Galéno
| Galeno Γαληνός | ||
|---|---|---|
 | ||
| Hetã | Rróma Ymaguare | |
| Hembiapo | médico-escritor, cirujano, tekovekuaatyhára, neurocientífico, pohãnohára y arandupykuaatyhára | |
| [editar datos en Wikidata] | ||
Claudio Galeno Nicon de Pérgamo (Pérgamo, 129-Rróma, amo 201/216 rupi), ojeikuaavéva Galeno, ha'e akue peteĩ pohãnohára ha arandupykuaatyhára Gyrésia Ymaguare pegua, upekuévo Rróma Mburuvi mba'e.[1][2][3] Ojehechakuaaite chupe ha'ehague peteĩ pohãnohára hesa'ỹijohára hembiapokue oĩmbaitéva Ára Ymaguare pegua, hemimo'ãnguéra oñuvãmba Európa pohãnokuaa rehe hetave 1000 ary pukukuévo heta tembikuaápe ha'éva yvypóra retekuaa,[4] mba'asykuaa, pohãkuaa[5] ha tajyguekuaapy, upéicha avei ohupyty arandupykuaaty[6] ha kuaarape.
Galéno ojehekombo'e Gyrésia rekópe ha oñemoarandu pohãnokuaápe mokõi Hipócrates remimbo'éndi: Estraconio ha Sátiro. Upe rire oho ohecha ha oikuaa pohãnokuaa mbo'ehao Esmirna, Corinto ha Alejandría-pe. Ipahápe, oho Rrómame, upépe oiko chugui pohãnohára herakuã porãitéva oñangarekóvo umi ñorairõhárare ha upévare karai guasu Marco Aurelio ombou chupe omba'apo hag̃ua hendive.
Ára Mbytegua pukukuévo, Galéno rembiapokue oiko mba'eguasuitéva ramo pohãnoharakuéra jehekombo'épe umi mbo'ehaovusúpe, ho'a rire Rróma sa'imi oñemotenonde jehekombo'e. Jepémo, amo Mburuvi visantíno ha Kalifáto Mbohapyhápe ojeipyguara ha oñembotuicha gueteri Galéno rembiapokue. Oĩ Galéno remimo'ã ojavýva ha naiporãiva, araka'eve noikytĩri yvypóra retekue ha upévare ndoikuaaporãitéi, upekuévo oñemboykéva ha ojehecha'i umi oikytĩ yvypóra retekue.
Mandu'apy
[jehaijey | emoambue kuatia reñoiha]- ↑ Life, death, and entertainment in the Roman Empire. David Stone Potter, D. J. Mattingly (1999). University of Michigan Press. p. 63. Tembiecharã:ISBN
- ↑ " Galen on bloodletting: a study of the origins, development, and validity of his opinions, with a translation of the three works". Peter Brain, Galen (1986). Cambridge University Press. p.1. Tembiecharã:ISBN
- ↑ Nutton Vivian (1973). «The Chronology of Galen's Early Career». Classical Quarterly 23 (1): pp. 158–171. doi:. PMID 11624046. https://archive.org/details/sim_classical-quarterly_1973-05_23_1/page/158.
- ↑ «Galen on the affected parts. Translation from the Greek text with explanatory notes». Med Hist 21 (2): p. 212. doi:.
- ↑ Debru, Armelle (7 de marzo de 1997). . BRILL.
- ↑ Rocca, Dr Julius (16 de enero de 2003). . Brill.
