Niqāb
![](http://upload.wikimedia.org/wikipedia/commons/thumb/4/4c/EFatima_in_UAE_with_niqab.jpg/220px-EFatima_in_UAE_with_niqab.jpg)
She sorçh dy vreid eh yn niqāb (Arabish: نِقاب "mask"). Ta'n niqāb coodaghey'n eddin, as t'eh ceaut liorish mraane Islamagh ennagh myr ayrn jeh'n hijāb thalleyragh. Ta'n niqāb ry-akin da'n chooid smoo ayns çheeraghyn Arabagh Ghiau Vooar ny Pershey lheid as yn Araab Saudi, y Yeaman, Bahrain, y Choowait, y Chatar, yn Omaan, as ny h-Emmiraidyn Arabagh Unnaneysit.
Ta'n ennym niqābīah currit er mraane ta ceau'n niqāb; ta'n fockle shen ymmydit myr marennym as myr ennym-ockle. Agh ta sleih ennagh jannoo soiagh jeh'n fockle rangoilagh munaqqabah (yl-rey munaqqabāt) er-yn-oyr dy vel "niqābīah" ymmydit ny keayrtyn myr fockle leodagh (cosoylagh rish y fockle "hijābīah" noi "muhajjabah").
Er-oyr yn ym-yiense dy hijabyn ta ceaut 'sy theihll Islamagh, cha nel eh aashagh anchasley dy shickyr eddyr un horçh dy vreid as sorçh elley. Ta ny h-enmyssyn niqāb as burqa ymmydit dy maylartagh.
![](http://upload.wikimedia.org/wikipedia/commons/thumb/4/4a/Commons-logo.svg/30px-Commons-logo.svg.png)