Job achem Pustok
Romi
|
Job ache Pustok
[बदल]Book of Job
![](http://upload.wikimedia.org/wikipedia/commons/thumb/3/35/Georges_de_La_Tour_044.jpg/220px-Georges_de_La_Tour_044.jpg)
![](http://upload.wikimedia.org/wikipedia/commons/thumb/9/9d/Destruction_of_Leviathan.png/220px-Destruction_of_Leviathan.png)
![](http://upload.wikimedia.org/wikipedia/commons/thumb/5/55/Blake_1793_Job%27s_Tormentors_%28cropped%29.jpg/220px-Blake_1793_Job%27s_Tormentors_%28cropped%29.jpg)
![](http://upload.wikimedia.org/wikipedia/commons/thumb/b/b7/Job_Scroll.jpg/220px-Job_Scroll.jpg)
![](http://upload.wikimedia.org/wikipedia/commons/thumb/5/5e/118.Job_Hears_of_His_Misfortunes.jpg/220px-118.Job_Hears_of_His_Misfortunes.jpg)
![](http://upload.wikimedia.org/wikipedia/commons/thumb/7/79/119.Job_Speaks_with_His_Friends.jpg/220px-119.Job_Speaks_with_His_Friends.jpg)
Job Devak polleunk ani aikunk anvddevun anvddeta ani Tachea tonddantlo ilo-so tori zobab axeun ravta. Sorvespor Dev aplea kortubanchem nitivontponn Jobakh kollit korina. Punn, dusrea ordan, Aple thav naxil’le zannvaiecher ani mit-mer naxil’le podvecher khol niall korunk sorvespor Dev Jobak apoita (38-41). Ani ucharabhaile Dev-Rochnnarache ojapvont manddavolli mukhar, Job gopchup ogo ravta ani tachea monant matui savronant tim Devachim koutik vismitam polleun, apli vhodd chuk manun gheta ani Devacher Aplo bhavarth ani visvas odik kholaita ani thiraita.
“Mujya gineanan atthapunk zaina toslim devachim ojapam vismitam…..” (42/3). Hea tachea bhavarthachea somorponna uprant, dev Jobak portun bhurgim dita ani tachi dan-dovlot, bhattam-bensank dupett vaddoita. Ani tachea tegam ixttank khoraien xiddkaita.
Heo khol xikovnneo ani sogllea mon’xank lagu zatolo deivik sondex ditolem pustok, Pordesa uprant chodd korun xastri sangtat te porim, panchvea xenkddeache survatek Kristi xoka adim uzvaddak ailem.
Tacho mukhel sondex mholler : devache nitivont ievzonne pormannem, bore ani promannik-ui monis sonstole ani koxtt bhogtole ani tanchea koxtt-upodream vorvim Dev tanchea nix bhavarthachi ani visvaxiponnachi topasnni korta. Tankam xevottak inam’ melltolem. Mon’xachea ihan gineanan Devacho ghutt ani vatto somzunk-atthapunk zainant. Ho sonvsar ani hi srixtti choloitolea sorvzannar ani Sorvpodvedar Deva mukhar ihan’vikaien ami sorpottchem ani Taka amchea koxttam-trasamnim, onnbhovun, Tachea bollachi mogall asnneachi ani zannvaiechi nomrutaien vollokh gheunchi (42/5). Atam Job xiklo Devache rochnneche manddavollin khoim ti tachi svat ani to konn to Sorvpodvedara Deva mukhar !
Joba bhaxen ami sodanch udgarchem : “Somian mhaka dilem, Somian portun vhelem, Somiachem nanv sudoiv zaum !” (1/21).