Anne Hathaway

She yn ben-aghteyr Americaanagh bun-chooish y duillag shoh. My vel anaase ayd ayns deiney elley lesh yn ennym cheddin oc, lhaih Anne Hathaway (reddaghey).

Anne Hathaway
Hathaway ayns 2024
Ennym ruggyree	Anne Jacqueline Hathaway
Ruggit	12 Mee Houney 1982(1982-11-12) (42 bleeaney d'eash) Brooklyn, Caayr York Noa, ny Steatyn Unnaneysit
Ashoonaght	Americaanagh
Seyraanaght	Steatyn Unnaneysit America
Çhengey	Baarle
Keird	aghteyr fillym · arraneyder · aghteyr çhellveeish · aghteyr ardan · aghteyr goo
Bleeantyn obbree	1999–jiu
Greieyn	goo
Ynsagh	Millburn High School (en) American Academy of Dramatic Arts (en) 1993) Vassar College (en) Ollooscoill York Noa (1995 – 1998)
Daah fuilt	folt keeir
Yrjid	173 cm
Sheshey	Adam Shulman (en)  (2012 –
Ayr	Gerald T. Hathaway
Moir	Kate McCauley Hathaway
Partee politickagh	Partee Deynlagh
Aundyryn	slane rolley Academy Award for Best Supporting Actress  (2012) : Les Misérables Primetime Emmy Award Golden Globe Award for Best Supporting Actress – Motion Picture  (2013) : Les Misérables star on Hollywood Walk of Fame Hasty Pudding Woman of the Year  (2010)
Kianglaghyn fysseree as sheshoil
IMDb	nm0004266
Discogs ID	2301916
Models.com	Anne-Hathaway
Instagram	annehathaway

She ben-aghteyr Americaanagh ee Anne Jacqueline Hathaway (ruggit er 12 Sauin 1982). Ta enney mie urree as t'ee er chosney ram aundyryn as accolaidyn, goaill stiagh un Aundyr Academy, un Aundyr Golden Globe, as un Aundyr Primetime Emmy, as v'ee coontit mastey ny h-aghteyryn bwoirrin smoo eeckit ayns 2015.

Dirree Hathaway magh ass Ard-scoill Millburn ayns New Jersey raad ren ee cloie ayns shiartanse dy chloiaghyn. Myr jeigeyr, v'ee reiht son cloie 'sy straih hellveeish Get Real (1999–2000) as haink e chied ard-phaart 'sy fillym aittys The Princess Diaries (2001) liorish Disney. Erreish j'ee paartyn y chloie ayns straih filmyn lught thie neu-rahoil, ren Hathaway arraghey dys paartyn aasit lesh ny dramaghyn Havoc as Brokeback Mountain ayns 2005. She yn drama aittys The Devil Wears Prada (2006) va'n rah hraghtee smoo v'eck ec y traa shen. Ren ee cloie cleaynagh aa-slaanit lesh çhingys aignagh 'sy drama Rachel Getting Married (2008) raad hooar ee enmyssaght son Aundyr Academy son yn Aghteyr Bwoirrin Share.

Hie Hathaway er oaie cloie 'sy filmyn romansagh Bride Wars (2009), Valentine's Day (2010), as Love & Other Drugs (2010), as y fillym fansee Alice in Wonderland (2010). Ayns 2012, ren ee cloie Selina Kyle / Catwoman 'sy fillym The Dark Knight Rises. 'Sy vlein cheddin, ren ee cloie Fantine, streebagh er raad y vaaish liorish çhingys y cleeau, 'sy drama romansagh kiaullee Les Misérables, raad ren ee cosney Aundyr Academy son yn Aghteyr Bwoirrin Co-hassooagh Share. Lurg shen, ren ee cloie sheanseyr 'sy fillym far-skeealaght sheanse Interstellar (2014), shellooder colught fassan er-linney 'sy fillym aittys The Intern (2015), ben-chloieder voyrnagh 'sy fillym roosteyrys Ocean's 8 (2018), kialgeyr 'sy fillym aittys The Hustle (2019), as Rebekah Neumann 'sy vyn-straih WeCrashed (2022).

Chammah as e paartyn 'sy scannaneaght, ta Hathaway er chosney Aundyr Primetime Emmy son e paart goo 'sy sitcom The Simpsons, er ghoaill arraneyn son kiaull fillym, er chloie er yn ardan, as er chuirrey cruinnaghtyn.

Kianglaghyn magh

• Anne Hathaway ec IMDb