Tommy Leece

**Tommy Leece**
Tommy Leece
Ruggit	Lua error in Module:WikidataIB at line 420: attempt to index local 'fdate' (a nil value).; Skeerey Chairbre, Mannin
Hooar baase	Lua error in Module:WikidataIB at line 420: attempt to index local 'fdate' (a nil value).
Seyraanaght	Mannin
Çhengey	Gaelg Vanninagh · Baarle
Keird	meaineyder · eeasteyr
Mie er enney son	Fer jeh ny Gaelgeyryn dooghyssagh jerrinagh roish yn aavioghey

Va Thomas Leece, ny Tommy Leece ny s'menkey, (1859-12 Averil 1956) ny Ghaelgeyr dooghyssagh voish jiass Vannin. Ghow eh toshiaght gobbragh ayns ny meainyn ayns Forsdal shooyl voish yn thie echey ayns Kerrookeeill dy roshtyn ny meainyn ec shey er y chlag sy voghrey.

She laa liuayr as doillee v'ec yn sleih va gobbragh ayns ny meainyn as t'eh grait dy row Tommy poosit ayns y traa kirbyl echey.

Bleeantyn ny lurg daag Tommy Mannin as hie eh d'obbragh 'syn Affrick Jiass. Fy-yerrey haink eh er ash dys Mannin as v'eh ny eeasteyr rish tammylt troailt dys Kione Sailley as Shetlynn.

Va Walter y Chleree ginsh skeeal dinsh Tommy da mychione yn traa v'eh cummal 'syn Affrick Yiass. Yn sleih va stiurey ny meainyn briaght jeh sleih dy gholl magh shelg as dooyrt Tommy dy jagh eh magh shelg conneeyn tra v'eh ayns Mannin. Va gunn cuirrit da as begin da goll magh shelg ushaghyn as cretooryn dy voddagh yn sleih ayns ny meainyn gee feill.

Tra v'eh loayrt rish Coimisiún Béaloideasa Éireann v'eh gra dy row eh feer doillee keayrtyn greinnaghey Gaelgeyryn dy loayrt ass y Ghaelg.^[1]

Imraaghyn

↑ Skeealyn Vannin / Stories of Mann: The complete collection of Manx Language archive recordings made by the Irish Folklore Commission in 1948, Doolish: Manx National Heritage, 2003, pp. 13

[1] Skeealyn Vannin / Stories of Mann: The complete collection of Manx Language archive recordings made by the Irish Folklore Commission in 1948, Doolish: Manx National Heritage, 2003, pp. 13

[1]