Islam
Islam je jedna wot wulkich monoteistiskich swětowych nabožinow. Swjata kniha islama je koran. Nabožina załoži so w prěnjej połojcy 7. lětstotka wot profeta Mohammeda (tež Muhammad) na Arabskej połkupje w městomaj Medina a Mekka a rozšěrješe so potom spěšnje na cyłym Bliskim wuchodźe a w sewjernej Africe. Dźensa je we swěće něhdźe 1,6 miliardow muslimow, tuž je islam po křesćanstwje druha najwjetša swětowa nabožina. Hłownej prudźeni islama stej sunna a šia. Cyłk muslimskich wěriwych mjenuje so umma.
![](http://upload.wikimedia.org/wikipedia/commons/thumb/3/31/Islam_by_country.png/290px-Islam_by_country.png)
Zelene: sunnitiske kónčiny, čerwjene: šiitiske kónčiny, módre: Ibadića (Oman)
![](http://upload.wikimedia.org/wikipedia/commons/thumb/1/17/Supplicating_Pilgrim_at_Masjid_Al_Haram._Mecca%2C_Saudi_Arabia.jpg/220px-Supplicating_Pilgrim_at_Masjid_Al_Haram._Mecca%2C_Saudi_Arabia.jpg)
Je pjeć stołpow islamskeje wěry:
- wuznaće wěry (šahada)
- modlitwa (salat)
- wotedawk (sakat)
- posćenje (saum)
- putnikowanje (hadź)
Kraje
wobdźěłaćKraje z wulkej muslimskej ludnosću su:
- w Aziji: Afghanistan, Azerbajdźan, Bahrain, Bangladeš, Brunei, Indiska, Indoneska, Irak, Iran, Jemen, Jordaniska, Katar, Kazachstan, Kirgiska, Kuwait, Malajzija, Libanon, Oman, Pakistan, Sawdi-Arabska, Syriska, Tadźikistan, Turkmenistan, Turkowska, Uzbekistan, Zjednoćene arabske emiraty
- w Africe: Algeriska, Čad, Egyptowska, Gineja, Libyska, Mali, Marokko, Mawretanska, Niger, Nigerija, Senegal, Somalija, Sudan, Tuneziska
- w Europje: Albanska, Bosniska a Hercegowina, Kosowo
Wotkaz
wobdźěłać Commons: Islam – Zběrka wobrazow, widejow a awdiodatajow