowanje:; Chanec, Chanecam, Chanecy, Chanecami, w Chanecach
	Napohlad Chanec ze zapada Napohlad Chanec ze zapada
	wikidata: Chanecy (Q165120)

Chanecy (němsce Cannewitz) su wjeska z 62 wobydlerjemi^[2] na juhu hornjołužiskeho wokrjesa Budyšin. Słušeja wot lěta 1994 ke gmejnje Zemicy-Tumicy a leža mjez 220 a 240 m nad mórskej hładźinu při Slěbornej wodźe. Hač do lěta 1936 běchu Chanecy samostatna gmejna a po tym najprjedy wjesny dźěl Čerwjenych Noslic.

Geografija

Susodne wjeski su do Hodźija słušace Lutyjecy a Spytecy na sewjeru a wuchodźe, Čerwjene Noslicy na juhu a Počaplicy na zapadźe.

Michał Rostok naliči 1887 slědowace serbske ležownostne mjena: Babina, Bloha (na Blohach), Droholina, Gelnowa, Šije (Šijach), Třepjelca, Wrjósk, Kanečanski doł, W nuhłach, W mrokach, Sekera, Na křižu, W dubinach, W pjeńčkach, W strónjach, W Kunowach (w Kulowach).^[3]

Stawizny

Sydlerskostawiznisce su Chanecy kulowc. Prěnje historiske naspomnjenje jako villula Chanowiz je hižo z lěta 1222^[4], stare hrodźišćo mjez Chanecami a Spytecami pak je hišće starše. Znajmjeńša z 13. lětstotka bě wjes tež knježe sydło.

W lěće 1884 měješe wjes po Mukowej statistice 80 wobydlerjow, mjez nimi 70 Serbow (88 %).^[5] Arnošt Černik ličeše 1956 hišće 38 % wobydlerstwa jako Serbow. Dźensa leži wjeska zwonka oficielneho serbskeho sydlenskeho ruma.

Křesćanscy Chanečenjo su přewažnje protestanća a přisłušeja Hodźijskej wosadźe.

Žórła

↑ staw: 9. meje 2011; Wuslědki censusa 2011 za Zemicy-Tumicy
↑ staw: 9. meje 2011; Wuslědki censusa 2011 za Zemicy-Tumicy
↑ Michał Rostok: Ležownostne mjena. W: ČMS 40 (1887), str. 3–50, tu str. 20 (digitalizat).
↑ Chanecy w Digitalnym stawizniskim zapisu městnow Sakskeje (němsce)
↑ Ernst Tschernik: Die Entwicklung der sorbischen Bevölkerung. Akademie-Verlag, Berlin 1954, str. 51. → wšě wjeski

Wotkaz

Commons: Chanecy – Zběrka wobrazow, widejow a awdiodatajow

Wjesne dźěle Zemic-Tumic

[1] staw: 9. meje 2011; Wuslědki censusa 2011 za Zemicy-Tumicy

[2] staw: 9. meje 2011; Wuslědki censusa 2011 za Zemicy-Tumicy

[3] Michał Rostok: Ležownostne mjena. W: ČMS 40 (1887), str. 3–50, tu str. 20 (digitalizat).

[digit-4] Chanecy w Digitalnym stawizniskim zapisu městnow Sakskeje (němsce)

[5] Ernst Tschernik: Die Entwicklung der sorbischen Bevölkerung. Akademie-Verlag, Berlin 1954, str. 51. → wšě wjeski

[1]

[2]

[3]

[4]

[5]