Samuel Ortom

Samuel Loraer Ortom (he yin jiji to azán 23tọ Lidosun 1961 tọn) yin tonudọtọ, ajọwatọ po lẹblanu homẹdagbenọ, tovi ayimatẹn Benin tọn to otò Naijilia tọn mẹ. Ewọ wẹ yin ayimatẹngan benin tọn to alọnu. To owhè 2015 wẹ e yin dide taidi ayimatẹngan to tonudọgbẹ APC tọn glọ. To whenue e jẹ owhè 2019 tọn, e sọ vọ yin dide whla awetọ taidi ayimatẹngan benin tọn sigba to tonudọgbẹ PDP tọn glọ. To whenue Goodluck Jonathan tin to ganzinpoji, samuel ortom wẹ yin minista họglọ tọn na karai po tito ajọwiwa tọn.

Otan gbẹzan etọn po wepinplọn po

Dile mi ko dọ do jẹnukọn, yé ji samuel ortom to azan konukunatọntọ osun ẹnẹtọ owhè 1961 tọn to ayimatẹn benin tọn to ahọluduta guma tọn glọ to otò Naijilia tọn mẹ. E bẹ wehọmẹ dokọ tọn to st john primary school to topẹvi gboko tọn mẹ to owhè 1970 po st catherine primary school po, to ayimatẹn maiduguri tọn mẹ, e yin dẹpẹgan ayimatẹn benin tọn to 1974, e fo wehọmẹ dokọ tọn etọn to owhè 1976. E zindonukọn to wepinplọn etọn tọn mẹ to Idaha secondary commercial college, to ayimatẹn koggi tọn, sigba e ma fo e na wehọmẹ kwẹ tọn wutu na otọ etọn ko gbọjẹ to azọnmẹ. Ojlẹ enẹ mẹ wẹ e lẹzun hunkuntọ dé nado penukundo ede go. samuel ortom ma dike enẹ ni hẹn ẹn gbọjọ. To whenue e jẹ akwẹ pẹde pẹde mọ ji, e zindonukọn to wepinplọn etọn mẹ kaka e do yí gbedewema wesetọ tọn, Doctor of Philosophy (Ph.D) to commonwealth university, Belezi, gando tito wepinplọn whegbetọn go. Jẹnukọn na ojlẹ enẹ, e hiawe diploma to oyọnẹn nusisa tọn to amadu bello university, to otò zaria tọn to benue state university, to fihe e hiawe diploma to azọn linlin tọn mẹ to 1998.